جمیل زبیری

جمیل زبیری (پیدائش: 30 نومبر 1925ء - وفات: 17 دسمبر 2011ء ) پاکستان سے تعلق رکھنے والے اردو زبان کے ادیب، افسانہ نگار، سفرنامہ نگار، ناول نگار، براڈکاسٹر اور مترجم تھے۔ جمیل زبیری 30 نومبر 1925ء کو مارہرہ، ضلع ایٹہ، اتر پردیش، برطانوی ہندوستان میں پیدا ہوئے۔ ان کے والد کا نام محمد خلیل زبیری تھا۔ جمیل نے سینٹ جانس کالج آگرہ سے بی اے پاس کیا۔ تقسیم ہند کے بعد پاکستان منتقل ہو گئے اور کراچی میں سکونت اختیار کی۔ ملازمت کا آغاز ریڈیو پاکستان سے کیا اور اسی محکمہ میں مدت ملازمت مکمل کرنے کے بعد ڈپٹی کنٹرولر کے عہدے سے سبکدوش ہوئے۔انھوں نے متعدد کتب یادگار چھوڑیں ہیں جن میں زرد پتے (افسانے)، لمحوں کی دہلیز (افسانے)، زینی (ناول)، رفتارِ حیات (خاکے)، یاد خزانہ (خودنوشت) شامل ہیں۔ ان کے سفرناموں میں موسموں کا عکس (ہندوستان)، دھوپ کنارا (لندن، کینیڈا، امریکا) اور مکران:سفر اور سفرنامہ شائع ہو چکے ہیں۔ انھوں نے انگریزی اور بلوچی زبان کی کتابوں کے اردو میں تراجم بھی کیے جن میں سرکش (خودنوشت، مارگریٹ ٹروڈو، بلوچی لوک کہانیاں، دائمی مسرت کا حصول (برٹرینڈ رسل) شامل ہیں۔ 17 دسمبر 2011ء کو کراچی، پاکستان میں وفات پا گئے۔ وہ کراچی کے سی او ڈی قبرستان میں آسودہ خاک ہیں۔

جمیل زبیری
معلومات شخصیت
پیدائش	30 نومبر 1925ء   مارہرہ ،  ضلع ایٹاہ ،  اتر پردیش
وفات	17 دسمبر 2011ء (86 سال)  کراچی ،  پاکستان
شہریت	برطانوی ہند پاکستان
عملی زندگی
مادر علمی	سینٹ جانس کالج، آگرہ
تعلیمی اسناد	بی اے
پیشہ	ناول نگار ،  افسانہ نگار ،  نشر کار ،  آپ بیتی نگار ،  مترجم ،  سفرنامہ نگار
پیشہ ورانہ زبان	اردو
ملازمت	ریڈیو پاکستان
باب ادب