سرائیکی زبان

سرائیکی
	سرائیکی
	سرائیکی شاہ مکھی رسم الخط میں لکھا ہوا
مقامی	پاکستان، بھارت، افغانستان
علاقہ	بنیادی طور پر جنوبی پنجاب
مقامی متکلمین	26 ملین (2017)
لسانی خاندان	ہند یورپی زبانیں ہند ایرانی زبانیں ہند آریائی زبانیں شمال مغربی خطہ لہندا سرائیکی; ; ; ; ;
لہجے	ملتانی; ڈیروالی; ریاستی (ریاستی–بہاولپوری); تھلوچی;
نظام کتابت	فارسی ابجد، لہندا گورمکھی، دیوناگری رسم الخط، لنگدی رسم الخظ
رسمی حیثیت
منظم از	کہیں بھی نہیں
زبان رموز
آیزو 639-3	skr

سرائیکی (انگریزی: Saraiki, Siraiki, Seraiki) ایک ہند آریائی زبان ہے جو ملتانی اور جٹکی لہجوں پر مشتمل ہے۔ اس کے بولنے والوں کی تعداد 2 کروڑ ساٹھ لاکھ^[5] ہے جو موجودہ جنوبی پنجاب، جنوبی خیبر پختونخوا، شمالی سندھ اور مشرقی بلوچستان میں رہتے ہیں۔ اس کے علاوہ بھارت میں 109,000 لوگ سرائیکی بولتے ہیں^[6] جو تقسیم کے وقت ہجرت کرکے گئے تھے۔ اس طرح سرائیکی زبان بولنے والوں کی کل آبادی 26 ملین ہے۔ یہ بلوچوں کی تیسری بڑی زبان ہے۔^[2]پاکستان میں سرائیکی زبان بولنے والوں کی آبادی 12.19 فیصد ہے جس میں 8.4 فیصد آبادی نسلی سرائیکی گروہوں کی ہے اور باقی 3.79 فیصد میں بلوچ، پٹھان، عرب اور ترک قبائل شامل ہیں۔ سرائیکی زبان بولنے والوں کی آبادی صوبہ خیبر پختونخواہ میں 3.72 فیصد، سندھ میں 2.23 فیصد، بلوچستان میں 2.65 فیصد، پنجاب میں 20.68 اور سرائیکی وسیب میں 74 فیصد ہے۔

Distribution of Pakistanis speaking Saraiki as a first language in 1998

زبان اور اس کے لہجے

ملتانی زبان (Linguistic survey of India 1881–1882)

برصغیر ایک ایسا خطہ ہے جہاں پر کئی زبانیں بولی جاتی ہیں جن میں سندھی، ہندی، اردو، پنجابی وغیرہ شامل ہیں جو آپس میں نسلی اور شناختی تنازعات پیدا کرتی ہے کیونکہ یہ تمام ایک زبان کی بجائے لہجے کے تنازعے میں شامل ہیں۔ ان تمام زبانوں کی اپنی ایک معیاری شکل ہے جن میں ان کا ادب لکھا گیا ہے۔۔^[7] سرائیکی کا ذکر سب سے پہلے 1947ء میں پاکستان کے قیام کے بعد ایک مقامی لسانی پارٹی نے الگ صوبے کے قیام کے مطالبے پر کیا۔^[8]^:838^[9] پاکستان میں سرائیکی زبان بولنے والوں کی مردم شماری پہلی بار 1981ء میں کی گئی۔^[10]^:46۔ اس کے برعکس سرائیکی کو پنجابی کا ایک لہجہ بھی سمجھا جاتا رہا ہے کیونکہ سرائیکی فقرے کی ساخت، بناوٹ وغیرہ بالکل ماجھی پنجابی جیسی ہے اسی وجہ سے کئی مقامی ماہر لسانیات نے سرائیکی کو پنجابی کا ایک لہجہ ہی کہا ہے جن میں دلائی، کے نریندر، گل، ہرجیت سنگھ گل، اے ہینری، گلیسن (جونیئر)، کؤل، این اومکر، سِیا مدُھو بالا، افضل احمد چیمہ، عامر ملک، امر ناتھ شامل ہیں۔^[11]^[12]^[13]^[14] نا صرف مقامی بلکہ جدید لسانیات کے ادارے جیسے یوایس نیشنل ایڈوائزری کمیٹی، یو سی ایل اے لینگویج میٹیریل پروجیکٹ کے ساتھ ساتھ جدید لسانیات کے ماہر لمبرٹ ایم سرہونے، مریم ٹی ٹینوئی، سسان ایف ہینسونؤ، کارڈونا اور نٹالیا اِونوونا ٹولسٹایاوغیرہ نے بھی سرائیکی کو پنجابی کا ایک لہجہ کہا ہے۔^[15]^[16]^[17]^[18]

