ابو العباس السفاح

ابوالعباس عبد اللہ۔ خلافت عباسیہ کا پہلا حکمران۔ اموی خلیفہ مروان ثانی نے ابراہیم بن محمد بن علی کو گرفتار کرا کے مروا ڈالا تو ابوالعباس ان کا جانشین بنا۔ اس نے اپنے آبائی مسکن حمیمہ (جنوبی فلسطین) کی رہائش ترک کر دی اور اہل و عیال سمیت کوفے میں آ گیا۔ ابومسلم خراسانی، ابوسلمہ اور دیگر حامیان تحریک عباسیہ کی مدد سے بالآخر عراق پر ابوالعباس کا قبضہ ہو گیا اور ربیع الاول 132ھ میں اس کی خلافت کا اعلان کر دیا گیا۔ بعد میں فرات کے کنارے امویوں اور عباسیوں میں فیصلہ کن جنگ ہوئی اور ابوالعباس کے چچا عبداللہ بن علی نے ذو الحجہ 132ھ میں بنو امیہ کا خاتمہ کرکے آخری خلیفہ مروان ثانی کا خاتمہ کرکے بنی عباس کی خلافت کی بنا ڈالی۔

أبو العباس عبد الله السفّاح
(عربی میں: أبو العباس عبد الله السفاح)
خلیفۃ الاسلام خلافت عباسیہ، عراق
دور حکومت	25 جنوری 750ء – 10 جون 754ء (4 سال 4 ماہ 16 دن شمسی)
معلومات شخصیت
پیدائش	104ھ/ 722ء حمیمہ
وفات	پیر 13 ذوالحجہ 136ھ/ 10 جون 754ء (عمر: 33 سال قمری، 32 سال شمسی) محافظہ الانبار
وجہ وفات	چیچک
طرز وفات	طبعی موت
شہریت	دولت عباسیہ
مذہب	سنی اسلام
زوجہ	ام سلمیٰ بنت مخزوم
والد	محمد ابن علی ابن عبداللہ
والدہ	ریطہ الحارثیہ
بہن/بھائی	ابرایم الامام ،  ابو جعفر المنصور
خاندان	بنو عباس
نسل	ریطہ بنت السفاح
دیگر معلومات
پیشہ	خلیفہ
پیشہ ورانہ زبان	عربی
عسکری خدمات
لڑائیاں اور جنگیں	عباسی انقلاب

ابوالعباس نے اپنی خلافت کے استحکام کی خاطر بڑی خونریزی کی۔ بنو امیہ پر تو اس کی سختیاں انتہا کو پہنچ گئیں۔ مردے بھی اس کے جوش انتقام سے محفوظ نہ رہ سکے۔ اکثر اموی خلفا کی قبریں کھدوا کر ان کی ہڈیاں پیسی گئیں۔ اس قتل و غارت گری اور سفاکی کے باعث سفاح کے لقب سے مشہور ہوا جس کے معنی (خونریز) کے ہیں۔ سفاح کی سختیاں صرف دشمنوں تک ہی محدود نہ تھیں۔ بلکہ اس کے اکثر معتمد بھی اس کے مظالم کا شکار ہوئے۔ مشہور عباسی داعی ابوسلمہ جو اس کا پہلا وزیر بھی تھا، اسی کے ایما پر موت کے گھاٹ اُتارا گیا۔

ابو العباس السفاح خلافت عباسیہ پیدائش: 722ء وفات: 10 جون 754ء
مناصب سنت
ماقبل  مروان ثانی	خلیفۃ الاسلام 25 جنوری 750ء – 10 جون 754ء	مابعد  المنصور