نہال سیوہاروی

نہال سیوہاروی (پیدائش: 27 اگست، 1901ء - وفات: 29 دسمبر، 1951ء) پاکستان سے تعلق رکھنے والے اردو کے ممتاز شاعر تھے۔

نہال سیوہاروی
معلومات شخصیت
پیدائشی نام	(اردو میں: منشی عبد الخالق)
پیدائش	27 اگست 1901ء   سیوہارہ ،  بجنور ضلع ،  برطانوی ہند
وفات	29 اگست 1951ء (50 سال)  کراچی ،  پاکستان
شہریت	برطانوی ہند پاکستان
عملی زندگی
پیشہ	شاعر
پیشہ ورانہ زبان	اردو
شعبۂ عمل	غزل ،  رباعی
باب ادب

حالات زندگی

نہال سیوہاروی 27 اگست، 1901ء میں سیوہارہ، بجنور ضلع، اترپردیش، برطانوی ہندوستان میں پیدا ہوئے تھے۔ ان کا اصل نام منشی عبد الخالق تھا۔ تقسیم ہند کے بعد وہ پاکستان منتقل ہو گئے تھے۔ ان کے مجموعہ کلام گلبانگ آزادی اور شباب و انقلاب کے نام سے اشاعت پزیر ہو چکے ہیں۔

تصانیف

• گلبانگ آزادی (56 رباعیات)
• شباب و انقلاب (1927ء سے 1943ء تک کا کلام، پیش لفظ از جوش ملیح آبادی) سال اشاعت 1944ء

نمونۂ کلام

غزل

اُڑا لیے ہیں کچھ اربابِ گلستاں نے تو کیا		ہزار شیوۂ نو ہیں مری فغاں کے لیے
زمینِ کوچۂ جاناں سے آ رہی ہے صدا		بلندیاں نہیں مخصوص آسماں کے لیے
ہے سخت بے ادبی گر کہے فسانۂ عشق		ہر ایک بات مناسب نہیں زباں کے لیے
اندھیری رات، تھکی ہمتیں، کڑی منزل		سلامتی کی دعا مانگ کارواں کے لیے
سجائی فکرِ درخشاں نے میری بزمِ نجوم		تھی منتظر یہ زمیں ناز آسماں کے لیے

غزل

رابطہ ہے مجھے شیشے سے نہ پیمانے سے		پھر وہ کیا بات ہے منسوب ہوں مے خانے سے
اہلِ مے خانہ سلیقے سے پئیں آبِ حیات		ورنہ پھر موت ہے چھلکے گی جو پیمانے سے
ایک عالم سے جدا مصلحتیں ہیں اُس کی		کون ہر بات پہ اُلجھے ترے دیوانے سے
خرد آشوب ہے ہر نکتۂ عرفان حیات		اور بڑھتا ہے جنوں عقل کے بڑھ جانے سے

وفات

نہال سیوہاروی 29 دسمبر، 1951ء کو کراچی، پاکستان میں وفات پاگئے۔