محمد ارشد القادری
محمد ارشدالقادری ایک مسلمان عالم دین 1990ء سے مسلسل داتا دربار لاہور کی جامع مسجد میں عوام الناس کے سوالات کے جوابات دے رہے ہیں ان کی سوال و جواب کی نشستیں ہفتے میں کئی بار ہوتی ہیں ان علمی نشستوں میں وہ لاکھوں سوالات کے جوابات دے چکے ہیں[1]
| محمد ارشد القادری | |
|---|---|
| معلومات شخصیت | |
| پیدائش | 16 فروری، 1958ء کوٹ نیناں تحصیل شکر گڑھ نارووال پاکستان |
| شہریت | پاکستانی |
| مذہب | اسلام |
| مکتب فکر | اہلسنت والجماعت (بریلوی – حنفی) |
| عملی زندگی | |
| مادر علمی | جامعہ پنجاب لاہور |
| استاذ | عبدالقیوم ہزاروی |
| پیشہ | مترجم ، مصنف |
| متاثر | محمد عثمان نوری قادری |
درستی - ترمیم  | |
رانا ارشد قادری
ترمیمایک طویل عرصے تک علمی و مذہبی حلقوں میں ان کی پہچان "رانا ارشد" کے نام سے رہی ہے۔ کیونکہ وہ رانا خاندان میں رانا محمد طفیل کے گھر 15 یا 16 فروری 1958ء کو پیدا ہوئے اور خود اپنے نام کے ساتھ "رانا" لفظ لکھتے رہے پھر ان کے استاد قبلہ مفتی محمد عبدالحکیم شرف قادری نے "ارشدالقادری" لکھنے کا حکم دیا۔ آج بھی عوام الناس کی اکثریت انھیں رانا ارشد رضوی کے نام سے جانتی ہے۔[2]
بچپن
ترمیمان کا بچپن کوٹ نیناں تحصیل شکر گڑھ میں گذرا اور ابتدائی تعلیم کا آغاز وہیں ہوا۔
تعلیم
ترمیمارشد نے ثانوی تعلیم لاہور کے علاقے بلال گنج میں اپنے استادِ محترم محمد علی نقشبندی سے اور نزدیکی گورنمنٹ اسلامیہ اسکول خزانہ گیٹ لاہور سے حاصل کی۔ انھوں نے گورنمنٹ کالج لاہور سے اور گولڈ میڈل حاصل کیا۔ انھوں نے دینی تعلیم کے لیے تنظیم المدارس اہل سنت پاکستان (بورڈ) کے امتحانات اعلیٰ پوزیشن سے پاس کیے۔ انھوں نے اسلامیات، عربی اور تاریخ میں ایم اے کی اسناد جامعہ پنجاب سے حاصل کیں۔ ارشد نے مفتی عبدالقیوم ہزاروی، مفتی عبد القیوم خان ہزاروی، مفتی عبدالعلیم سیالوی اور مفتی محمد عبدالحکیم شرف قادری سے بھی علم دین سیکھا۔
بیعت و خلافت
ترمیممحمد ارشد نے علامہ ابو محمد، محمد عبدالرشید قادری سمندری شریف کے ہاتھ پر بیعت کی۔ وہیں سے چاروں سلاسل میں خلافت سے شرف یاب ہیں۔ ان کا سلسلہ طریقت میں امام احمد رضا خان قادری سے جا ملتا ہے۔
نظریات
ترمیممفتی محمد ارشدالقادری، اعلٰی حضرت امام احمد رضا خان قادری کے افکار و نظریات سے متاثر ہیں۔ 30 جنوری 2011ء کو انھوں نے "فکر رضا کانفرنس" منعقد کی۔ ان کے نزدیک حرمت رسول صلی اللہ علیہ وآلہ واصحابہ وسلم کا تحفظ ہر مسلمان کا فرض ہے۔ انھوں نے 14 اکتوبر، 2012ء کو "حرمت رسول اور اس کے تقاضے"[3] کے نام سے ایک اجتماع کیا۔
تصانیف
ترمیممفتی محمد ارشد القادری بہت سی کتابوں کے مصنف ہیں جن میں سے دو درجن کے قریب زیور طبع سے آراستہ ہو چکی ہیں۔ وہ صحیح ترمذی کی شرح "فیوض النبی" لکھ رہے ہیں اس کی جلد اول چھپ چکی ہے[4] اور سینکڑوں کتب طباعت کی منتظر ہیں۔ ان کی طبع شدہ کتابوں کے نام یہ ہیں۔
|
|
تنظیم
ترمیممحمد ارشد قادری تعلیم و تربیت اسلامی پاکستان نامی ایک تحریک کے بانی ہیں۔ اس تنظیم کے زیر انتظام مختلف اجتماعات، کانفرسیں اور سیمینار منعقد کیے جاتے ہیں۔[5][6][7][8] تعلیم و تربیت اسلامی مختلف فلاحی کاموں میں حصہ لیتی ہے۔ "تعلیم و تربیت اسلامی پاکستان" کا منشور وحدت امت، خدمت امت اور استحکام امت ہے۔ تعلیم و تربیت اسلامی پاکستان کا صدر دفتر لاہور میں ہے۔ جس کا نام جامعہ اسلامیہ رضویہ کے طور پر جانا جاتا ہے۔ یہ رچنا ٹاؤن فیروز والہ میں واقع ہے۔ اس میں تحریک کے مختلف شعبہ جات کام کر رہے ہیں۔
مزید دیکھیے
ترمیمحوالہ جات
ترمیم- ↑ Afkare Muslim: حضرت مفتی اعظم پاکستان علامہ مولانا محمد ارشد القادری
- ↑ Afkare Muslim: موت العالم موت العالم قبلہ مفتی علامہ مولانا محمد عبد الحکیم شرف قادری از علامہ محمد ارشد القادری
- ↑ حرمت رسول کا تحفظ ہر مسلمان کا فرض ہے: مفتی ارشدالقادری
- ↑ "علامہ ارشد القادری کی تصنیف فیوض النبی شرح جامع"۔ 16 جون 2015 میں اصل سے آرکائیو شدہ۔ اخذ شدہ بتاریخ 17 مارچ 2014
- ↑ اسلام تلوار کے زور پر نہیں، قوت ایمانی صداقت اور عشق
- ↑ "UrduPoint Urdu News, Breaking Urdu News, Pakistan News | Urdu Newspaper"۔ 04 مارچ 2016 میں اصل سے آرکائیو شدہ۔ اخذ شدہ بتاریخ 18 مارچ 2014
- ↑ ePaper News 27 April 2013, لاہور، Page 4
- ↑ http://e.jang.com.pk/04-29-2013/lahore/images/06_40.gif[مردہ ربط]
بیرونی روابط
ترمیم- ارشد القادری صاحب کا بلاگآرکائیو شدہ (Date missing) بذریعہ arshad-al-qadri.blogspot.com (Error: unknown archive URL)
- ہزار سیپ ہوں ہر سیپ میں جو ہر نہیں پیدا
- مفتی اعظم پاکستان علامہ مولانا محمد ارشد القادری
- موت العالم موت العالم قبلہ مفتی علامہ مولانا محمد عبد الحکیم شرف قادری از علامہ محمد ارشد القادری
- Biography of Mufti e Azam Pakistan Allama Arshad ul Qadri
- حرمت رسول کا تحفظ ہر مسلمان کا فرض ہے: مفتی ارشدالقادری
- تصانیف کے نام کا ربط