محمد طارق ایوبی ندوی

محمد طارق ایوبی ندوی (پیدائش: دسمبر 1981ء) بھارت کے مدرسہ دار العلوم ندوۃ العلماء، لکھنؤ سے فارغ ایک عالم و فاضل، متعدد علمی و فکری کتابوں کے مصنف، اردو اور عربی زبان کے قلمکار اور صاحبِ فکر و نظر صحافی اور نقّاد ہیں۔

ڈاکٹر، مولانا
محمد طارق ایوبی ندوی
معلومات شخصیت
پیدائش	(1981-12-09) 9 دسمبر 1981 بارہ بنکی ضلع
شہریت	بھارت
مذہب	اسلام
رکن	عالمی اتحاد برائے علمائے اہل اسلام
عملی زندگی
مادر علمی	دار العلوم ندوۃ العلماء علی گڑھ مسلم یونیورسٹی
تعلیمی اسناد	پی ایچ ڈی
استاذ	محمد رابع حسنی ندوی ،  محمد واضح رشید حسنی ندوی ،  سعید الرحمن اعظمی ندوی ،  سلمان حسینی ندوی
پیشہ	معلم ،  مصنف ،  مدیر اعلی
مؤثر	حسن البنا ،  سید قطب ،  شبلی نعمانی ،  سید سلیمان ندوی ،  ابو الاعلی مودودی ،  ابو الحسن علی حسنی ندوی

ابتدائی زندگی

محمد طارق ایوبی ندوی کی پیدائش اتر پردیش کے ضلع بارہ بنکی کے موضع "برہواں" متصل "علی آباد" میں 9 دسمبر 1981ء میں ہوئی۔ ان کا خاندان ایک زمیندار اور علمی خاندان تھا، ان کے دادا جناب "فیاض احمد" علاقے میں علمی و سماجی اثر رکھتے تھے۔

تعلیمی زندگی

ان کا گھرانہ ایک علمی گھرانہ تھا، چنانچہ ابتدائی تعلیم اپنے گھر میں ہی حاصل کی، ڈاکٹر صاحب کے معلم اول ان کے دادا جان "فیاض احمد" مرحوم تھے۔ اسی طرح ان کے والد جناب کمال اشرف اور والدہ نے بھی تعلیمی و تربیتی نگرانی کی۔ گھریلو تعلیم کے بعد "علی آباد" کے ایک قدیم و تاریخی ادارے سے باضابطہ تعلیم کا آغاز ہوا، بعدہٗ 1988ء میں ہندوستان کی مشہور دینی درسگاہ دار العلوم ندوۃ العلماء، لکھنؤ میں داخل کیا گیا، جہاں انھوں نے مکتب، اس کے بعد عالمیت و فضیلت کی تعلیم حاصل کی اور 2002ء میں فارغ ہوئے۔ ندوۃ العلماء میں انھوں نے شرعی علوم پر خوب محنت کی، اسی طرح علمی وفکری موضوعات پڑھنے لکھنے میں دلچسپی رکھتے تھے۔ وہاں ڈاکٹر طارق ایوبی کے مشہور اساتذہ میں سے محمد رابع حسنی ندوی، محمد واضح رشید حسنی ندوی، سعید الرحمن اعظمی ندوی، سلمان حسینی ندوی، نیاز احمد ندوی اور زکریا سنبھلی ندوی وغیرہ ہیں۔

دار العلوم ندوۃ العلماء سے عالمیت و فضیلت کے بعد عصری تعلیم کے لیے علی گڑھ مسلم یونیورسٹی گئے، جہان انھوں نے 2003ء سے 2011ء تک رہ کر عربی زبان میں ایم اے اور پی ایچ ڈی کیا۔

عملی زندگی

دینی و عصری تعلیم سے فراغت کے بعد علی گڑھ ہی میں ایک ادارہ ندوۃ العلماء کی شاخ "مدرسۃ العلوم الاسلامیہ" میں تدریس سے منسلک ہو گئے، فی الحال اس ادارے کے مہتمم (پرنسپل) ہیں، کتابوں کی تدریس کے ساتھ اہتمام کی ذمہ داریاں بھی ادا کرتے ہیں۔

اس کے علاوہ اس ادارہ سے شائع ہونے والے مشہور علمی و فکری مجلہ "ندائے اعتدال" کے مدیر ہیں۔ نیز کئی علمی اکیڈمیوں اور تنظیموں سے منسلک ہیں۔

مناصب

• صدر: کاروانِ امن وانصاف
• رکن: عالمی اتحاد برائے علمائے اہل اسلام
• رکن: عالمی رابطہ ادب اسلامی
• رکن: رابطہ علمائے اہلسنت، ترکی
• مہتمم: مدرسۃ العلوم الاسلامیہ (2012ء تا حال)
• بانی مدیر: ماہنامہ ندائے اعتدال، علی گڑھ۔ (نومبر 2008ء تا حال)

تصنیفات

ڈاکٹر طارق ایوبی ندوی، اردو اور عربی زبان میں خوب لکھتے ہیں، ایک درجن سے زائد کتابیں اور سینکڑوں مضامین شائع ہو چکے ہیں، ان میں سے کچھ کتابیں درج ذیل ہیں:

• آسان تفسیر قرآن (التفسیر المیسر لعائض القرنی کا اردو ترجمہ)
• الأدب الإسلامي رویة و تاریخ (عربی)
• نفحات من الادب العربی (عربی)
• رجب طیب اردوغان (عربی سے اردو ترجمہ ہے، رجب طیب اردوغان پر اردو زبان میں پہلی مفصل کتاب۔)
• کامیابی کی قرآنی علامتیں
• اسلامی میں مذہبی رواداری (اردو، ہندی اور انگریزی زبان میں)
• ندوۃ العلماء کا فکری و ملی شعور
• مفکر اسلام ایک مطالعہ
• عالم اسلام
• آئینہ افکار
• تصویر وطن
• سیرت کا انقلابی پیغام
• تعلیم و تربیت
• اتحاد - اہمیت وضرورت
• تبصرے
• ندوی فضلاء کی قرآنی خدمات
• مولانا سید ابو الحسن علی ندوی کی قرآن فہمی
• معتدل اسلام
• مختصر تاریخ ثقافت اسلامی (تعلیق وترجمہ)
• اسلامی افسانوی ادب (تعلیق وترجمہ)
• مسجد اقصی سے متعلق چالیس حقائق (تعلیق وترجمہ)
• مسلمان اور مغربی تہذیب (تعلیق وترجمہ)
• بچوں کی تربیت کے رہنما اصول (نفسیاتی اصولوں کی روشنی میں)
• مفکر اسلام سید ابو الحسن علی ندوی اپنے افکار کے آئینے میں
• موقف الشیخ أبی الحسن علی الندوی من الافکار المعاصرہ (عربی)
• تبلیغ نبوی اور اس کے اصول اور اس کی کامیابی کے اسباب
• فلسطین قرض اور فرض