ایم 2 موٹروے (پاکستان)

ایم-2
Route information
	Part of AH1
	Maintained by این ایچ اے
Length	375 کلومیٹر (233 میل)
Existed	1992–present
History	Completed in 1997
Major junctions
شمال end	اسلام آباد
	ایم 4
جنوب end	لاہور
Location
Country	پاکستان
Major cities	شیخوپورہ، فیصل آباد، سرگودھا، راولپنڈی، پنڈی بھٹیاں، بھلوال، چکوال
Highway system
	Roads in Pakistan;

31°32′19″N 74°15′42″E / 31.53861°N 74.26167°E / 31.53861; 74.26167

ایم 2، پاکستان کے صوبہ پنجاب میں ایک موٹروے ہے۔ یہ 367 کلومیٹر طویل ہے اور یہ لاہور سے شروع ہوتی ہے۔ پھر یہ شیخوپورہ، پنڈی بھٹیاں، کوٹ مومن، سالم، للہ، کلر کہار، بلکسر اور چکری سے گزرنے کے بعد جڑواں شہروں راولپنڈی اور اسلام آباد کے باہر ختم ہو جاتی ہے۔ پھر تھوڑا سا آگے ایم 1 (M1) شروع ہو جاتی ہے، جو اسلام آباد/راولپنڈی کو پشاور سے ملاتی ہے۔ پنڈی بھٹیاں کے قریب موٹروے ایم 4 (M4) کا انٹرچینج آتا ہے جو فیصل آباد تک جاتی ہے۔

راستہ

ایم ٹو لاہور کے مغرب سے، لاہور بائی پاس پر بابو صابو انٹرچینج سے شروع ہوتی ہے۔ دریائے راوی سے گزرنے کے بعد یہ جی ٹی روڈ سے دور ہوتی چلی جاتی ہے اور مغرب میں شیخوپورہ کی جانب چلتی ہے۔ پنڈی بھٹياں سے پہلے یہ ایم 3 انٹرچینج سے گزرنے کے بعد شمال مغرب کی جانب مڑتی ہے۔ پھر یہ کلر کہار تک چلتی ہے، کھنڈوعہ سے آگے پیر دا کھارا تک یہ کھیوڑہ کے علاقے میں نمک کے پہاڑوں کے درمیان سے گزرتی ہے جو سالٹ رینج کہلاتا ہے۔^[1] موٹروے کا یہ علاقہ اپنے پرخطر موڑوں کی وجہ سے پاکستان کی سب سے خطرناک سڑک تصور کیا جاتا ہے۔ بہت سے علاقوں میں حد رفتار 20 کلومیٹر/گھنٹا ہونی چاہیے۔ نمک کے پہاڑوں سے گزرنے کے بعد ایم 2 شمال کی طرف بڑھتی ہے اور راولپنڈی سے مغرب میں اسلام آباد لنک روڈ کے انٹرچینج پر ختم ہو جاتی ہے۔ ایم 2 چھ لین پر مشتمل ہے اور اس میں بہت سی آرام گاہیں ہیں، جہاں پر کھانے پینے، مساجد اور غسل خانے کی سہولت موجود ہے۔

تاریخ

ایم 2 کی تعمیر 1993ء پاکستان کے سابق وزیر اعظم جناب میاں محمد نواز شریف کی پہلی سہ ماہی میں شروع ہوئی اور انھیں کی دوسری سہ ماہی میں اس کا افتتاح ہوا۔ ان کے دور میں نہ صرف ایم 2 بلکہ پاکستان کی تمام موٹرویز کا تصور بھی انھوں نے پیش کیا۔