رفیق خاور

رفیق خاور (پیدائش: 15 فروری، 1908ء - وفات: 14 مئی، 1990ء) اردو زبان کے پاکستان سے تعلق رکھنے والے ممتاز محقق، شاعر، نقاد، ماہر لسانیات اور مترجم تھے۔

رفیق خاور
معلومات شخصیت
پیدائش	سنہ 1908ء   راولپنڈی
وفات	14 مئی 1990ء (81–82 سال)  کراچی
مدفن	پاکستان ایمپلائز کوآپریٹو ہاؤسنگ سوسائٹی
شہریت	پاکستان
عملی زندگی
پیشہ	ماہرِ لسانیات ،  شاعر ،  ادبی نقاد ،  مترجم
پیشہ ورانہ زبان	اردو
باب ادب

حالات زندگی

رفیق خاور 15 فروری، 1908ء کو راولپنڈی، برطانوی ہندوستان (موجودہ پاکستان) میں پیدا ہوئے۔ ان اصل نام میاں محمد رفیق حسین تھا۔

ادبی خدمات

رفیق خاور کی تصانیف میں خاقانیٔ ہند، ابر گہر بار، پدما سے چناب تک، اقبال اور اس کا پیغام اور حرف نشاط آور لبِ کوثر کے نام شامل ہیں۔ اس کے علاوہ انھوں نے اردو تھیسارس بھی مرتب کیا جو اشاعت پزیر ہو چکا ہے۔ ان کے تراجم کی فہرست بھی بہت طویل ہے۔ وہ کئی زبانوں کے ماہر تھے اور منظوم و منثور تراجم پر یکساں عبور رکھتے تھے۔

تصانیف

• خاقانی ہند (تنقید)
• اُردو تھیسارس (لسانیات)
• حرف نشاط آورلبِ کوثر (فارسی شاعری)
• ہماری موسیقی
• پاکستان کے گیت
• پدما سے چناب تک (سفرنامہ)
• ابر گہربار (مثنوی)
• اقبال اور اُس کا پیغام (بہ اشتراک ڈاکٹر میاں تصدق حسین خالد) (اقبالیات)

رفیق خاور کے فن و شخصیت پر کتب ومقالہ جات

• رفیق خاور: احوال و آثار ،(پی ایچ ڈی مقالہ)، ڈاکٹر عبد الرؤف،، پنجاب یونیورسٹی،لاہور، 2004ء

وفات

رفیق خاور 14 مئی، 1990ء کو کراچی، پاکستان میں وفات پاگئے اور کراچی میں پی ای سی ایچ ایس قبرستان میں سپردِ خاک ہوئے۔