کوت العمارہ
الکوت یا کوت العمارہ ( عربی: الكوت ) مشرقی عراق کا ایک شہر ہے جو دریائے دجلہ و شط العرب کے سنگم پر واقع ہے ، یہ بغداد سے 160 کلومیٹر (99 میل) جنوب مشرق میں واقع ہے۔بمطابق2018 تخمینی آبادی لگ بھگ 389،400 افراد پر مشتمل ہے۔ یہ طویل عرصے سے اس صوبے کا دار الحکومت ہے جس کو الکوت کے نام سے جانا جاتا ہے ، لیکن 1960 کی دہائی سے اس کا نام تبدیل کر کے واسط رکھ دیا گیا۔
الکوت | |
|---|---|
| شہر | |
 الکوت میں ایک مسجد | |
  کوت | |
| متناسقات: 32°30′20″N 45°49′29″E / 32.50556°N 45.82472°E | |
| ملک |  عراق |
| صوبہ | واسط |
| حکومت | |
| • گورنر | حامد خزيم السعيدی |
| • میئر | اسامہ كريم خلف |
| بلندی | 23 میل (75 فٹ) |
| آبادی | |
| • کل | 315,162(بمطابق 2,019) |
کوٹ کا پرانا قصبہ دریا کے تیز "یو" موڑ کے اندر ہے ، اس مقام کے بالکل برعکس جہاں شط الغراف اپنی شاخوں کو دجلہ سے دور کرتا ہے۔ [1] یہ "یو" کے سائز کا موڑ اسے تقریبا جزیرہ بنا دیتا ہے لیکن ساحل سے تنگ رابطے کے ساتھ۔ صدیوں سے کوت قالین کی تجارت کا علاقائی مرکز تھا۔ کوت کے آس پاس کا رقبہ اناج کاشت کرنے والا زرخیزعلاقہ ہے۔ 2003 میں عراق پر حملے میں تباہ شدہ بغداد جوہری تحقیقی مرکز کوت کے قریب واقع ہے۔
1930 کی دہائی میں آس پاس کے علاقے کو آبپاشی کے پانی کی فراہمی کے لیے شہر میں کوت بیراج تعمیر کیا گیا تھا۔ بیراج ایک سڑک اوردجلہ میں سے گزرنے والی کشتیوں کے لیے ایک بند پر مشتمل ہے۔ اس کا بنیادی مقصد دجلہ میں پانی کی سطح کی مناسب بلندی برقرار رکھنا ہے تاکہ غراف نہر کو پانی فراہم کیا جاسکے۔
1952 میں ،26,440 ہیکٹر (65,300 acre) کوغراف نہر کے ذریعہ فراہم کردہ پانی سے سیراب کیا گیا۔ اس نو بحال شدہ اراضی میں سے 14,080 ہیکٹر (34,800 acre) سماجی زرعی اصلاحات پروگرام کے تحت چھوٹے کاشتکاروں کو تقسیم کیے گئے۔ ان کاشتکاروں کو فی خاندان 10 ہیکٹر (25 acre) حاصل ہوا تھا اور انھیں اپنی کاشت کی ہوئی زمین پر رہنا تھا۔ 2005 میں ، کوٹ بیراج اور غراف ہیڈ ریگولیٹر کی مرمت اور بحالی کے کاموں پر کل 30 لاکھ امریکی ڈالر لاگت آئی۔
جغرافیہ
ترمیمآب و ہوا
ترمیمکوپن – گیجر آب و ہوا کی درجہ بندی کے لحاظ سے کوت میں صحرائی آب و ہوا ( بی ڈبلیو ایچ ) ہے۔ زیادہ تر بارش سردیوں میں پڑتی ہے۔ کوت میں اوسطا سالانہ درجہ حرارت 23۔4 سینٹی گریڈ (74۔1فارن ہایٹ) ہے۔سالانہ تقریبا 138 ملی میٹر (5.43 انچ) بارش ہوتی ہے۔
| آب ہوا معلومات برائے کوت | |||||||||||||
|---|---|---|---|---|---|---|---|---|---|---|---|---|---|
| مہینا | جنوری | فروری | مارچ | اپریل | مئی | جون | جولائی | اگست | ستمبر | اکتوبر | نومبر | دسمبر | سال |
