گوپال کرشن گوکھلے
گوپال کرشن گوکھلے 
pronunciation (معاونت·معلومات) (انگریزی: Gopal Krishna Gokhale، ہندی=गोपाल कृष्ण गोखले)، (پیدائش: 9 مئی، 1866ء - وفات: 19 فروری، 1915ء) ہندوستان کے مشہور انقلابی سیاست دان، فلسفی، مصنف، اعتدال پسند سیاسی رہنما، معلم، سرونٹس آف انڈیا سوسائٹی کے بانی، کانگریس کے رہنما اور تحریک آزادی ہند کے ممتاز مجاہد تھے۔
| گوپال کرشن گوکھلے | |
|---|---|
| (مراٹھی میں: गोपाळ कृष्ण गोखले) | |
 |
|
| معلومات شخصیت | |
| پیدائش | 9 مئی 1866ء [1][2][3][4] رتناگری ضلع [5]، بمبئی پریزیڈنسی |
| وفات | 19 فروری 1915ء (49 سال)[1][6][2][3][4] پونے [7][8]، ممبئی |
| شہریت |  برطانوی ہند |
| جماعت | انڈین نیشنل کانگریس |
| عملی زندگی | |
| مادر علمی | الفنسٹن کالج راجہ رام کالج |
| پیشہ | سیاست دان ، ماہر معاشیات ، فلسفی ، مصنف ، انقلابی ، حریت پسند |
| پیشہ ورانہ زبان | مراٹھی [9] |
| تحریک | تحریک آزادی ہند |
| اعزازات | |
 کمپینین آف دی آرڈر آف دی انڈین ایمپائر |
|
 |
IMDB پر صفحات |
درستی - ترمیم  | |
حالات زندگی ترمیم
گوپال کرشن گوکھلے 9 مئی 1866ء کو رتناگری ضلع کے ایک گاؤں، بمبئی پریزیڈنسی، برطانوی ہندوستان میں پیدا ہوئے۔ انھوں نے 15 سال کی عمر میں 1881ء میں ہائی اسکول کا امتحان پاس کیا، انٹرمیڈیٹ کی تعلیم راجا رام کالج کولہاپور سے حاصل کی اور 1884ء میں ایلفنسٹن کالج بمبئی سے بی اے کی ڈگری حاصل کی۔ کچھ عرصہ کے لیے انھوں نے فرگوسن کالج پونا میں بحیثیت انگریزی اور ریاضی کے لیکچرار کے طور پر خدمات بھی انجام دیں۔ 1889ء میں انھوں نے انڈین نیشنل کانگریس میں شامل ہوئے اور اپنا پورا وقت اور ذاتی قابلیت کو قومی فلاح کے کاموں میں صرف کرنا شروع کر دیا۔ 1899ء میں بمبئی لیجسلیٹو کونسل کے رکن منتخب ہوئے۔ 20 دسمبر 1901ء میں گورنر جنرل ہند کی امپیریل کونسل کے ارکان منتخب ہوئے۔ 1902ء میں بنارس کے انڈین نیشنل کانگریس کے اجلاس میں خطبہ صدارت پڑھا جس میں انھوں نے برطانوی حکومت کے مقاصد اور اس کے اعلیٰ افسران کے رویہ پر تنقید کی۔ انھوں نے کئی بار انگلستان کا دورہ کیا۔ جب وہ 1906ء میں وہاں گئے تو لارڈ مارلے سیکریٹری آف اسٹیٹ سے ملاقات کی اور ہندوستان کا نظریہ آزادی پیش کیا۔ گوکھلے ہندوستانی سیاست کے اعتدال پسند لیڈروں میں بہت اونچا مقام رکھتے تھے۔ انھیں انگریز حکومت کی عدل گستری پر کامل اعتماد تھا۔ ان کا عقیدہ تھا کہ اگر حکومت وقت کو صحیح حالات سے واقف رکھا جائے اور صائب مشورے دیے جائیں تو خرابیوں کی اصلاح ممکن ہے۔ چنانچہ تحریر و تقریر کے ذریعہ ایک طرف وہ حکومت تک عوام کی شکایات پہنچاتے اور دوسری طرف عوام کو امن عامہ قائم رکھنے کی تلقین کیا کرتے ۔ انھوں نے سماجی تعلیمی اور سیاسی اصلاحات کے لیے اپنے آپ کو وقف کرد دیا تھا۔ 