وایلیٹ ہری الوا
وایلیٹ ہری الوا (24 اپریل 1908ء - 20 نومبر 1969ء) ایک بھارتی وکیل، صحافی اور سیاست دان اور راجیہ سبھا کی ڈپٹی چیئرپرسن اور انڈین نیشنل کانگریس کی رکن تھیں۔ [4][5] وہ بھارت میں ہائی کورٹ میں پیش ہونے والی پہلی خاتون وکیل تھیں اور راجیہ سبھا کی صدارت کرنے والی پہلی خاتون تھیں۔
| وایلیٹ ہری الوا | |
|---|---|
 |
|
| مناصب | |
| رکن راجیہ سبھا | |
| برسر عہدہ 3 اپریل 1952 – 2 اپریل 1960 |
|
| نائب صدر نشین راجیہ سبھا | |
| برسر عہدہ 19 اپریل 1962 – 16 نومبر 1969 |
|
| معلومات شخصیت | |
| پیدائش | 24 اپریل 1908ء [1] احمد آباد |
| وفات | 20 نومبر 1969ء (61 سال) نئی دہلی |
| شہریت |  برطانوی ہند (–14 اگست 1947) ڈومنین بھارت (15 اگست 1947–26 جنوری 1950) بھارت (26 جنوری 1950–) |
| جماعت | انڈین نیشنل کانگریس |
| رکنیت | نیشنل فلیگ پریزنٹیشن کمیٹی [2] |
| شریک حیات | جوآخم الوا (20 نومبر 1937–)[3] |
| عملی زندگی | |
| مادر علمی | سینٹ زیوئرس کالج، ممبئی گورنمنٹ لا کالج، ممبئی |
| پیشہ | سیاست دان ، وکیل ، انگریزی کی معلمہ |
| نوکریاں | ایس این ڈی ٹی جامعہ برائے خواتین |
درستی - ترمیم  | |
ابتدائی زندگی
ترمیمالوا 24 اپریل 1908ء کو احمد آباد میں وایلیٹ ہری کی پیدائش ہوئی تھی۔ وہ نو بچوں میں آٹھویں تھیں۔ وایلیٹ کے والد، ریورنڈ لکشمن ہری، چرچ آف انگلینڈ کے پہلے ہندوستانی پادریوں میں سے ایک تھے۔ جب وہ سولہ سال کی تھیں تو اپنے والدین کو کھو دینے کے بعد، ان کے بڑے بہن بھائیوں نے بمبئی کے کلیئر روڈ کانونٹ میں میٹرک تک اس کی تعلیم فراہم کی۔ انھوں نے سینٹ زیویئر کالج، بمبئی اور گورنمنٹ لا کالج سے گریجویشن کیا۔ اس کے بعد کچھ عرصہ تک وہ انڈین ویمن یونیورسٹی، بمبئی میں انگریزی کی پروفیسر رہیں۔
عملی زندگی
ترمیم1944ء میں، وہ ہندوستان کی پہلی خاتون وکیل تھیں، جنھوں نے ہائی کورٹ کے فل بنچ کے سامنے ایک کیس کی بحث کی۔ 1944ء میں، الوا نے خواتین کا ایک میگزین بھی شروع کیا، دی بیگم، جسے بعد میں انڈین ویمن کا نام دیا گیا۔ 1946ء سے 1947ء تک وہ بمبئی میونسپل کارپوریشن کی ڈپٹی چیئرمین رہیں۔ 1947ء میں، الوا نے ممبئی میں ایک اعزازی مجسٹریٹ کے طور پر خدمات انجام دیں۔ اور 1948 ءسے 1954ء تک انھوں نے جووینائل کورٹ کی صدر کے طور پر خدمات انجام دیں۔ وہ متعدد سماجی تنظیموں جیسے ینگ ویمن کرسچن ایسوسی ایشن، بزنس اینڈ پروفیشنل ویمن ایسوسی ایشن اور انٹرنیشنل فیڈریشن آف ویمن لائرز کے ساتھ سرگرم عمل رہی۔ وہ 1952ء میں آل انڈیا نیوز پیپر ایڈیٹرز کانفرنس کی اسٹینڈنگ کمیٹی کے لیے منتخب ہونے والی پہلی خاتون بھی تھیں [6]
