مسعودتنہا

محمدمسعود، اردو اور پنجابی زبان کے شاعر ،صحافی ہیں۔ ان کا تعلق قصبہ ساہیوال، ضلع سرگودھا، پاکستان سے ہے۔ اور اب لاہور میں مقیم ہیں۔ کالج کی تعلیم کے دوران سرگودھا، کے اولین ادبی اخبار گل حنا کے ایڈیٹر کے طور پر فرائض سرانجام دئیے،اورساہیوال، سرگودھاکے پرانے نام ساہو سے نومبر2006ء میں ہفت روزہ اخبارجاری کیا جوجنوری 2013تک ان کی ادارت میں شائع ہوتارہا۔ ساہو،ساہیوال، سرگودھا (کا پرانا نام) اور لکھی دو بھائی تھے،جن کے نام سے ساہیوال اور اس سے متصل قصبہ لکھیوال شریف بسائے گئے۔

مسعودتنہا
معلومات شخصیت
پیدائش	5 مئی 1978(1978-05-05)ء ساہیوال، سرگودھا، پنجاب، پاکستان
شہریت	پاکستانی
قومیت	پاکستان
عرفیت	مسعودتنہا
نسل	پنجابی ،انصاری
مذہب	اسلام
اولاد	سویرامسعود،اسوہ مسعود، عظمیٰ مسعود
عملی زندگی
مادر علمی	گورنمنٹ انبالہ مسلم کالج سرگودھا
پیشہ	اردو شاعر، صحافی،
مؤثر	غالب، فیض ، میر
متاثر	اردو شاعری

ادبی زندگی

ادبی زندگی کا آغاز 1996میں ماہنامہ چاند،لاہور میں فکاہیہ مضامین لکھنے سے کیا۔بعد ازاں ، آداب عرض ، آنچل،سیف حق ودیگرشامل ہیں۔ ان کے مضامین،فکاہیہ کالم اور شعری تخلیقات برصغیر پاک وہند کے اہم اخبارات رسائل اور ادبی جرائد روزنامہ نوائے وقت، روزنامہ جنگ، روزنامہ دنیا، روزنامہ نئی بات، روزنامہ چٹان، عزیز الہند، نوئیڈا، روزنامہ اودھ نامہ لکھنو ، ماہنامہ ایوان اردو، دہلی، اردو میلہ ،ناگپور، بیسویں صدی ، دہلی ، ادب دوست، ادب لطیف، نوادر، آج کل میں شائع ہورہی ہیں۔روزنامہ ابتک،لاہور، ایث نیوز،فیصل آباد، روزنامہ سماء،لاہور میں کالم شائع ہوتے رہے۔

ابتدائی زندگی

مسعود تنہاؔ نے نظم و غزل، حمد و نعت و سلام، قطعات، سبھی اصناف میں شعر کہے۔ ’’بے تکلفیاں“  ”آمنے سامنے“ ودیگرعنوانات سے مختلف اخبارات میں ادبی، سیاسی اور معاشرتی موضوعات پر کالم بھی لکھے۔ سرگودھا اورلاہورکے متعدد اخبارات میں صحافتی خدمات سرانجام دیتے رہے۔ کئی اخبارات کے ادبی صفحات مرتب کئے۔ ادبِ لطیف، مونتاج اوردیگر رسائل میں ملازمت کرتے رہے۔ گزشتہ بیس برس سے ادبی جریدہ ’فکرنو، لاہور سے ان کی ادارت میں شائع ہورہا ہے۔ سرگودھا سے اولین ادبی اخبار ’گل حنا‘ شائع کیا۔ اس دوران وہ گورنمنٹ انبالہ مسلم کالج سرگودھا میں فرسٹ ائیر کے طالب علم تھے۔۲۰۰۶ نومبر میں اپنے آبائی علاقہ ساہیوال ضلع سرگودھا کے پرانے نام ’’ساہو‘‘ سے ہفت روزہ اخبار کا اجرا کیا جو جنوری ۲۰۱۳ تک ان کی ادارت میں باقاعدہ شائع ہوتارہا۔ ۔ طویل عرصہ سے لاہور میں مقیم ہیں اور فکرنو کے نام سے پبلشنگ ادارہ چلا رہے ہیں۔ علاوہ ازیں متعدد شعری انتخاب میں ان کا کلام شامل ہے۔ پاکستان اور ہندوستان کے متعدد ادبی رسائل اور اخبارات میں ان کا کلام اور مضامین شائع ہورہے ہیں۔[1]

ادارت

ہفت روزہ ساہو، ساہیوال، سرگودھا

ادبی مجلہ "فکرنو" لاہور

اعزازات

• احمد فراز ایوارڈ
• شکیب جلالی ایوارڈ
• عدیم ہاشمی ایوارڈ
• روزن ادبی ایوارڈ
• منو بھائی ایوارڈ
• سفینہ ادب ایوارڈ
• حسن کارکردگی ایوارڈ
• عنایت حسین بھٹی ایوارڈ
• استاد عشق لہر اسپیشل ایوارڈ
• ساغر صدیقی ایوارڈ

تصانیف

• دل لہو سے بھر گیا

(مجموعہ کلام)2009

• اگرتم مہرباں ہوتے

(مجموعہ کلام)2023

• لوح کربلا

(رثائی نظمیں)2024

نمونہ کلام

میں جانتا ہوں زمانے کی بے نیازی کو

مجھےپتا ہے سفر میں کہاں ٹھہرنا ہے

یہ تماشا سرِ بازار نہیں ہوسکتا

ہر کوئی میرا خریدار نہیں ہوسکتا

اس بار اُکھڑ جائیں گے ایوانِ سیاست

دربان رہیں گے نہ یہ دربار رہے گا

چپ جو رہتے ہیں تو یہ بات غنیمت جانو

ورنہ ہم لوگ بھی اِک حشر اُٹھا سکتے ہیں

بچ کےنکلا تھا جو کبھی مجھ سے

آگیا ہے مرے نشانے پر

بھنور نے آ لیا ہے کشتیوں کو

نظارے دیکھ لو تم بھی اجل کے

حادثے پھر نہ پیش آتے ہمیں

یہ محافظ جو کرتے گھات پہ غور

امیرِ شہر کی تھوڑی سی کج روی کے سبب

غریبِ شہر نے دیکھے ہیں المیے کتنے

کم ملنے کا احساس گراں لگتاہے تیرا

اب لطف وکرم بھی ترا پہلے سا نہیں ہے

جانے کیا کیا اور ہوں راہِ طلب میں مشکلیں

ساتھ رکھنا ہے کبھی زادِ سفر مت بھولنا

ہنسے والوں کو جو اِک پل میں رُلا سکتے ہیں

ایسے لمحات بھی تو زیست میں آ سکتے ہیں

گناہوں نے مجھے جکڑا ہوا ہے اس طرح تنہاؔ

کہ لحظہ بھر عبادت بھی سزا معلوم ہوتی ہے

بیرونی روابط

https://www.rekhta.org/poets/masood-tanha/ebooks?ref=web&lang=ur

آج

اتوار 22 دسمبر 2024 عیسوی 20 جمادی الثانی 1446 ہجری اسلامی تقویم کے مطابق

حوالہ جات

http://writers.pal.gov.pk/Writer/%D9%85%D8%B3%D8%B9%D9%88%D8%AF%20%D8%AA%D9%86%DB%81%D8%A7.aspx