فلاحی ریاست

فلاحی ریاست سے مراد ریاست کا وہ تصور ہے جس میں ایک ریاست تمام شہریوں کو تحفظ فراہم کرتی ہے اور شہریوں کی بہتری کی ذمہ داری لیتی ہے۔ ایک فلاحی ریاست اپنے شہریوں کے جانی و مالی تحفظ کو اولین ترجیح قرار دیتی ہے اور اس کے لیے ٹھوس اقدامات کرتی ہے۔ ایک ریاست اپنے شہریوں میں کسی قسم کا امتیاز نہیں کرتی خواہ وہ لسانی، مذہبی، علاقائی امتیاز ہو یا اقتصادی و معاشرتی امتیاز ہو۔ پرانے زمانے میں ریاستیں صرف حکمرانوں کے مفاد تک محدود ہوا کرتی تھیں، لیکن پھر آہستہ آہستہ وقت کے ساتھ ایسے روشن خیال انسان پیدا ہوئے جنہوں نے ریاست میں نئے تصورات پیش کیے جس سے انسانی زندگی میں بہتری آئی۔ انہوں نے ریاست کے نظام کو از سر نو ترتیب دیا اور لوگوں کے حقوق اور ریاست کے حقوق دونوں وضح کیے۔ انسان میں جمہوریت کی سوچ بڑھی اور ریاستی نظام میں بہتری آئی۔ ایک قدم آگے بڑھتے ہوئے ریاستی نظام میں ایک نیا تصور پیش کیا گیا جسے فلاحی ریاست کہا جاتا ہے۔

ریاستیں جو اپنے عوام پر زیادہ پیسہ خرچ کرتے ہیں بمطابق انجمن اقتصادی تعاون و ترقی

>30%

25-30%

20-25%

0-20%

فلاحی ریاست کے بنیادیں اصولترميم

ریاست نہ تو مطلق اچھائی ہے جیسے اجتماعیت پسندوں کا خیال ہے اور نہ ہی لازمی برائی ہے جیسے انفرادیت پسندوں کا خیال ہے۔
ہر ریاست کچھ کام کرتی ہے جو لوگوں کی سماجی اور معاشرتی ترقی اور دیگر عوامل میں مختلف ریاستوں سے مختلف ہوتی ہے۔
ریاست معاشرے اور حکومت سے مختلف ہے اس کے دائرہ کار میں پوری انسانی زندگی نہیں آتی، ریاست کو اپنے آپ میں نظم و ضبط قائم کرنے، انصاف فراہم کرنے، اپنی سرزمین کا دفاع کرنے اور کچھ منصوبہ بندی تک محدود رہنا چاہیے۔ ریاست کے ہر فعل کو واضح طور پر بیان نہیں کیا جاسکتا۔
ریاست مقصود بالذات نہیں بلکہ اسے شہریوں کی ترقی و خوشحالی اور فلاح کے لیے قائم کیا جاتا ہے۔
ریاست اپنے اجتماعی اور انفرادی مفادات میں توازن قائم کر کے مقاصد حاصل کرتی ہے۔
ریاست کے عمل کا دائرہ کار متعین ہونا چاہیے ریاست کو بہت سے کام لازما کرنا ہوتے ہیں جیسے:
- اپنی سرحدوں کا دفاع
- اپنی حدود میں نظم و ضبط قائم رکھنا
- انتظامی اور عدالتی نظام قائم کر کے اپنی برادری کو منظم کرنا
- نظام چلانے کے لیے محصول اور دیگر فنڈز کو اکھٹا کرنا
- کرنسی کا اجرا اور مالیاتی نظام کو چلانا
- ذرائع آمد و رفت اور رسل و رسائل کے نظام کو چلانا
بہت سے وضائف ایسے ہیں جنہیں ناظمانہ وظائف کہا جاتا ہے۔ یہ وظائف ایسے ہیں جنہیں ریاست اپنے کارکنوں کے ذریعے خود سر انجام نہیں دیتی بلکہ ان کے بارے میں صرف ہدایات دیتی ہے مثلاََ کارخانوں میں کام کی صورت حال، تجارت کے لیے لائسنس کا اجراء، تفریح گاہیں اور عوامی گھر، کاپی رائٹ ایکٹ کی نگرانی، ٹریڈمارک اور کمپنیوں کی رجسٹریشن، بنک انشورنس کمپنیاں معاہدے، شراکت داری وغیرہ۔
بہت سے وظائف ایسے ہیں جو ایک ریاست کے لیے لازمی تو نہیں البتہ ریاست کو ادا کرنے چاہیے خاص طور پہ تب جب وہ ایک فلاحی ریاست ہونے کا دعوٰی کریں، چند ایک یہ ہیں:
- تمام شہریوں کے گزر بسر کے لیے خوراک، لباس اور رہائش کا انتظام کرنا۔
- بڑھاپے کے لیے پینشن
- تمام شہریوں کے لیے خواہ وہ کسی بھی گروہ سے تعلق رکھتے ہوں، لازمی اور یکساں نظام تعلیم۔
- مستحق شہریوں کے لیے مفت علاج

