نینا عبدالملک

نینا عبد الملک (انگریزی : Nina Abdel Malak؛ پیدائش ۲۵ ستمبر ۱۹۹۲) ایک لبنانی گلوکارہ ہے۔موسیقی سے جنون کی حد تک لگاؤ رکھنے والی نینا ، فیشن ، رقص ، اداکاری اور فوٹو گرافی کی بھی دلدادہ ہے۔ اس نے اپنے فنی سفر کا آغاز ۲۰۱۱ میں سٹار اکیڈمی عرب کے مقابلوں کے آٹھویں دور میں حصہ لینے سے کیا اور یہی اس کے فنی و غنائی زندگی کے عروج کا نقطہ آغاز تھا۔اور یوں وہ کئی ایک عرب ممالک مثلاً سعودی عرب ، مصر ، اردن ، عراق ، کویت ، الجزائر وغیرہ جیسے اہم اور بڑے ممالک میں اپنی شناخت بنانے اور فنی قدم جمانے میں کامیاب ہوئی۔ اور وہ (UAT) گروپ کی رکن بھی تھی جس میں اس نے تیونس کے ریپ گلوکار بشیر بکور اور سعودی عرب کے ہپ ہوپ گلوکار طارق علی فودة کے ہمراہ فن کا مظاہرہ کیا۔

نینا عبدالملک
معلومات شخصیت
پیدائش	25 ستمبر 1992 (31 سال)
شہریت	لبنان
مذہب	دروز
فنکارانہ زندگی
آلہ موسیقی	صوت
پروڈکشن کمپنی	روتانا ریکارڈز
پیشہ	گلو کارہ

ذاتی زندگی

نینا عبدالملک ۲۵ ستمبر ۱۹۹۲ کو لبنان کے شہر نبطیہ میں پیدا ہوئی۔ لیکن وہ اصلاً لبنان کے ضلع عالیہ کے بتاتر کے محلے بحمدون جو محافظہ جبل لبنان کے علاقے میں واقع ہے سے تعلق رکھتی ہے۔ نسلاً وہ ایک دروز مسلم خاندان سے تعلق رکھتی اور ایک شرمیلی ، سادہ ، ملنسار ، امن پسند لڑکی ہے۔ مصوری ، رقص، تصویر کشی اور موسیقی اس کے مشاغل ہیں۔ معروف و معتبر لبنانی آرٹسٹ فیروز کے فن سے متاثر ہے۔ اس کا والد ایک تزئینی انجینئیر جبکہ اس اس کی والدہ کا نام فریال ہے۔ اس کا ایک بھائی عاصم عبدالمک ہے جو اس سے دس سال بڑا ہے۔

فنی زندگی

نینا موسیقی کے ایک گروپ (UAT) کی سابقہ رکن ہے۔ اور اس نے اپنی سحر انگیز آواز اور سادہ شخصیت سے سوشل میڈیا پر ایک دھوم مچا دی۔ اور متابعین (followers) کی ایک کثیر تعدا کو اپنے سوشل پلیٹ فارم کی طرف راغب کیا۔ مئی ۲۰۱۷ میں سوشل پلیٹ فارم انسٹا گرام پر اس کے متابعین کی تعداد ایک اعشاریہ پانچ ملین سے تجاوز کر گئی۔