گلبرگ ٹاؤن، کراچی

گلبرگ ٹاؤن پاکستان کے صوبہ سندھ کے دار الحکومت کراچی کے 18 قصبہ جات میں سے ایک ہے۔ اگست 2000ء میں بلدیاتی نظام متعارف کرائے جانے کے ساتھ ہی کراچی ڈویژن اور اس کے اضلاع کا خاتمہ کر کے کراچی شہری ضلعی حکومت کا قیام عمل میں لایا گیا۔ اس کے نتیجے میں شہر کو 18 قصبہ جات (ٹاؤنز) میں تقسیم کر دیا گیا جن میں گلبرگ ٹاؤن بھی شامل ہے۔

گلبرگ ٹاؤن ٹاؤن ناظم: فاروق نعمت اللہ
تاریخ تاسیس	14 اگست 2001
نقشہ
انتظامی تقسیم
ملک	پاکستان
تقسیم اعلیٰ	کراچی
متناسقات	24°56′13″N 67°04′33″E
آبادی
کل آبادی
قابل ذکر
جیو رمز	7046027

یہ قصبہ کراچی شہر کے شمالی علاقوں پر مشتمل ہے البتہ اضلاع کے خاتمے سے قبل کراچی کے ضلع وسطی میں شمار کیا جاتا تھا۔

1998ء کی قومی مردم شماری کے مطابق اس کی آبادی 4 لاکھ 53 ہزار سے زیادہ ہے۔ بیشتر آبادی اردو بولنے والے افراد بھی مشتمل ہے جبکہ پنجابی، پشتو، سرائیکی اور سندھی بولنے والے بھی یہاں بستے ہیں۔

گلبرگ ٹاؤن کے مشرق میں لیاری ندی اور گلشن اقبال ٹاؤن واقع ہیں جبکہ مغرب میں گجر نالا اور شمالی ناظم آباد ٹاؤن ہیں۔ شمال میں گلبرگ کی سرحدیں نئی کراچی اور گڈاپ کے قصبہ جات سے ملتی ہیں جبکہ لیاقت آباد ٹاؤن اس کے جنوب میں واقع ہے۔

یہ شہر کے پڑھے لکھے اور متوسط طبقے کا علاقہ شمار کیا جاتا ہے۔ یہاں کئی اہم تعلیمی ادارے بھی واقع ہیں۔

2023ء کے مطابق اس ٹاؤن کے ناظم فاروق نعمت اللہ خان ہیں۔

انتظامی تقسیم

گلبرگ ٹاؤن مندرجہ ذیل 8 یونین کونسلوں میں تقسیم ہے:

انچولی شفیق مل کالونی عائشہ منزل عزیز آباد

کریم آباد نصیر آباد واٹر پمپ *یاسین آباد

بیرونی روابط

• کراچی شہری حکومت کی باضابطہ سائٹآرکائیو شدہ بذریعہ karachicity.gov.pk
• شہری حکومت کی ویب گاہ پر گلبرگ ٹاؤن کا صفحہآرکائیو شدہ بذریعہ 125.209.91.254