برٹرینڈ رسل

برٹرینڈ رَسَل (پیدائش: 18 مئی 1872ء– وفات: 2 فروری 1970ء) (پورا نام: برٹرینڈ آرتھر ولیمز رسل، انگریزی: Bertrand Arthur William Russell) ایک معروف محقق، مورّخ، سائنسدان، ماہر ریاضیات، ماہر طبیعیات، مدرّس، فلسفی، مفکّر اور افسانہ نگار تھے۔

برٹرینڈ رسل
(انگریزی میں: Bertrand Arthur William Russell)
معلومات شخصیت
پیدائشی نام	(انگریزی میں: Bertrand Arthur William Russell)
پیدائش	18 مئی 1872
وفات	2 فروری 1970 (98 سال)
وجہ وفات	نزلہ
طرز وفات	طبعی موت
شہریت	مملکت متحدہ (12 اپریل 1927–) متحدہ مملکت برطانیہ عظمی و آئر لینڈ (–12 اپریل 1927)
مذہب	لامعرفت
جماعت	لیبر پارٹی (1922–) لبرل پارٹی (1907–1922)
رکن	رائل سوسائٹی
عارضہ	نزلہ
مناصب
رکن ہاؤس آف لارڈ
برسر عہدہ 3 مارچ 1931  – 2 فروری 1970
عملی زندگی
مادر علمی	جامعہ کیمبرج ٹرینٹی کالج، کیمبرج
ڈاکٹری طلبہ	لڈوگ وٹگنسٹائن
پیشہ	ریاضی دان،  معاشرتی ناقد،  مضمون نگار،  منطقی،  ماہر علمیات،  زبان کا فلسفی،  سیاسی کارکن،  آپ بیتی نگار،  استاد جامعہ،  سائنس فکشن مصنف،  سیاست دان،  جنگ مخالف کارکن،  صحافی،  فلسفی،  مصنف
مادری زبان	انگریزی
پیشہ ورانہ زبان	انگریزی
شعبۂ عمل	نظریۂ طاقم،  تاریخ فلسفہ،  علمیات،  منطق،  ریاضی،  فلسفۂ سائنس،  اخلاقیات،  مذہب،  ریاضیاتی منطق،  معاشریات،  فلسفہ
ملازمت	جامعہ کیلیفورنیا، لاس اینجلس،  ہارورڈ یونیورسٹی،  جامعہ شکاگو،  لندن اسکول آف اکنامکس اینڈ پولیٹیکل سائنس
کارہائے نمایاں	مسائل فلسفہ،  تاریخ فلسفہ مغربی
مؤثر	اقلیدس،  جان اسٹوئرٹ مل،  جارج بول،  جورج کنٹور،  سپینوزا،  گوٹفریڈ ویلہم لائبنیز،  لڈوگ وٹگنسٹائن،  shelly poetry
تحریک	آزاد خیال،  مغربی فلسفہ
اعزازات
یروشلم انعام (1963) نوبل انعام برائے ادب  (1950) تمغا ڈی مورگن (1932) رائل سوسائٹی فیلو
نامزدگیاں
نوبل امن انعام  (1967) نوبل امن انعام  (1963) نوبل انعام برائے ادب  (1950)
دستخط
	IMDB پر صفحات

