نوبل گیسیں

نوبل گیسیں یا نبیل گیسیں (Noble gases) سے مراد وہ گیسیں (gases) ہیں جو دوری جدول (Periodic table) کا آخری گروہ یعنی اٹھارواں گروہ بناتی ہیں۔ جس طرح نوبل دھاتیں کیمیائی اعتبار سے بہت کم عمل پزیر ہوتی ہیں اسی طرح نوبل گیسیں بھی انتہائی کم عاملیت کی حامل ہوتی ہیں۔ یہ گیسیں انیسویں صدی کے بالکل اختتام پر دریافت ہوئیں اور 1902ء میں دوری جدول میں "گروہ صفر" کے تحت شامل کی گئیں کیونکہ ان کی ویلنسی صفر تھی۔ انھیں غیر عامل گیسیں (inert gases) بھی کہا جاتا تھا کیونکہ ان کی دریافت کے پچاس ساٹھ سال بعد بھی ان کا کوئی کیمیائ عمل دریافت نہ ہو سکا تھا۔
قدرتی طور پر دستیاب درج ذیل 6 گیسیں اس گروے میں شامل ہیں۔ ساتویں گیس (gas) اوگانیسن مصنوعی طور پر نویاتی معمل میں بنائی جاتی ہے۔

1. ہیلیم (helium)
2. نیون (neon)
3. آرگون (argon)
4. کرپٹون (krypton)
5. زینون (xenon)
6. ریڈون۔ یہ تابکار گیس ہے جو ریڈیئم کے ٹوٹنے سے خارج ہوتی ہے۔ یہ انتہائی نایاب ہے۔

نوبل گیسیں
ہیلوجن ←    → القالی دھاتیں
IUPAC group number 18 Name by element ہیلیئم گروہ Trivial name نبیل گیسیں، ایروجن CAS group number (US, pattern A-B-A) VIIIA old IUPAC number (Europe, pattern A-B) گروہ صفر
↓ دور
1	ہیلیئم (He) 2
2	نیون (Ne) 10
3	آرگون (Ar) 18
4	کرپٹون (Kr) 36
5	زینون (Xe) 54
6	ریڈون (Rn) 86
لیجنڈ ابتدائی عنصر تابکار تنزل کے ذریعے عنصر جوہری عدد رنگ: سرخ=گیس

ہیلیم، نیون اور آرگون کے پائیدار مرکبات اب تک نہیں بنائے جا سکے ہیں۔ کرپٹون، زینون اور ریڈون کے کچھ مرکبات پائیدار ہوتے ہیں۔

نیون سائن کے قمقمہ (lamp) میں نیون یا دوسری کوئی نبیل گیس بھری ہوتی ہے۔

15000 واٹ کا زینون بلب (bulb) جو سنیما گھر کے پروجیکٹر میں استعمال ہوتا ہے۔ اس کے اندر زینون گیس کا دباؤ ہوا کے دباؤ سے 30 گنا زیادہ ہوتا ہے۔

تاریخ

1785ء میں ہنری کیونڈش نے بتایا تھا کہ ہوا میں لگ بھگ ایک فیصد ایک ایسی گیس ہوتی ہے جو نائٹروجن (nitrogen) سے بھی کم عاملیت رکھتی ہے۔ کوئی سو سال بعد 1894ء میں اسکاٹ لینڈ کے ایک کیمیا دان سر سر ولیم رمسے اور ایک انگریز طبیعیات دان لارڈ Rayleigh نے ملکر اس گیس کو ایک نیا عنصر ثابت کیا اور اس کا نام آرگون رکھا۔ 1898ء میں انھوں نے مائع ہوا کی کسری کشید (fractional distillation) سے کرپٹون، نیون اور زینون بھی الگ کر لی۔ ان دونوں سائنسدانوں کو 1904ء میں نوبل انعام ملا۔

نوبل گیسیں

نام	مطلب	علامت
ہیلیئم	sun سورج (helios)	He
نیون	new نیا (neos)	Ne
آرگون	lazy سست (argos)	Ar
کرپٹون	hidden مخفی (kryptos)	Kr
زینون	stranger اجنبی (ksenos)	Xe

جب ہماری زمین پانچ ارب سال پہلے وجود میں آئی تھی تو یہاں ہائیڈروجن (hydrogen) اور ہیلیم کی بڑی مقدار موجود تھی۔ مگر زمین کی کشش ثقل اتنی زیادہ نہیں ہے کہ ہائیڈروجن اور ہیلیم جیسے ہلکے جواہر (atoms) کو اپنی گرفت میں رکھ سکے۔ (دیکھیے اسکیپ ولاسٹی) اس لیے کرہ ہوائی کی ساری ہائیڈروجن اور ہیلیم کرہ ہوائی سے نکل کر کائینات کی فضا میں گم ہو گئیں۔
clevite نامی ایک کچ دھات کو جب گرم کیا جاتا ہے تواس میں سے ہیلیم خارج ہوتی ہے۔ قدرتی گیس میں بھی ہیلیم کی اچھی خاصی مقدار موجود ہوتی ہے۔ سورج کی روشنی کے طیف کا مشاہدہ کرکے 1868ء میں سورج پر ہیلیم کی موجودگی کی پیشنگوئی کر دی گئی تھی۔ زمین پر ہیلیم اس کے 27 سال بعد 1895ء میں دریافت ہوئی۔

خواص

خواص	ہیلیم	نیون	آرگون	کرپٹون	زینون	ریڈون
کثافت (g/dm3)	0.1786	0.9002	1.7818	3.708	5.851	9.97
نقطہ کھولاو (K)	4.4	27.3	87.4	121.5	166.6	211.5
نقطہ پگھلاو (K)	0.95 (at 25 bar)	24.7	83.6	115.8	161.7	202.2
حرارت تبخیر (kJ/mol)	0.08	1.74	6.52	9.05	12.65	18.1
پانی میں حل پذیری 20 °C (cm3/kg)	8.61	10.5	33.6	59.4	108.1	230
جوہری عدد	2	10	18	36	54	86
جوہری نصف قطر (حساب شدہ) (pm)	31	38	71	88	108	120
تائین توانائی (kJ/mol)	2372	2080	1520	1351	1170	1037
برقی منفیت	4.16	4.79	3.24	2.97	2.58	2.60

For more data, see Noble gas (data page).

مزید دیکھیے

• ٹرائیٹیئم
• لیتھیئم
• بائنڈنگ انرجی
• اسپیکٹرل لائن
• ایٹمی ماڈل کا ارتقا