| اوسط بلند °س (°ف) | 17.1 (62.8) |
19.6 (67.3) |
23.6 (74.5) |
29.4 (84.9) |
36.2 (97.2) |
41.3 (106.3) |
43.5 (110.3) |
43.6 (110.5) |
40.5 (104.9) |
34.5 (94.1) |
25.8 (78.4) |
18.8 (65.8) |
31.16 (88.08) |
| اوسط کم °س (°ف) | 5.1 (41.2) |
6.6 (43.9) |
10.1 (50.2) |
14.9 (58.8) |
20.4 (68.7) |
23.6 (74.5) |
25.7 (78.3) |
25.2 (77.4) |
21.6 (70.9) |
16.6 (61.9) |
11.1 (52) |
6.4 (43.5) |
15.61 (60.11) |
| اوسط عمل ترسیب مم (انچ) | 26 (1.02) |
32 (1.26) |
19 (0.75) |
12 (0.47) |
5 (0.2) |
0 (0) |
0 (0) |
0 (0) |
0 (0) |
1 (0.04) |
17 (0.67) |
26 (1.02) |
138 (5.43) |
| ماخذ: climate-data | |||||||||||||
تاریخ
ترمیمقرون وسطی کا شہر مدھاریا جدید کوت کے مقام پر تھا۔ [2] [1] [3] یہ اس مقام پر واقع تھا جہاں نہر دجلہ بہتی ہے۔ مدھاریا کی شناخت ساسانی دورکے زرتشتی مذہبی رہنما مزدک کے آبائی شہر کے طور پر کی گئی ہے۔ [4] تاہم ، 1200 کی دہائی کے اوائل تک ، یعقوت الحموی نے لکھا کہ مدھاریا کھنڈر میں تھا۔.
جدید کوت کی خوش حالی 18ویں صدی میں دجلہ میں دخانی جہازوں کی نقل و حمل کی مرہونِ منت ہے۔ [1]
جنگ عظیم اول
ترمیم
کوت پہلی جنگ عظیم کے دوران ایک زبردست لڑائی کا منظرپیش کررہا تھا۔ میجر جنرل چارلس ٹاؤن شینڈ کی سربراہی میں برطانوی میسوپوٹیمیائی مہم جو فوج ، ستمبر 1915 میں بصرہ سے شمال کی طرف روانہ ہوئی ، جسے میسو پوٹیمین مہم کے نام سے جانا گیا۔ وہ 26 ستمبر کو کوت پہنچے ، جہاں تین دن کی لڑائی کے بعد انھوں نے عثمانی فوج کو قصبے سے بھگا دیا۔
تقریبا نو مہینوں کے تعطل کے بعد ، ٹاؤن شینڈ پھر دریا سے تیسفون کی طرف بڑھ گیا ۔ وہاں لڑائی کے بعد ، شکست خوردہ برطانوی افواج کوت واپس چلی گئیں۔ 7 دسمبر ، 1915 کو ، عثمانی فوج ، اپنے کماندار ، جرمن فیلڈ مارشل بیرن وان ڈیر گولٹز کے ماتحت ، کوت پہنچی اور محاصرے کا آغاز کیا۔ کرنل جارارڈ لیچ مین کے ماتحت برطانوی گھڑسوار فوج محاصرہ توڑنے میں کامیاب ہو گئی ، لیکن ٹاؤن شینڈ اور زیادہ تر فوج کا محاصرہ برقرار رہا۔ ٹاؤن شینڈ کی افواج کو بچانے کے لیے بہت ساری کوششیں کی گئیں ، لیکن سب ناکامی سے دوچار ہویں۔ کوت کو دوبارہ حاصل کرنے کی کوششوں میں تقریبا 23،000 برطانوی اور ہندوستانی فوجی ہلاک ہو گئے ، یہ شاید انگریزوں کے لیے یورپ سے دور سب سے بڑا انسانی نقصان تھا۔ محاصرے کے اختتام کے قریب ، ٹی ای لارنس اور برطانوی انٹلیجنس کے آوبری ہربرٹ نے خلیل پاشا کو رشوت دینے کی ناکام کوشش کی تاکہ فوجیوں کو فرار ہونے کی اجازت مل جائے۔ ٹاؤن شینڈ نے 8،000 زندہ بچ جانے والے فوجیوں کے ساتھ بالآخر 29 اپریل 1916 کو کوت عثمانیوں کے حوالے کر دیا۔ پکڑے گئے فوجیوں کو منقسم کر دیا گیا ، جہاں افسران کو علاحدہ سہولیات کے لیے بھیجا گیا اور بہت سے اندراج شدہ فوجیوں سے سلطنت عثمانیہ کے ہتھیار ڈالنے تک سخت مزدوری کروائی گئی۔ ان میں سے نصف سے زیادہ فوت ہو گئے۔ انگریزوں نے دسمبر 1916 میں جنرل سر فریڈرک اسٹینلے موڈ کے ماتحت ایک بڑی اور بہتر رسد والی فوج کے ساتھ دوبارہ حملے کیا اور 23 فروری 1917 کو کوٹ واپس حاصل کر لیا۔
کوت کو پہلی جنگ عظیم کے دوران سخت نقصان پہنچا ، بعد میں تقریبا سارا شہر ہی دوبارہ تعمیر کیا گیا۔
ہنگامی آپریٹنگ بیس ڈیلٹا (سی او بی ڈیلٹا)
ترمیمہنگامی آپریٹنگ بیس (سی او بی) ڈیلٹا ایک امریکی فوجی تنصیب تھی جودجلہ کے دائیں کنارے پر واقع تھی۔
آپریشن عراقی آزادی کے ابتدائی مرحلے میں فارورڈ آپریٹنگ بیس (ایف او بی) کے طور پر نامزد کردہ ، ڈیلٹا کا مرکز عراقی فضائیہ کے ایک سابق اڈے ، کوت الحیی ایئر بیس پر تھا ، جو قبضہ کے بعد بلیئر ایئر فیلڈ کے نام سے جانا جاتا تھا۔ [5] 2005 میں ڈیلٹا کو ایک "پائیدار" ایف او بی بننے کے لیے منتخب کیا گیا تھا ، جبکہ دیگر ایف او بی بند ہونے کے باوجود یہ فعال رہتا تھا۔ [6] امریکی فوج کی عراقی آزادی مہم کے دوران میں ، ایف او بی ڈیلٹا بنیادی طور پر کثیر الاقوامی فوجوں ، پولستانی ، قازقستانی ، ایل سلواڈوری ، جارجیائی ، لتھوانیائی ، برطانوی اور امریکی افواج کے زیر انتظام تھا ، جس میں امریکی فوجیں سربراہی کرتی تھیں۔ 2009 کے بعد ایف او بی کو دوبارہ سی او بی کے لیے نامزد کیا گیا۔ [7] سی او بی ڈیلٹا کو 24 اکتوبر 2011 کو بند کر دیا گیا تھا اور مرکزی فلائٹ لائن ہینگر / ٹرمینل میں اس سہ پہر کو ایک حوالگی تقریب میں باضابطہ طور پر آئی اے ایف(عراقی فضائیہ) کے حوالے کر دیا گیا تھا۔ اس شام کے بعد ، تقریباً 2200 جوانوں کے آخری دستے نے ہیلی کاپٹر کے ذریعے اڑان بھری۔ اس وقت امریکی فوجیں مرکزی ہینگر سے روانہ ہوگئیں اور اندھیرے کی آڑ میں جنوبی دروازے سے کویت کی طرف روانہ ہوگئیں۔
جدید میڈیا میں
ترمیمترکی کے پہلے قومی ٹیلی ویژن اسٹیشن، ٹی آرٹی 1 کی جانب سے کوت العمارہ پر ایک ٹی وی سیریز تیار کی گئی، جو دو سیزن پر محیط ہے [8] سیریز کا پہلا سیزن 19 اقساط پر مشتمل تھا جو 18 جنوری 2018 کو نشر ہوا جبکہ 14 قسطوں پر مشتمل دوسرا سیزن 2019 میں نشر کیا گیا۔
حوالہ جات
ترمیم- ^ ا ب پ Naval Intelligence Division guidebook (1944), p. 543
- ↑ Le Strange (1905), pp. 38, 60
- ↑ El-Samarraie (1970), p. 29
- ↑ Madelung (1988), p. 3
- ↑ John Pike۔ "Kut Al Hayy Airbase"
- ↑ "FOB Delta not just enduring – it's growing"
- ↑ "Saber Squadron arrives at COB Delta"
- ↑ "Kutul Zafar"