سروج خان

نرملا ناگ پال، مشہور نام سروج خان (پیدائش 22 نومبر 1948ء- 3جولائی 2020ء) '"`UNIQ--nowiki-00000011-QINU`"'5'"`UNIQ--nowiki-00000012-QINU`"'بالی ووڈ کی ممتاز بھارتی رقص کوریو گرافر تھیں ۔ سروج کی پیدائش ریاست بمبئی (مہاراشٹر)، بھارت میں ہوئی۔ چالیس سالہ پیشہ ورانہ زندگی میں اس نے 300 سے زائد گانوں کی کوریو گرافی کی۔رقص کی قسم مجرا اور بالی ووڈ کی پہلی کوریو گرافر کے طور پر جانی جاتی تھیں ۔

سروج خان
(ہندی میں: सरोज खान)
معلومات شخصیت
پیدائشی نام	(انگریزی میں: Nirmala Nagpal)
پیدائش	22 نومبر 1948ء   ممبئی
وفات	3 جولا‎ئی 2020ء (72 سال)  ممبئی
وجہ وفات	بندش قلب
طرز وفات	طبعی موت
شہریت	بھارت (26 جنوری 1950–) ڈومنین بھارت
شریک حیات	بی سوہن لال (–1965)
عملی زندگی
پیشہ	کوریوگرافر ،  رقاصہ ،  منظر نویس
پیشہ ورانہ زبان	ہندی
اعزازات
فلم فئیر اعزاز برائے بہترین کوریوگرافر (برائے:گرو ) (2008) قومی فلم اعزاز برائے بہترین کوریوگرافر (برائے:جب وی میٹ ) (2007) قومی فلم اعزاز برائے بہترین کوریوگرافر (برائے:سنگرام ) (2005) فلم فئیر اعزاز برائے بہترین کوریوگرافر (برائے:دیوداس ) (2003) قومی فلم اعزاز برائے بہترین کوریوگرافر (برائے:دیوداس ) (2003) فلم فئیر اعزاز برائے بہترین کوریوگرافر (برائے:ہم دل دے چکے صنم ) (2000) افا اعزاز برائے بہترین کوریوگرافر (2000) نندی اعزاز برائے بہترین کوریوگرافر (برائے:چودالانی وندی ) (1998) فلم فئیر اعزاز برائے بہترین کوریوگرافر (برائے:کھل نائیک ) (1994) فلم فئیر اعزاز برائے بہترین کوریوگرافر (برائے:بیٹا ) (1993) فلم فئیر اعزاز برائے بہترین کوریوگرافر (برائے:سیلاب ) (1991) فلم فئیر اعزاز برائے بہترین کوریوگرافر (برائے:چال باز ) (1990) فلم فئیر اعزاز برائے بہترین کوریوگرافر (برائے:تیزاب ) (1989) افا اعزاز برائے بہترین کوریوگرافر زی سائن اعزاز برائے بہترین کوریوگرافر ایفا حاصل زیست اعزاز
	IMDB پر صفحہ

حرکت قلب بند ہونے سے 3 جولائی 2020 میں ان کا انتقال ہو گیا۔

ذاتی زندگی

نرملا کی پیدائش تقسیم ہند کے بعد اس وقت ہوئی جب اس کے والدین ہجرت کر کے بمبئی منتقل ہوئے۔ نرملا کی فنی زندگی کا آغاز تین سال کی عمر میں بچہ اداکار کے طور پر فلم نذرانہ سے ہوا جس میں وہ شیاما کی بچی بنائی گئیں۔ 1950ء کی دہائی میں وہ پس منظر میں بطور اضافی رقاصہ آنے لگی۔ کوریو گرافر بی سوہن لال کی ماتحتی میں کام کرتے وقت اس نے رقص کی تربیت حاصل کی، جس سے انھوں نے 13 سال کی عمر میں شادی کر لی جبکہ سوہن لال کی عمر اس وقت 43 سال تھی اور وہ 4 بچوں کا باپ تھا۔تین بچوں کی پیدائش کے بعد اس جوڑے میں علیحدگی ہو گئی۔ علیحدگی کے بعد نرملا نے سردار روشن خان سے 1975 میں شادی کر لی اور اپنا اسلامی نام منتخب کر لیا۔اس شادی سے سروج کی ایک بیٹی سکینہ خان ہے جو دبئی میں ایک رقص گاہ چلاتی ہے۔

پیشہ ورانہ زندگی

پہلے پہل بطور نائب کوریوگرافر اور بعد میں فلم گیتا میرا نام (1974ء) سے ایک آزاد کوریوگرافر کے طور پر کام کرنے لگی۔ البتہ، قابل ذکر کام کرنے میں کئی سال لگے، اس نے سری دیوی پر: فلم نگینہ (1986ء)، مسٹر انڈیا (1987ء) میں گانا ہوا ہوائی اور چاندی فلم (1989ء)، اس کے بعد مادھوری ڈکشت کے ساتھ مقبول گانے ایک دو تین فلم تیزاب (1988ء)، تما تما لوگ فلم تھانیدار (1990ء)، اور دھک دھک کرنے لگا گانے اور فلم بیٹا (1992ء) میں کوریو گرافی کی اور خوب تعریف سمیٹی۔

اس کے بعد بالی ووڈ کی انفرادی طور پر کام کرنے والی سب سے کامیاب کوریوگرافر بن گئی۔

2014ء میں، سروج خان نے ایک بار پھر مادھوری کے ساتھ فلم گلاب گینگ میں کام کیا۔ سروج خان رشی ہود یونیورسٹی کے مشاورتی بورڈ پر بھی رہیں۔

تنازع

اپریل 2018ء میں، کاسٹنگ کاؤچ کی حمایت میں بیان دیا کہ، شوبز میں لڑکی کو ریپ کرکے چھوڑ نہیں دیا جاتا بلکہ اسے روزگار دیا جاتا ہے۔ تاہم بعد ازاں ٹوئٹر اور فیس بک پر سخت تنقید پر انھوں نے معافی مانگ لی۔

وفات

سروج خان کو 17 جون، 2020ء کو ممبئی میں باندرہ کے گرو نانک اسپتال میں داخل کیا گیا تھا اور سانس لینے میں تکلیف کی شکایت درج کی گئی تھی اور 3 جولائی 2020ء رات 1:52 بجے بندش قلب کی وجہ سے ان کا انتقال ہو گیا۔ شدید ذیابیطس اور اس سے متعلق بیماری تھی، ان کی کووڈ-19 کی رپورٹ منفی تھی۔ موت کے وقت وہ 71 سال کی تھیں۔ سروج خان کے بعد اس کے شوہر بی سوہن لال، بیٹے حامد خان اور بیٹیاں حنا خان اور سکینہ خان ہیں۔

مزید دیکھیے

• فرح خان

بیرونی روابط

• انٹرنیٹ مووی ڈیٹابیس (IMDb) پر سروج خان