18 برس تک فرگوسن کالج میں درس دیتے رہے اور اس کے سماجی برائیوں کو دور کرنے کا پروپیگنڈہ جاری رکھا۔ ابتدائی تعلیم کی ترویج و اشاعت، سرکاری مصارف میں کمی، سمندر پار ہندوستانی مزدوروں کے حقوق، محصولِ نمک کی برخاستگی، ہندو مسلم اتحاد نیز ملازمتوں میں ہندوستانیوں کی مناسب بھرتی جیسے اہم مسائل کے لیے وہ کونسل کے اندر اور باہر اور کانگریس کے پلیٹ فارم سے برابر جدوجہد کرتے رہے۔ علاوہ ازیں حکومت میں خاطر خواہ سیاسی نمائندگی اور سیاسی اصلاحات کے لیے بھی کوشاں رہے۔ بال گنگا دھر تلک کے بر عکس گوکھلے سماجی اصلاحات کے حامی اور سیاست میں اعتدال کے قائل تھے۔ جب 1906ء میں کانگریس میں اعتدال پسندوں اور انتہا پسندوں میں ٹکراؤ ہوا تو گوکھلے کو سخت مخالفت کا سامنا کرنا پڑا جس کی وجہ سے ان کی شہرت بھی کافی متاثر ہوئی۔ لیکن ان کی وطن پرستی، ایثار، خلوص اور قابلیت کا مخالفین کو بھی اعتراف رہا۔[10][11]
وفات ترمیم
گوپال کرشن گوکھلے 19 فروری، 1915ء کو بمبئی میں انتقال کر گئے۔[11]
حوالہ جات ترمیم
- ^ ا ب http://data.bnf.fr/ark:/12148/cb122116079 — اخذ شدہ بتاریخ: 10 اکتوبر 2015 — مصنف: فرانس کا قومی کتب خانہ — اجازت نامہ: آزاد اجازت نامہ
- ^ ا ب ایس این اے سی آرک آئی ڈی: https://snaccooperative.org/ark:/99166/w64p2nsw — بنام: Gopal Krishna Gokhale — اخذ شدہ بتاریخ: 9 اکتوبر 2017
- ^ ا ب Proleksis enciklopedija ID: https://proleksis.lzmk.hr/23821 — بنام: Gopâl Krishna Gokhale — عنوان : Proleksis enciklopedija
- ^ ا ب Hrvatska enciklopedija ID: https://www.enciklopedija.hr/Natuknica.aspx?ID=22518 — بنام: Gopal Krishna Gokhale — عنوان : Hrvatska enciklopedija — ISBN 978-953-6036-31-8
- ↑ https://www.google.com/search?sxsrf=APwXEdd5B1jCZ0J5F7xDl_ThanNa7nMWeA:1682328694948&q=Kotluk&stick=H4sIAAAAAAAAAONgVuLRT9c3NMrIzklOLyl4xGjOLfDyxz1hKb1Ja05eY9Tg4grOyC93zSvJLKkUkuJig7IEpPi4UDTyLGJl884vySnNBgAgRrfEUwAAAA&sa=X&ved=2ahUKEwjm1IfimsL-AhUat6QKHQ-cAeMQzIcDKAB6BAggEAE&biw=1920&bih=892&dpr=1
- ↑ https://runeberg.org/nfcp/0026.html — باب: Gokhale, Gopal Krisjna — جلد: 36
- ↑ https://runeberg.org/nfcp/0026.html — باب: Gokhale, Gopal Krisjna — جلد: 36
- ↑ https://runeberg.org/nfcp/0026.html — اخذ شدہ بتاریخ: 25 فروری 2017 — مدیر: الیکزینڈر پروکورو — عنوان : Большая советская энциклопедия — اشاعت سوم — باب: Гокхале Гопал Кришна
- ↑ http://data.bnf.fr/ark:/12148/cb122116079 — اخذ شدہ بتاریخ: 10 اکتوبر 2015 — مصنف: فرانس کا قومی کتب خانہ — اجازت نامہ: آزاد اجازت نامہ
- ↑ جامع اردو انسائکلوپیڈیا (جلد 2، تاریخ)، قومی کونسل برائے فروغ اردو زبان نئی دہلی، 2000ء، ص 330
- ^ ا ب گوپال کرشن گوکھلے، دائرۃالمعارف برطانیکا آن لائن