فلاحی ریاست اور غربتترميم

یہ بات ثابت ہوچکی ہے کہ ایک فلاحی ریاست میں غربت تیزی سے کم ہوتا ہے، ایک فلاحی ریاست میں عوام پر پیسہ خرچ کیا جاتا ہے اور یہی وجہ ہے کہ وہ قومیں تیز سے غربت کے لکیر سے اوپر آئے ہیں جن کا ریاستیں نظام بہتر ہے۔ حسب چند ممالک کی فہرست ہے جن میں غربت کی شرح تیزی سے کم ہوئی ہے:

ملک	مطلق شرح غربت (1960–1991)		متعلقہ شرح غربت (1970–1997)
ملک	قبل از فلاحیت	بعد از فلاحیت	قبل از فلاحیت	بعد از فلاحیت
سویڈن	23.7	5.8	14.8	4.8
ناروے	9.2	1.7	12.4	4.0
نیدرلینڈز	22.1	7.3	18.5	11.5
فن لینڈ	11.9	3.7	12.4	3.1
ڈنمارک	26.4	5.9	17.4	4.8
جرمنی	15.2	4.3	9.7	5.1
سویٹزرلینڈ	12.5	3.8	10.9	9.1
کینیڈا	22.5	6.5	17.1	11.9
فرانس	36.1	9.8	21.8	6.1
بلجئیم	26.8	6.0	19.5	4.1
آسٹریلیا	23.3	11.9	16.2	9.2
مملکت متحدہ	16.8	8.7	16.4	8.2
ریاستہائے متحدہ	21.0	11.7	17.2	15.1
اطالیہ	30.7	14.3	19.7	9.1

عوام پر خرچہترميم

حسب ذیل وہ ممالک ہیں جو زیادہ اپنے عوام پر پیشہ خرچ کرتے ہیں:

قوم	عوام پر خرچ (فیصد از جی ڈی پی)^[1]	سال^[2]	جی ڈی پی فی کس^[3]
فرانس	31.9	2014	$36,907
فن لینڈ	31.0	2014	$38,251
بلجئیم	30.7	2014	$40,338
ڈنمارک	30.1	2014	$42,764
اطالیہ	28.6	2014	$34,303
آسٹریا	28.4	2014	$44,149
سویڈن	28.1	2014	$43,533
ہسپانیہ	26.8	2014	$32,103
جرمنی	25.8	2014	$43,332
پرتگال	25.2	2014	$25,900
نیدرلینڈز	24.7	2014	$43,404
یونان	24.0	2014	$25,651
سلووینیا	23.7	2014	$28,298
لکسمبرگ	23.5	2013	$90,790
جاپان	23.1	2011	$36,315
مجارستان	22.1	2014	$22,878
ناروے	22.0	2014	$65,461
مملکت متحدہ	21.7	2014	$35,760
جمہوریہ آئرلینڈ	21.0	2014	$43,304
نیوزی لینڈ	20.8	2013	$34,826
پولینڈ	20.6	2014	$23,275
چیک جمہوریہ	20.6	2014	$27,344
سویٹزرلینڈ	19.4	2014	$53,672
ریاستہائے متحدہ	19.2	2014	$53,143
آسٹریلیا	19.0	2014	$43,550
سلوواکیہ	18.4	2014	$26,114
کینیڈا	17.0	2014	$43,247
آئس لینڈ	16.5	2014	$39,996
استونیا	16.3	2014	$25,049
اسرائیل	15.0	2013	$32,760
ترکیہ	12.5	2013	$18,975
جنوبی کوریا	10.4	2014	$33,140
چلی	10.0	2013	$21,911
میکسیکو	7.9	2012	$16,463