برمنگھم (انگریزی: Birmingham) ایک شہر اور میٹروپولیٹن برو ہے، جو انگلستان کی ویسٹ مِڈلَینڈزنامی کاؤنٹی میں واقع ہے۔ لندن کے باہر کا یہ برطانیہ کا سب سے زیادہ آباد شہر ہے، اصل شہر کی آبادی جو ہے دس لاکھ سے زائد۔ برمنگھم کے ملحق شہروں کو شامل کر کہ پورے متصل شہری علاقے کی آبادی قریباً پچیس لاکھ ہے۔

برمنگھم کے مختلف منظر

قرون وسطیٰ میں برمنگھم میانہ وسعت کا بازاری شہر تھا اور اٹھارویں صدی میں صنعتی انقلاب کے دوران بین الاقوامی طور پر نامور بن گیا۔ اس وقت برمنگھم سائنس، ٹیکنولوجی اور اقتصادی انتظام میں عالمی ترقی میں سب سے آگے نکل گیا تھا اور اختراعوں کے ایک سلسلے کا ذمہ دار تھا جس نے جدید صنعت یافتہ سماج کی بنیاد قائم کی۔

آج کل برمنگھم ایک اہم بین الاقوامی تجارتی مرکز ہے اور حمل و نقل، خرید و فروخت نیز تقریبوں اور کونفرنسوں کا مرکز ہے۔ اس میں چھ یونیورسٹیاں واقع ہیں، جس کے سبب وہ لندن کے علاوہ اعلیٰ تعلیم اور علمی تحقیقات کا ملک میں سب سے بڑا مرکز ہے۔ برمنگھم کے اہم ثقافتی ادارے بین الاقوامی طور پر مشہور ہیں اور شہر میں موسیقی، فنون، ادب اور طباخت کی متنوع اور اثر انداز حلقے ہیں۔

تاریخترميم

برمنگھم نے 1166ء میں ایک چھوٹے قصبے کی روپ میں جنم لیا تھا۔ کئی صنعتیں برمنگھم میں اٹھارویں اور انیسویں صدیوں کے دوران قائم ہوئیں۔ ان میں ہتھیار اور کھانے کی چیزیں بنانے کی صنعتیں شامل تھیں۔ برطانیہ کی ملکہ وِکٹوریا نے 1889ء میں برمنگھم کو شہر کا رُتبہ دیا۔ برمنگھم نے پہلی اور دوسری عالمی جنگ کی کوشش میں ایک اہم کردار ادا کیا۔ تاہم عالمی جنگ کے فوراً بعد کی نسبت میں آج کل کافی کم صنعتیں رہتی ہیں۔