ساکشی ملک

ساکشی ملک (پیدائش: 3 ستمبر، 1992ء) ایک بھارت کی ایک فری اسٹائل کشتی کھلاڑی ہے۔ 2016ء گرمائی اولمپکس میں وہ 58 کلوگرام زمرے میں کانسی کا تمغا جیت چکی ہے۔ وہ پہلی بھارتی خاتون کشتی باز ہے جس نے اولمپکس میں کوئی تمغا حاصل کیا ہو اور ملک سے چوتھی خاتون اولمپک تمغایافتہ کھلاڑی ہے۔ وہ جے ایس ڈبلیو اسپورٹس ایکسیلنس پروگرام کا حصہ ہے، جس میں ونیش پھوگٹ، ببیتا کماری اور گیتا پھوگٹ بھی شامل ہیں۔

ملک 2016ء میں
ذاتی معلومات
پیدائش	(1992-09-03) 3 ستمبر 1992 موکھڑا گاؤں، روہتک ضلع، ہریانہ بھارت
قد	162 سینٹی میٹر (5 فٹ 4 انچ) (2016)
وزن	58 کلوگرام (2,000 oz) (2016)
کھیل
ملک	بھارت
ایونٹ	58 کلو گرام فری اسٹائل
کوچ	ایشور داہیا
تمغے نمائندگی بھارت خواتین کی فری اسٹائل ریسلنگ اولمپکس 2016ء ریو 58 کلو گرام دولت مشترکہ کھیل 2014ء گلاسگو 58 کلو گرام ایشیائی مقابلے 2015ء دوحہ 60 کلو گرام دولت مشترکہ چیمپئن شپ 2013ء جوہانسبرگ 63 کلو گرام ورلڈ جونیر چیمپئن شپز 2010ء بوداپست 59 کلو گرام ایشین جونیر چیمپئن شپ 2009ء منیلا 59 کلو گرام 2012ء الماتی 63 کلو گرام

ملک اس سے قبل گلاسکو میں منعقد ہونے والے 2014ء دولت مشترکہ کھیلوں مین ایک چاندی کا تمغا جیت چکی ہے۔ اس کے علاوہ ملک دوحہ میں معنقد ہونے والے 2015ء ایشین ریسلنگ چیمپئن شپز میں چاندی کا تمغا جیت چکی ہے۔

ابتدائی زندگی

ملک 3 ستمبر 1992ء کو موکھڑا گاؤں میں پیدا ہوئی، جو ہریانہ کے روہتک ضلع میں ہے۔ ان کے والد سکھبیر دہلی ٹرانسپورٹ کارپوریشن میں ایک بس کنڈکٹر ہیں اور ماں سُدیش ملک مقامی انگن واڑی (صحت کا مطب) کی دیکھ ریکھ کر تی ہیں۔ اس کے والد کے مطابق وہ کشتی کے لیے اپنے دادا بدلو رام کو دیکھ کر مائل ہوئی جو خود ایک کشتی باز تھے۔ وہ 12 سال کی عمر میں اپنے کوچ ایشور داہیا کے ساتھ چھوٹو رام اسٹیڈیم، روہتک میں کشتی کے لیے تربیت حاصل کرنے لگی۔

کریئر

ایک پیشہ ور کشتی باز کے طور پر ملک کے بین الاقوامی اکھاڑے میں کامیابی 2010ء میں ورلڈ جونیر چیمپئن شپز میں ملی جب وہ 58 کلو گرام فری اسٹائل مقابلے ایک کانسی کا تمغا جیت پائی۔ 2014ء میں وہ ڈیو شولٹز انٹرنیشنل ٹورنمنٹ وہ 60 کلو گرام زمرے میں سونے کا تمغا جیت چکی ہے۔

2014ء

2014ء دولت مشترکہ کھیلوں میں ملک نے کیمرون کی ایڈویگے نگونو کو (Edwige Ngono Eyia) کو اپنے کوارٹر فائنل میں 4–0 سے ہرادیا۔ سیمی فائنل کے لیے وہ کینیڈا کی بریکسٹن اسٹون سے بھڑ گئی اور اسے 3–1 سے ہرا دیا۔ فائنل میں ملک نائجیریا کی آمنت آدے نیئی (Aminat Adeniyi) سے وہ کافی سخت مقابلہ کرنے کے باوجود 4–0 سے ہار گئی۔

2014ء ورلڈ چیمپئن شپز، تاشقند میں وہ 16 کے راؤنڈ میں سینیگال کی انٹا سمبو سے بھڑی اور 4–1 سے فاتح ہوئی۔ وہ اس ٹورنمنٹ سے اس وقت باہر ہو گئی جب وہ فن لینڈ کی پیٹر اولی سے 1–3 سے ہار گئی۔

2015ء

دوحہ، قطر میں منعقدہ 2015ء ایشین چیمپئن شپز میں 60 کلو گرام زمرے کے لیے پانچ راؤنڈوں میں وہ دو راؤنڈوں میں مقابلہ کرتے ہوئے تیسرے مقام پر پہنچی اور کانسی کا تمغا حاصل کیا۔ پہلے مقابلے میں چین کی لوؤ زیاؤجوآن سے بھڑی، مگر گرنے کی وجہ سے ہونے والے فیصلے سے 4–5 سے ہار گئی۔ وہ دوسرے راؤنڈ میں مضبوطی سے واپس آئی اور منگولیا کی مُنکھ تُویا تُنگالاگ کو 13–0 سے ہرا دیا۔ تیسرے راؤنڈ میں وہ جاپان کی یوشیمی کمایا سے پچھڑ گئی۔ وہ چوتھے راؤنڈ میں قازقستان کی عیالِم قاسمووا کو ہرا کر چوتھے مقام پر آئی اور کانسی کا تمغا حاصل کرپائی۔

