محمد بن حسن مہدی

محمد بن حسن یعنی امام مہدی اہل تشیع کے موجودہ زندہ امام یعنی بارہویں اور آخری امام ہیں جو گیارہویں امام حسن عسکری کے بیٹے یعنی پہلے امام علی بن ابی طالب کی اولاد میں سے ہیں۔

محمد بن حسن مہدی
(عربی میں: محمد بن الحسن المهدي)
معلومات شخصیت
پیدائش	29 جولا‎ئی 869 (1154 سال)  سامراء
تاريخ غائب	5 جنوری 874،  941،  878
شہریت	دولت عباسیہ
والد	حسن بن علی عسکری
والدہ	نرجس خاتون
عملی زندگی
استاد	حسن بن علی عسکری
پیشہ	امام

شجرہ نسب

مہدی بن حسن العسکری بن علی نقی بن محمد تقی بن علی رضا بن موسی کاظم بن جعفر صادق بن محمد باقربن علی زین العابدین بن حسین بن علی بن علی بن ابی طالب اور فاطمہ زہرا علیہم السلام اجمعین۔

ولادت

آپ کی ولادت 15 شعبان 255ھ مطابق 29 جولائی 869ء کو سامراء (موجودہ عراق) میں ہوئی اور امام حسن عسکری علیہ السلام کے بیٹے ہیں اور والدہ کا نام نرجس یا ملیکہ تھا جو قیصرِ روم کی نسل سے تھیں۔ ان کی پیدائش سے پہلے حاکم وقت نے ان کے قتل کا حکم دیا تھا اس لیے ان کی پیدائش کا زیادہ چرچا نہیں کیا گیا۔ حاکم وقت نے ان احادیث کو سن رکھا تھا کہ اہل بیت سے بارہ امام ہوں گے جن میں سے آخری امام مہدی علیہ السلام ہوں گے جو حکومت قائم کریں گے۔ تمام اسلامی فرقے متفق ہیں کہ ان کا نام محمد اور کنیت ابو القاسم ہوگی۔

آپ کی والدہ گرامی حضرت نرجس خاتون کو جنہیں ریحانہ اورسوسن بھی کہاگیا ہے۔ شیخ صدوق نے غیاث سے نقل کیا ہے کہ اس نے کہا امام حسن عسکری کا جانشین جمعہ کے دن پیدا ہوا اس کی والدہ ریحانہ تھیں کہ جنہیں نرجس ،صیقل اور سوسن بھی کہاجاتا تھا ۔۔۔ کمال الدین وتمام النعمۃ ،ص٤٣٢

القاب و خطابات

حوالوں میں دی گئی قدیم کتب میں ان کے کئی القاب ملتے ہیں۔ جن میں سے مہدی سب سے زیادہ مشہور ہے۔ ان کا اصل نام محمد ہے مگر مہدی اس قدر مشہور ہے کہ اسے ہی ان کے نام کے طور پر استعمال کیا جاتا ہے۔ ان کے القاب و خطابات یہ ہیں:

• مہدی : ہدایت پائے ہوئے۔
• القائم : قیام کرنے والا۔
• المنتظر : جن کے ظہور کا انتظار کیا جا رہا ہے۔
• صاحب الزمان : اہل تشیع کے مطابق وہ اس زمانے کے زندہ امام ہیں۔
• امام عصر یا امامِ زمانہ : یہ بھی صاحب الزمان کے ہم معنی ہے۔

غیبت

اہل تشیع کے عقیدہ کے مطابق امام مہدی پیدا ہوچکے ہیں۔ وہ پانچ سال کی عمر میں غیبت میں چلے گئے مگر اپنے عمال یا نائبین کے ساتھ رابطہ رکھا۔ اس وقت کو غیبت صغریٰ کہتے ہیں۔ غیبتِ صغرٰی کے دوران وہ اپنے معاملات اپنے نائبین کے ذریعے چلاتے رہے۔ ایسے چار نائبین کے نام تاریخ میں ملتے ہیں۔ غیبتِ صغریٰ 260ھ سے 329ھ تک چلتی رہی۔ بعد میں وہ مکمل غیبت میں چلے گئے جسے غیبت کبرٰی کہتے ہیں اس دوران انہیں کوئی نہیں دیکھ سکتا اور ان کا ظہور حدیث کے مطابق آخرالزمان یا قیامت کے قریب ہوگا۔ تب تک نیک علما لوگوں کی رہنمائی کا ذریعہ ہیں۔

