سیمون سینورے

سیمون سینورے (انگریزی: Simone Signoret) (تلفظ: فرانسیسی: [simɔn siɲɔʁɛ]; پیدائش سیمون آنریئت شارلوت کامنیکر; 25 مارچ 1921ء – 30 ستمبر 1985ء) ایک فرانسیسی اداکارہ تھی۔ اس نے مختلف اعزازات حاصل کیں، جن میں ایک اکیڈمی ایوارڈ، تین بافٹا ایوارڈز، ایک سیزر ایوارڈ، ایک پرائم ٹائم ایمی ایوارڈ اور کانز فلم فیسٹیول ایوارڈ برائے بہترین اداکارہ، دو نامزدگیاں برائے گولڈن گلوب ایوارڈ شامل ہیں۔

سیمون سینورے
(فرانسیسی میں: Simone Signoret)
معلومات شخصیت
پیدائشی نام	(فرانسیسی میں: Henriette Charlotte Simone Kaminker)
پیدائش	25 مارچ 1921ء   وییسبادین
وفات	30 ستمبر 1985ء (64 سال)
وجہ وفات	سرطان لبلبہ
مدفن	پیئغ لاشئیز قبرستان
طرز وفات	طبعی موت
رہائش	وییسبادین پیرس
شہریت	فرانس
شریک حیات	ایو الیغرے (1944–1949) ایو مونتاں (22 دسمبر 1951–30 ستمبر 1985)
عملی زندگی
پیشہ	فلم اداکارہ ،  مصنفہ ،  اتالیق ،  منچ اداکارہ ،  ادکارہ ،  مترجم
مادری زبان	فرانسیسی
پیشہ ورانہ زبان	فرانسیسی ،  اطالوی
شعبۂ عمل	اداکاری
اعزازات
پرائم ٹائم ایمی ایوارڈ برائے منی سیریز یا فلم میں نمایاں لیڈ اداکارہ (برائے:Bob Hope Presents the Chrysler Theatre ) (1966)  آسکر اعزاز برائے بہترین اداکارہ   (برائے:Room at the Top ) (1960) کان فلم فیسٹیول ایوارڈ برائے بہترین اداکارہ (برائے:Room at the Top ) (1959) بافٹا ایوارڈ برائے بہترین اداکارہ مرکزی کردار میں   (برائے:Room at the Top ) (1959) بافٹا ایوارڈ برائے بہترین اداکارہ مرکزی کردار میں   (برائے:The Crucible ) (1958) بافٹا ایوارڈ برائے بہترین اداکارہ مرکزی کردار میں   (برائے:Casque d'Or ) (1953)
نامزدگیاں
بافٹا ایوارڈ برائے بہترین اداکارہ معاون کردار میں   (1969)  آسکر اعزاز برائے بہترین اداکارہ   (1966) گولڈن گلوب ایوارڈ برائے بہترین اداکارہ – موشن پکچر ڈراما (1965)  آسکر اعزاز برائے بہترین اداکارہ   (1960) گولڈن گلوب ایوارڈ برائے بہترین اداکارہ – موشن پکچر ڈراما (1959)
	IMDB پر صفحہ

ابتدائی زندگی

سیمون سینورے کی پیدائش سیمون آنریئت شارلوت کامنیکر کے نام سے وایزباڈن، جرمنی میں ہوئی تھی۔ اس کی ولادہ جارجیٹ (قبل ازواج سینورے) اور والد آندرے کمینکر تھے اور وہ ان کے تین بچوں میں سب سے بڑی تھی، اس کے دو چھوٹے بھائی بھی تھے۔ اس کے والد، ایک اہم مترجم جو جمعیت اقوام میں کام کرتے تھے، ایک پولش یہودی خاندان سے تعلق رکھنے والے فرانسیسی نژاد فوجی افسر تھے، جو خاندان کو پیرس کے مضافات میں نوئی سور سین لے آئے تھے۔ اس کی والدہ، جارجٹ، جس سے اس نے اپنے اسٹیج کا نام حاصل کیا، ایک فرانسیسی کیتھولک تھیں۔

سیمون سینورے پیرس میں ایک فکری ماحول میں پلی بڑھی اور انگریزی، جرمن اور لاطینی زبان کا مطالعہ کیا۔ نازیوں کے قبضے کے دوران میں ثانوی اسکول مکمل کرنے کے بعد، سیمون سینورے اپنے خاندان کی کفالت کی ذمہ دار تھی اور ایک فرانسیسی اشتراکی اخبار کے لیے ٹائپسٹ کے طور پر کام لینے پر مجبور تھی۔

کیریئر

فرانس پر قبضے کے دوران، سیمون سینورے مصنفین اور اداکاروں کے ایک فنکارانہ گروپ کے ساتھ گھل مل گئی جو ساں جرمین دے پرے کے کیفے ڈی فلور میں ملے۔ اس وقت تک، اس نے اداکاری میں دلچسپی پیدا کر لی تھی اور اس کے دوستوں نے، بشمول اس کے چاہنے والے، ڈینیئل گیلن، کی حوصلہ افزائی کی تھی کہ وہ اپنے عزائم کی پیروی کرے۔ 1942ء میں وہ بٹ حصوں میں نظر آنا شروع ہوئی اور اپنی والدہ اور دو بھائیوں کی کفالت کے لیے کافی رقم کمانے میں کامیاب ہو گئی کیونکہ اس کے والد، جو ایک فرانسیسی محب وطن تھے، 1940ء میں ملک سے فرار ہو کر انگلستان میں جنرل چارلس ڈیگال کے گروپ کے ساتھ شامل ہو گئے تھے۔ اس نے اپنی یہودی جڑوں کو چھپانے میں مدد کے لیے اسکرین کے لیے اپنی ماں کا خاندانی نام استعمال کیا۔

مزید دیکھیے

• اداکارہ