2016ء

ملک 2016ء ریو اولمپکس کے لیے چین کی ژانگ لان کو ہراکر اہل قرار پائی۔ یہ مقابلہ 58 کلو گرام زمرے کے سیمی فائنل میں اولمپک کوالیفیکیشن ٹورنمنٹ میں مئی، 2016ء میں پیش آیا۔ اولمپکس میں وہ سویڈن کی جوہانا میٹسن کے خلاف 32 واں راؤنڈ جیتی اور مالدووا کی مریایا چیردیوارا کے خلاف 16 واں راؤنڈ جیتی۔ بالآخر فائنل میں پہنچنے والی ولیریا کوبلووا سے کوراٹر فائنل ہارنے کے بعد وہ ریپے چاگے (repechage) راؤنڈ کے لیے اہل ہوئی، جہاں وہ منگولیا کی پُریودورجین اورخون کو پہلے راؤند میں وہ ہرا دی۔ وہ ایک کانسی کا تمغا جیت پائی۔ اس کے لیے وہ رائج الوقت ایشیائی چیمپئن، کرغیزستان کی عائسولو تائینی بیگووا (Aisuluu Tynybekova) کو ہرا دی، حالانکہ وہ ایک وقت پر وہ 0–5 سے پیچھے ہو رہی تھی اور اس طرح پہلی بھارتی کشتی باز بنی جس نے اولمپک میں تمغا جیتا۔

2017ء

ساکشی ملک کلرز دہلی سلطانز کی جنوری 2017ء میں پرو ریسلنگ لیگ میں نمائندگی کر چکی ہے۔ وہ اپنے اسپانسر جے ایس ڈبلیو گروپ کی کی جانب سے یوم خواتین کی مہم کی پزیرائی کا خاص حصہ بنی جسے #EveryWomanStrong (ہر عورت طاقتور ہے) کا نام دیا گیا تھا۔

نجی زندگی

ملک موجودہ طور پر بھارتی ریلویز میں ملازم ہے۔ وہ دہلی ڈیویژن کے کمرشیل ڈپارٹمنٹ، ناردرن ریلوے زون میں کام کر رہی ہے۔ وہ جے ایس ڈبلیو گروپ کے اسپورٹس ایکسیلنس پروگرام کا حصہ ہے۔ ریو میں کانسی کا تمغا جیتنے کے بعد وہ سینیر کلرک سے گیزیٹیڈ آفیسر کے عہدے پر ترقی دے دی گئی۔

ملک نے مہارشی دیانند یونیورسٹی، روہتک سے جسمانی تعلیم میں ماسٹرز ڈگری حاصل کی ہے۔ ستمبر 2016ء میں اسے یونیورسٹی کی طرف سے کشتی بازی کی ڈائریکٹر کے طور پر تقرر ہوا۔

ریو اولمپکس کے فوری بعد ایک انٹرویو میں ملک نے بتایا کہ اس کی سگائی ہو چکی ہے اور اس کی شادی ستیاورت کادیان سے 2016ء کے اواخر میں ہوگی۔ ستیاورت کادیان ایک بین الاقوامی کشتی باز ہے اور ایشیائی کھیلوں اور دولت مشترکہ کھیلوں میں تمغے جیت چکا ہے۔ یہ شادی 2 اپریل 2017ء کو روہتک کے نندل بھون میں انجام پائی۔ اس شادی کے لیے کئی کھیل سے جڑی شخصیات نے ٹویٹر کے ذریعے نیک تمناؤں کا اطہار کیا۔ ان میں کرکٹ کھلاڑی ویریندر سہواگ، مکے باز ویجیندر سنگھ، جِمناسٹ دیپا کرماکر، شٹلر سائنا نہوال اور معذور ایتھلیٹ دیپا ملک شامل تھے۔

انعامات و اعزازات

• پدم شری (2017ء) - بھارت کا چوتھا سب سے بڑا اعزاز
• راجیو گاندھی کھیل رتنا (2016ء) - بھارت کا اعلٰی ترین کھیل کا اعزاز
• ہمہ رقمی انعامات جن کی مالیت ₹5.7 کروڑ (امریکی $800,000) سے زیادہ ہے۔ یہ انعامات بھارتی ریلویز، بھارتی اولمپک ایسوسی ایشن، نوجوانوں کے امور اور کھیل کی وزارت، دہلی حکومت، مختلف ریاستی حکومتیں جن میں ہریانہ، حکومت مدھیہ پردیش، اتر پردیش، نجی ادارے جیسے کہ جے ایس ڈبلیو گروپ اور سیاسی جماعتیں، جیسے کہ انڈین نیشنل لوک دل شامل ہیں۔
• اس کے ملازمت فرہم کنندہ بھارتی ریلویز کی جانب سے گیزیٹیڈ آفیسر کے عہدے پر ترقی۔
• حکومت ہریانہ کی جانب سے کلاس 2 کی پیش کش۔
• حکومت ہریانہ کی جانب سے 500 مربع گز زمین کا عطیہ۔