قومی شاہراہ 25
قومی شاہراہ 25 یا این-25 پاکستان کے صوبوں سندھ اور بلوچستان کو ملانے والی مرکزی شاہراہ ہے۔ اسے عام طور پر آر سی ڈی شاہراہ یا آر سی ڈی ہائی وے بھی کہا جاتا ہے۔ یہ شاہراہ پاکستان کو بذریعہ ایران ترکی سے منسلک کرنے کے لیے ایک معاہدے کے تحت بنائی گئی اور اسی لیے اسے آر سی ڈی شاہراہ کہا جاتا تھا۔ آر سی ڈی پاکستان، ایران اور ترکی کے مابین طے پانے والے معاہدے علاقائی تعاون برائے ترقی (Regional Cooperation for Development) کا مخفف تھا۔ بعد ازاں اس تنظیم کا نام اقتصادی تعاون تنظیم رکھ دیا گیا اور اس میں کئی نئے اراکین بھی شامل کیے گئے۔
 | |
|---|---|
| قومی شاہراہ 25 | |
| Route information | |
| Part of AH7 | |
| Maintained by نیشنل ہائی وے اتھارٹی | |
| Length | 813 کلومیٹر (505 میل) |
| Major junctions | |
| From | کراچی |
| To | چمن |
| Location | |
| Country | پاکستان |
| Major cities | بیلہ، خضدار، قلات، کوئٹہ |
| Highway system | |
این-25 بلوچستان کو نہ صرف پاکستان کے دیگر صوبوں سے بلکہ ایران اور ترکی سے بھی جوڑتی ہے۔ 813 کلومیٹر طویل یہ شاہراہ کراچی سے شروع ہوتی ہے اور بیلہ، قلات اور کوئٹہ سے ہوتی ہوئی چمن پر ختم ہوتی ہے۔ حال ہی میں اس شاہراہ کو گوادر سے بھی منسلک کیا گیا ہے۔
مقتدرہ قومی شاہراہ (نیشنل ہائی وے اتھارٹی) دیگر بڑی شاہراہوں کی طرح اس کا انتظام بھی سنبھالتی ہے۔