برٹرینڈ رسل 1907ء میں

حالات زندگی

برٹرینڈ رسل 18 مئی 1876ء بمقام ویلز میں پیدا ہوئے۔ آپ کے والد سر جان رسل انگلستان کے وزیر اعظم بھی رہے۔ آپ کا تعلق طبقہ اشرافیہ اور کٹّر مذہبی گھرانے سے تھا۔ ابتدائی تعلیم ویلز سے ہی حاصل کی۔ دولت مند والدین کی زندگی مصروف تھی۔ بچپن تنہائی اور استغراق میں گذرا۔ یہ استغراق کئی مرتبہ خودکشی کی جانب لے گیا لیکن اس سے باز رہے۔ اپنے والدین کی زندگی میں مذہبی اقدار کی کامل پاسداری کی، ان کے مرتے ہی مذہب سے بیزاری اور لا ادریت کا اعلان کر دیا۔ بچپن میں ہی نہایت ذہین طالب علم تھے۔ اپنے گھر پڑھانے آنے والے استاد کو ریاضی سمجھایا کرتے تھے۔ 1890ء میں جامعہ کیمبرج سے ریاضی کی اعلٰی سند حاصل کی۔ پھر اسی جامعہ میں مدرّس کی ذمہ داریاں نبھائیں۔ اس کے علاوہ نیشنل یونیورسٹی آف پیکنگ (چین)، یونیورسٹی آف کیلیفورنیا اور دوسرے اعلٰی تعلیمی اداروں میں تدریسی مشغلہ ساری عمر ہمراہ رہا۔ 1894ء میں اٹھارہ برس کی عمر میں کوئیکر ایلس سے شادی کی جو 1910ء میں علیحدگی پر منتج ہوئی اور آخر 1921ء میں طلاق ہو گئی۔ بیوی سے علیحدگی کے بعد برسوں تک خواتین سے معاشقے چلتے رہے۔ 1921ء میں ہی ڈورا گریو سے دوسری شادی کی جس نے 1932ء میں طلاق لے لی۔ ڈورا کے نامور امریکی صحافی گرفن سے تعلقات تھے۔ 1936ء میں اپنے بچوں کی آیا پیٹریشیا سے تیسری شادی کی جو تادمِ مرگ برقرار رہی۔

علمی، ادبی و فلسفیانہ خدمات

برٹرینڈ رسل کے علمی اور فلسفیانہ کاموں کی ایک طویل فہرست ہے۔ فلسفہ، سائنس، تاریخ، سیاست، معاشرت، جنگ، امن، جنس، قانون اور انسانی ہمدردی پر برٹرینڈ رسل کی علمی اور تحقیقی کتب اور کتابچوں کی تعداد سینکڑوں میں پہنچتی ہے۔ انہوں نے ویت نام کی جنگ میں واشگاف الفاظ میں امریکا کو مطعون کیا۔ سامراجی طاقتوں کے خلاف جرأت رندانہ سے قلم کے ساتھ ساتھ عوامی قیادت کا عَلَم بھی اٹھایا۔ انسان دوستی کے جرم میں پابند سلاسل بھی رہے۔ 1950ء میں ادب کے نوبل انعام سے نوازا گیا، یہ واحد اعزاز تھا جو انہوں نے قبول کیا۔ 1967ء میں ان کی آپ بیتی شائع ہوئی جس کا شمار دنیا کی مقبول آپ بیتیوں میں ہوتا ہے۔ 1970ء میں پیرانہ سالی کے باوجود عرب اسرائیل جنگ میں علی الاعلان اسرائیل کو غاصب قرار دیا، مغربی عوام میں انسانیت کا پرچار کیا۔ روس، چین، برطانیہ، امریکا اور پورے یورپ کے نوجوانوں کے محبوب رہنما رہے۔ ایٹمی سائنسدانوں کو انسانیت کا قاتل قرار دیا۔ درازئ عمر کے باوصف رسل نے دمِ آخر تک اپنا وقت کارِ قلم میں گزارا۔ ستم ظریفی ہے کہ رسل نے کہانی کم کم ہی لکھی۔ پر جو بھی کہانی تخلیق کی و ہ اپنے خالق کی عظمت کا پتا خوب دیتی ہے۔ عمر کے آخری برسوں میں رسل نے کہا

”

میں نے اپنی زندگی کے 80 سال فلسفے کی نذر کیے، باقی ماندہ کہانی کی نذر کرنا چاہتا ہوں

“

پر زندگی کہانی کے نام پر اس سے چند برس سے زیادہ نہیں لے سکی۔ ان کے افسانوں کے بس دو ہی مجموعے شائع ہوئے۔

وفات

2 فروری 1970ء کو یہ ادیب، دانشور، معلم، مؤرخ، فلسفی اور ماہرِ منطق برطانیہ میں وفات پا گیا۔