طارق جمیل

طارق جمیل (معروف بہ مولانا طارق جمیل) ایک پاکستانی مبلغ اور عالمِ دین ہیں۔ اُن کا تعلق خانیوال، صوبہ پنجاب کے شہر تلمبہ سے ہے جو میاں چنوں کے قریب واقع ہے۔ وہ تبلیغی جماعت کے رکن ہیں اور فیصل آباد، پاکستان میں ایک مدرسہ چلاتے ہیں۔ اُن کی تبلیغی کوششوں کے باعث بہت سے گلوکار، اداکار اور کھلاڑی دینِ اسلام کی طرف راغب ہوئے۔

Tariq Jamil پرائڈ آف پرفارمینس
طارق جمیل‎
ذاتی
پیدائش	(1953-10-01) 1 اکتوبر 1953 مياں چنوں،خانیوال،پاکستان
مذہب	اسلام
فرقہ	اہل سنت
فقہی مسلک	حنفی
معتقدات	دیوبندی
تحریک	تبلیغی جماعت
پیشہ	مولانا، اسلامی عالم، شریعت،حدیث، اسلامی بنکاری،تفسیر قرآن (زمین دار)
یوٹیوب کی معلومات
چینل	[1]
سالہائے فعالیت	29 March 2017 – present
صنف	اسلامی
سبسکرائبر	6.73 million
کل مشاہدات	564.4 million
ہم کار	AJ Official
یوٹیوب اعزازات
آخری تجدید: 26 October 2022
مرتبہ
اعزازات	پرائڈ آف پرفارمینس
ویب سائٹ	tariqjamilofficial.com

ابتدائی حالات

طارق جمیل کا تعلق ایک زمیندار گھرانے سے ہے اور ان کی پیدائش ضلع خانیوال کے مياں چنوں علاقے میں ہوئی۔ اُنھوں نے ابتدائی تعلیم کے حصول کے بعد لاہور کی کنگ ایڈورڈ میڈیکل یونیورسٹی میں ایم بی بی ایس کے لیے داخلہ لیا۔ دورانِ تعلیم وہ تبلیغی جماعت سے متعارف ہوئے اور پھر اُس سے متاثر ہوکر مذہبی تعلیم کے حصول کے لیے جامعہ عربیہ رائے ونڈ میں داخلہ لیا۔

تبلیغی جماعت

طارق جمیل اپنے اندازِ بیان کے باعث مشہور ہیں۔ انھوں نے تبلیغی جماعت کے ساتھ 6 براعظموں کا سفر کیا ہے۔ اُن کے مقتدین کی جانب سے اُن کے بیانات انٹرنیٹ پر مختلف ویب سائٹوں پر پیش کیے جاتے ہیں۔

اثر

لوگ بڑی تعداد میں اُن کی باتیں سنتے ہیں، ان کے اخلاق سے متاثر ہوکر کئی معروف شخصیات دائرۂ اسلام میں داخل ہوئیں۔ وہ فرقہ واریت کے سخت مخالف ہیں۔

”	لوگوں میں اختلافات ہوتے ہیں اس کا ہر گز یہ مطلب نہیں کہ ایک دوسرے کو قتل کریں، اسلام ایسی باتوں کی اجازت نہیں دیتا	“
—مولانا طارق جمیل،

اعزازات

2021 میں ، صدر پاکستان کی طرف سے انھیں پرائیڈ آف پرفارمنس سے نوازاگیا۔ یہ سالانہ قومی ادبی ایوارڈ ہے۔ اصل میں اس اعزاز کا اعلان حکومت نے 2020 میں کیا تھا۔