آپ سے منسوب دعا و زیارات

آپ سے کئ دعا و زیارات منصوب ہیں۔ دعائے عہد بھی اسی کڑی کا ایک سلسلہ ہے۔

علامات ظہور

امام مہدی کے ظہور کی بے شمار علامات کتب اہل سنت اور اہل تشیع دونوں میں ملتی ہیں۔ ان علامات میں سے کچھ حتمی ہیں اور کچھ غیر حتمی۔ حتمی علامات سے مراد وہ علامات ہیں جن کا بروایت پورا ہونا ضروری ہے۔ کچھ ان کے ظہور سے کافی پہلے وقوع پزیر ہوں گی اور کچھ ظہور کے نزدیک۔ یہاں ان میں سے کچھ درج کی جاتی ہیں۔

• سب سے مشہور علامت دجال کا خروج ہے۔ جسے مغربی مفکرین ضد مسیح (Antichrist) کہتے ہیں۔ یہ ذکر تورات میں بھی ملتا ہے۔
• سورج کا مغرب سے طلوع ہونا۔ یعنی زمین کی گردش میں فرق واقع ہونا۔
• قواعد علم نجوم و فلکیات کے برخلاف رمضان کی پہلی رات کو چاند گرہن اور پندرہ کو سورج گرہن لگے گا۔
• سفیانی کا خروج۔ یہ ابو سفیان کی اولاد سے ایک شخص ہوگا اور ماں کی طرف سے بنو کلب سے ہوگا۔ جو بے شمار لوگوں کو قتل کرے گا۔ اس کا پورا لشکر بیداء کے مقام پر زمین میں دھنس جائے گا۔ بیداء مکہ اور مدینہ کے درمیان ایک جگہ ہے۔
• مشرق کی طرف سے ایک عظیم آگ کا تین یا سات روز تک جاری رہنا۔
• بغداد اور بصرہ کا تباہ ہونا۔ اور عراق پر روپے اور غلہ کی پابندی لگنا۔

ظہور کے بعد

• امام مہدی کا ظہور مکہ مکرمہ سے ہوگا اور لوگ رکن و مقام ابراہیم کے درمیان ان سے بیعت کریں گے۔
• حضرت عیسیٰ علیہ السلام کا ظہور ہوگا اور وہ امام مہدی کے پیچھے نماز پڑھیں گے۔
• دجال کا قتل ہوگا اور بیت المقدس فتح ہوگا۔

بیرونی روابط

• مہدی اور زمانہ آخر (انگریزی)آرکائیو شدہ بذریعہ endoftimes.net (نقطۂ نظر: اہل سنت)
• امام مہدی علیہ السلام اہل سنت کی نظر میں (انگریزی)آرکائیو شدہ بذریعہ shianews.com (نقطۂ نظر: اہل تشیع)
• الامام المہدی از سید بدر عالم میرٹھیآرکائیو شدہ بذریعہ khatm-e-nubuwwat.org
• اسلام میں امام مہدی کا تصور از مولانا محمد ظفر اقبالآرکائیو شدہ بذریعہ khatm-e-nubuwwat.org
• http://www.khatm-e-nubuwwat.org/bookpdf/zip/40hades.zipآرکائیو شدہ بذریعہ khatm-e-nubuwwat.org
• علامات قیامت اور نزول مسیح علیہ السلام از مفتی محمد شفیعآرکائیو شدہ بذریعہ khatm-e-nubuwwat.org

متعلقہ مضامین

• امام مہدی علیہ السلام کے بارے میں مشاہیر کے ارشادات
• بنو ہاشم

قال بعض علما الحديث مثل أبو القاسم محبوب الله الجسري ، والدكتور أبو حيان عادل سعيد أن كل رواية عن مهدي, الفتن, کساء , الحديث مثل المتعة واللحوم والحبر والحديث والورق وكلها مزيفة ومزخرفة ، وقال إن البخاري والمسلم أخذوا آلاف المزيفة. ، أحاديث مفبركة في مجموعاتهم.

حوالہ جات

سانچے