میر محمد سومرو
پروفیسر میر محمد سومرو تخلص مقبول (پیدائش: 3 جون 1946ء - وفات: 24 مئی 2021ء) سندھ سے تعلق رکھنے والے اردو، سندھی اور فارسی زبان کے شاعر، مورخ، مفسرِ قرآن، عالم دین، محقق، معلم اور سوانح نگار تھے۔
| میر محمد سومرو | |
|---|---|
| معلومات شخصیت | |
| پیدائش | 3 جون 1946ء ہنگورجا ، ضلع خیرپور ، سندھ ، پاکستان |
| وفات | 24 مئی 2021ء (75 سال) ہنگورجا ، ضلع خیرپور |
| مدفن | ہنگورجا |
| شہریت |  پاکستان |
| عملی زندگی | |
| مادر علمی | جامعہ سندھ |
| تعلیمی اسناد | ایم اے |
| پیشہ | شاعر ، مورخ ، مفسر قرآن ، سوانح نگار ، معلم |
| پیشہ ورانہ زبان | سندھی ، اردو ، فارسی ، عربی |
| شعبۂ عمل | تفسیر قرآن ، فقہ ، سوانح ، سندھ کی تاریخ |
| ملازمت | جامعہ سندھ |
| کارہائے نمایاں | تاریخ ہنگورجا ، ھالۃ البدر فی تحقیق احکام السفر ، دستور الاسلاف فی اصلاح الاخلاف |
 باب ادب
| |
درستی - ترمیم  | |
حالات زندگی
ترمیممیر محمد سومرو 3 جون 1946ء کو ہنگورجہ ضلع خیرپور ، صوبہ سندھ میں مولانا اللہ بخش سومرو کے علمی گھرانے میں پیدا ہوئے۔ مذاہب عالم اور اسلامی ثقافت میں ایم اے کی ڈگریاں حاصل کیں۔ بعد ازاں مولوی فاضل (عربی) اور بین الاقوامی اسلامی یونیورسٹی اسلام آباد کے ماتحت ادارے دعوۃ اکیڈمی سے خطیب کا مراسلاتی کورس پاس کیا۔ ملازمت کی ابتدا 1966ء کو پرائمری اسکول ٹیچر کی حیثیت سے کی۔ 1985ء میں ڈاکٹر این اے بلوچ ماڈل اسکول، سندھ یونیورسٹی حیدرآباد، سندھ میں لیکچرر مقرر ہوئے، جہاں 2006ء تک تدریسی خدمات انجام دینے کے بعد اسسٹنٹ پروفیسر کے عہدہ سے ریٹائر ہوئے۔[1][2]
ادبی خدمات
ترمیممیر محمد سومرو کا سب سے بڑا کارنامہ قرآن مجید کی تفسیر تفسیرِ ریاض القرآن ہے جو آپ نے سندھی زبان میں تحریر کی ہے۔ دیگر تصانیف میں ھالۃ البدر فی تحقیق احکام السفر (عربی)، دستورالاسلاف فی اصلاح الاخلاف (اُردو) اور تاریخ ہنگورجا (سندھی) قابلِ ذکر ہیں۔ آپ کی عربی، فارسی، سندھی اور اُردو زبان میں تصنیف، تالیف و مضامین کی تعداد دو سو سے زائد ہے۔[1]
تصانیف
ترمیم- تفسیرِ ریاض القرآن (سندھی)
- ھالۃ البدر فی تحقیق احکام السفر (فقہ، عربی)
- دستورالاسلاف فی اصلاح الاخلاف (سوانح، اُردو)
- تاریخ ہنگورجا (سندھی) (ہنگورجا شہر کی تاریخ)
- سلطانی سھاگ (فقہ، سندھی)
- فضائلِ شبِ قدر (فقہ، اُردو)
- جذبا تِ مقبول (نعتیہ شاعری، سندھی)
- موتین جی مالا (سوانح، سندھی)
وفات
ترمیممیر محمد مقبول سومرو کورونا وبا میں مبتلا ہو کر 24 مئی 2021ء کو ہنگورجا، ضلع خیرپور، پاکستان میں وفات پا گئے۔ آپ کو ہنگورجا کے قبرستان نبھندو شاہ میں سپردِ خاک کیا گیا۔
مزید دیکھیے
ترمیمحوالہ جات
ترمیم- ^ ا ب انسائیکلوپیڈیا سندھیانا (سندھی) جلد ہشتم، سندھی لینگویج اتھارٹی حیدرآباد (سندھ)، ص 218
- ↑ پروفیسر ابو عبد اللہ میر محمد مقبول سومرو ہنگورجائی، مضمون نگار محمد عارف سومرو، مشمولہ روزنامہ جنگ کراچی، 17 جون 2017ء، ص 11