1952ء میں، الوا ہندوستانی پارلیمان کے ایوان بالا راجیہ سبھا کے لیے منتخب ہوئیں، جہاں انھوں نے خاندانی منصوبہ بندی، تحقیق اور دفاعی حکمت عملی کے تحت جانوروں کے حقوق، خاص طور پر بحریہ کے شعبے میں اہم کردار ادا کیا۔ انھوں نے حکومت کو متنبہ کیا کہ وہ غیر ملکی سرمائے اور حمایت یافتہ لسانی ریاستوں کے ساتھ معاملہ کرتے وقت محتاط رہیں۔ [7] 1957ء میں دوسرے بھارتی عام انتخابات کے بعد، وہ داخلہ امور کی نائب وزیر مملکت بن گئیں۔
1962ء میں، الوا راجیہ سبھا کے نائب صدر نشین بنیں، اس طرحوہ ملک کی تاریخ میں راجیہ سبھا کی صدارت کرنے والی پہلی خاتون بن گئیں۔انھوں نے راجیہ سبھا میں لگاتار دو مرتبہ خدمات انجام دیں۔ ان کی پہلی مدت 19 اپریل 1962ء کو شروع ہوئی اور 2 اپریل 1966ء تک جاری رہی۔ ان کی دوسری مدت کا آغاز 7 اپریل 1966ء کو ڈپٹی چیئرمین کے عہدے کے لیے ان کے انتخاب سے ہوا اور وہ 16 نومبر 1969ء تک اس عہدے پر فائز رہیں۔ [7] [8]
1969ء میں، الوا نے استعفا دے دیا جب اندرا گاندھی نے بھارت کی نائب صدر کے طور پر ان کی حمایت کرنے سے انکار کر دیا۔
ذاتی زندگی
ترمیم1937ء میں، وایلیٹ ہری نے سیاست دان، وکیل، صحافی اور بعد ازاں آزادی پسند اور رکن پارلیمان یوآخم الوا سے شادی کی۔ [5] جوڑے نے مل کر قانونی پریکٹس شروع کی۔ الوا کے دو بیٹے نرنجن اور چترنجن اور ایک بیٹی مایا تھی۔ نرنجن الوا نے مارگریٹ الوا سے شادی کی، جو رکن پارلیمنٹ اور راجستھان اور گجرات کے سابق گورنر تھے۔ [9] 1943ء میں وائلٹ الوا کو برطانوی ہندوستانی حکام نے گرفتار کر لیا۔ وہ اپنے پانچ ماہ کے بچے چترنجن کو آرتھر روڈ جیل میں لے گئیں جہاں وہ قید تھی۔
مزید دیکھیے
ترمیمحوالہ جات
ترمیم- ↑ بنام: Shirmati Violet Alva — FemBio ID: https://www.fembio.org/biographie.php/frau/frauendatenbank?fem_id=701
- ↑ http://164.100.47.194/Loksabha/Debates/cadebatefiles/C14081947.html
- ↑ باب: THE FIRST COUPLE — A couple of mps — اخذ شدہ بتاریخ: 17 جون 2021 — سے آرکائیو اصل
- ↑ "Former Deputy Chairmen of the Rajya Sabha"۔ راجیہ سبھا Official website
- ^ ا ب "Violet Alva"۔ veethi.com۔ اخذ شدہ بتاریخ 19 اگست 2017
- ↑ "StreeShakti – The Parallel Force"۔ www.streeshakti.com۔ اخذ شدہ بتاریخ 19 اگست 2017
- ^ ا ب "Rajya Sabha Members Biographical Sketches 1952–2003 :A" (PDF)۔ Rajya Sabha website
- ↑ "Biographical Sketches of Deputy Chairmen Rajya Sabha" (PDF)۔ راجیہ سبھا website
- ↑ "Smt. Margaret Alva,: Bio-sketch"۔ بھارتی پارلیمان website