عزیز (اصطلاح حدیث)

علم حدیث کی اصطلا ح میں عزیز اس حدیث کو کہتے ہیں جس کے جملہ سند کے کسی بھی طبقہ میں سے کسی میں بھی دو سے کم راوی نہ ہوں۔ لغوی اعتبار سے اس کا مطلب ہے قلیل ہونا یا پھرقوی اور طاقتور ہونا۔ اسے یہ نام اس کے قلیل اور نادر ہونے کے باعث دیا گیا ہے۔ یہ ایسی حدیث ہے جو کسی اور سند کے باعث قوت پکڑتی ہے (لیکن بذات خود یہ ایک ایسی روایت ہوتی ہے جس کے راوی کم ہوتے ہیں۔)

یعنی طبقات سند میں سے کسی ایک طبقہ میں بھی دو سے کم راوی نہ ہوں، لیکن اگر کسی طبقہ میں تین یا اس سے زائد راوی پائے جائیں تو بھی مضر نہیں بشرطیکہ کسی ایک طبقہ میں کم از کم دو ضرور باقی رہ جائیں ،اس لیے کہ طبقات سند میں کم از کم اعتبار ضرور ہوتا ہے۔

حافظ ابن حجر کی رائے کے مطابق یہی تعریف راجح ہے مگر بعض دیگر علماءنے کہا ہے کہ عزیز وہی حدیث ہے جس کو دو یا تین راویوں نے روایت کیا ہو۔ اس میں انھوں نے بعض صورتوں میں عزیز کو مشہور سے مہمیز نہیں کیا۔

یہ حدیث بھی حدیثِ صحیح، حدیثِ حسن، حدیث ضعیف، حدیث مُرسل اور حدیث موضوع ہو سکتی ہے۔ صرف وہی حدیث قابل عمل ہو گی جوصحیح شرائط پر پوری اترے۔ البتہ اس بارے میں اختلاف بھی موجود ہےابوالجبائی معتزلی کا موقف ہے کہ خبر صحیح کے لیے کم از کم عزیز کے درجے پر ہونا ضروری ہے۔ اس کی تائید امام حاکم نے علوم الحدیث میں اشارۃ کی ہے

عزیز حدیث پر مشہور ترین تصانیف

حدیث عزیز کے موضوع پر علماءکی تصانیف موجود نہیں، بظاہر اس کی وجہ یہی معلوم ہوتی ہے کہ اس طرح کی احادیث کی تعداد بہت کم ہے اس لیے اس پر تصنیف کا کوئی فائدہ بھی نہیں تھا۔

حوالہ جات

علم مصطلح الحديث
متواتر	متفق عليہ	مشہور	عزيز	غريب	حسن
متصل	↑صحیح ↑				منکر
مسند	← من حيث السند	علم الحديث		من حيث المتن→	متروک
خبر آحاد	↓ضعيف↓				مدرج
منقطع	مضطرب	مدلس	موقوف	منقطع	موضوع