سرائیکی زبان کے بنیادی طور پر دو لہجے ہیں جو کہ ملتانی اور جٹکی ہیں۔ ریاستی، تھلوچی، خیلوی، کھیترانی، ڈیروی اور سرولی ملتانی کے ہی ذیلی لہجے ہیں۔ صوبہ سندھ کے 10 شمالی اضلاع میں جہاں سرائیکی بولی جاتی ہے وہاں سرائیکی کو پنجابی کی بجائے سندھی کا ایک لہجہ کہا جاتا رہا ہے، اس کے علاوہ سرائیکی اردو کی ابتدائی شکل ہے اس پر بھی بحث ہو چکی ہے کیونکہ مسلمانوں نے ملتان تک کے علاقہ کو فتح کرکے ملتان کو سندھ کا دار الخلافہ بنایا تھا۔^[19]

بھارت کی رہنے والی ایک سرائیکی لڑکی

اشتقاق

سرائیکی لفظ کے اشتقاق کے متعلق کافی متضاد تحقیقات ہیں۔ سرائیکی لفظ سنسکرت کے سؤوِریا ^[20] سے بنا ہے جو قدیم ہند میں ایک سلطنت تھی جس کا ذکر ہندوؤں کی مقدس کتاب مہا بھارت میں بھی ہے۔ کی کا لاحقہ لگانے سے یہ لفظ سؤوِریاکی بن گیا۔ اس کے بعد بولنے کی آسانی کے لیے و کی آواز ہٹا دی گئی جس لفظ سرائیکی بنا دیا گیا۔ اس کے علاوہ جارج ابراہم گریسن نے لفظ سرائیکی کو سندھی کے ایک لفظ سِرو کی بگڑی ہوئی یا سدھری ہوئی شکل بتایا جس کے معنی شمالی کے ہیں کرسٹوفر شیکل^[9]^:388 نے جارج ابراہم گریسن کی تحقیق کو غلط کہا ہے۔ ایک اور تحقیق کے مطابق سرائیکی لفظ سرای سے بنا ہے۔

ڈیرہ غازیخان

سرائیکی علاقے

پاکستانی زبانیں Pakistani languages map

پنجاب، بلوچستان خیبرپختونخوا اور سندھ میں پنجابی، بلوچی اور سندھی کے ساتھ ساتھ سرائیکی بولنے اور سمجھنے والے موجود ہیں۔

بلوچستان (جزوی آبادی)

ضلع موسیٰ خیل: تحصیل درگ کا آدھا علاقہ، تحصیل راڑہ شم
ضلع بارکھان
ضلع سبی
ضلع نصیر آباد: دیرہ مراد جمالی، تمبو، چھتر
ضلع جعفرآباد: دیرہ اللہ یار، گنداخہ، اوستہ محمد
ضلع صحبت پور: صحبت پور، مانجی پور، ہَیروی، فرید آباد
ضلع جھل مڳسی: جھل مگسی، گنداواہ، میر پور سب تحصیل
ضلع لہڑی: صدر مقام بختیار آباد، لہڑی، بھاڳ
ضلع کچھی(بولان): ڈھاڈر، مچھ، سَنی، کھتن، بالا ناڑی

پنجاب (اکثریتی اضلاع، جنوبی پنجاب)

پنجاب (جزوی آبادی)

خیبر پختونخوا (اکثریتی اضلاع)

خیبر پختونخوا (جزوی آبادی)

سندھ (جزوی آبادی)

ضلع کشمور: کندھ کوٹ، کشمور، تنگواݨی
ضلع جیکب آباد: جیک آباد، گڑھی خیرو، ٹھُل
ضلع شکار پور: شکار پور، گڑھی یاسین، خان پور، لکھی
ضلع لاڑکانہ: لاڑکانہ، رتو دیرو، باقراݨی، ݙوکری
ضلع قمبر شہدادکوٹ: شہداد کوٹ، قمبر، وارہ، میرو خان، نصیر آباد، سجاول جونیجو، قبو سعید خان
ضلع گھوٹکی: میر پور متھیلو، ڈہرکی، گھوٹکی، اوباڑو، خان ڳڑھ
ضلع سکھر: سکھر، روہڑی، صالح پٹ، پنوں عاقل
ضلع خیرپور: خیرپور، نارا، کوٹ ڈجی، صوبھو دیرو، میرواہ، کنگری، فیض گنج، گمبٹ
ضلع نوشہرو فیروز: نوشہروفیروز، مورو، بھریا، کنڈو یارو، محراب پور، مٹھیاݨی
ضلع بے نظیر آباد: نواب شاہ، قاضی احمد، دوڑ، سکرنڈ
ضلع دادو : تعلقہ دادو، تعلقہ میہڑ، تعلقہ خیر پور ناتھن شاہ، تعلقہ سیہون، تعلقہ جوہی
کراچی، جزوی آبادی