دنگل (فلم)
دنگل (سانچہ:لغوی معنی)(انگریزی: Dangal) بھارتی اداکار عامر خان کی ایک فلم ہے۔ یہ فلم ہندی زبان میں ہے اور سال 2016ء میں ریلیز ہوئی تھی۔ اس کے ہدایتکار نتیش تیواری ہیں اور یہ ایک سوانحی فلم ہے۔ عامر خان کے اداکاری کے ساتھ عامر خان پروڈکشن کے تحت پروڈیوس بھی کیا ہے۔ عامر خان پروڈکشن کے علاوہ یو ٹی وی موشن پکچرز اور والٹ ڈزنی پکچرز انڈیا نے بھی اس کے پروڈکشن میں حصہ لیا ہے۔ یہ فلم کم و بیش پھوگٹ خاندان کے سربراہ اور بھارت کے مشہور پہلوان مہاویر سنگھ پھوگٹ کی زندگی پر مبنی ہے جنھوں نے اپنی دو بیٹیوں گیتا پھوگٹ اور ببیتا پھوگٹ کو ایسی تربیت دی کہ وہ بھارت کی جانب سے پہلی عالمی پیمانہ کی خاتون پہلوان بنیں۔[8] عامر خان نے مہاویر پھوگٹ کا کردار ادا کیا جبکہ فاطمہ ثنا شیخ اور سانیہ ملہوترا نے پھوگٹ بہنوں کے جوانی کا کردار ادا کیا ہے۔ ان دونوں بہنوں کے بچپن کا رول زائرہ وسیم اور سوہانی بھتناگر نے کیا ہے۔ ساکشی تنور نے مہاویر کی اہلیہ اور پھوگٹ بہنوں کی ماں کا کردار نبھایا ہے اور اپار شکتی کھورانا نے ان کے کزن کا کردار نبھایا ہے۔
| دنگل | |
|---|---|
 تھیٹر ریلیز پوسٹر | |
| ہدایت کار | نتیش تیواری |
| پروڈیوسر | عامر خان (اداکار) کرن راؤ Siddharth Roy Kapur |
| تحریر | نتیش تیواری پیوش گپتا Shreyas Jain نکھیل میہاروترا |
| ستارے | عامر خان (اداکار) ساکشی تنور فاطمہ ثنا شیخ زائرہ وسیم سانیا ملہوترا سوہانی بھتناگر اپار شکتی کھورانا گریش کلکرنی |
| راوی | اپار شکتی کھورانا |
| موسیقی | پریتم |
| سنیماگرافی | Setu (Satyajit Pande)[1] |
| ایڈیٹر | Ballu Saluja |
پروڈکشن کمپنی | |
| تقسیم کار | UTV Motion Pictures |
تاریخ نمائش |
|
دورانیہ | 161 minutes[2] |
| ملک | بھارت |
| زبان | ہندی زبان |
| بجٹ | ₹70 کروڑ[3] |
| باکس آفس | ₹2,060–2,100 crore[4][5][6] (امریکی ڈالر312–340 million)[7] |
2013ء میں نتیش تیواری نے فلم کو لکھنا شروع کیا۔ 2014ء میں عامر خان نے پھوگٹ بہنوں کو اپنے شو ستیا میو جیاتی میں مدعو کیا اور ان کا انٹرویو لیا۔ اس کے بعد نتیش تیواری نے اس فلم کو لے کر عامر خان سے رابطہ کیا اور انھیں اس فلم میں کلیدی کردار ادا کرنے کی درخواست کی۔ فلم کا سیٹ بھارت کی ریاست ہریانہ میں لگا۔ 2015ء میں پنجاب، بھارت میں ٍ فوٹوگرافی شروع ہوئی۔[9] ستیہ جیت پانڈے فلم کے سنیماٹوگرافر بنے اور بلو سلوجا اس کے ایڈیٹر منتخب کیے گئے۔ پریتم کو بیک گراونڈ موسیقی کی ذمہ داری دی گئی اور اس کے نغمے امیتابھ بھتاچاریہ نے لکھے۔ کریپا شنکر بشنوئی، خواتین پہلوانوں کے کوچ نے عامر خان اور دیگر کرداروں کو پہلوانی کی تربیت دی۔ واضح ہو کہ اس فلم کے لیے فلم کے اداکاروں نے کئی ماہ پہلوانی کی ٹریننگ لے کر باقاعدہ پہلوانی سیکھی ہے۔[10] شمالی امریکا میں دنگل کا پریمئر 21 دسمبر 2016ء کو لانچ ہوا تھا اور 23 دسمبر میں فلم میں دنیا بھر میں لانچ کردی گئی۔ دنیا بھر کے نقادوں کی طرف سے فلم کو مثبت تبصرے موصول ہوئے۔ فلم کو اصل زندگی اور متاثر کن کہانی اور عامر خان کی اداکاری کے لیے خوب سراہا گہا۔ اپریل 2017ء کو فلم کو بیجنگ انٹرنیشنل فلم فیسٹیول میں دکھایا گیا اور جون 2017ء کو دوسرے برکس فیسٹیول میں اس کی نمائش کی گئی۔[11] 62واں فلم فیئر اعزاز میں دنگل نے 4 اعزازات اپنے نام کیے: فلم فیئر اعزاز برائے بہترین ہدایت کار، فلم فیئر اعزاز برائے بہترین اداکار (عامر خان) اور بہترین ایکشن (شیام)۔[12]
تجارتی طور پر یہ فلم بہت کامیاب رہی اور سب سے زیادہ کمائی کرنے والی بھارتی فلموں کی فہرست میں ابھی تک اول نمبر پر ہے اور غیر انگریزی فلموں میں یہ پانچویں درجہ پر ہے۔[13][14][15] ₹70 کروڑ (امریکی $9.8 ملین)، [3] فلم کا کل بجٹ ₹70 کروڑ (امریکی $9.8 ملین) تھا مگر فلم نے دنیا بھر میں ₹2,125.3 crore[16] کی کمائی کی جس میں $216.2 کی کمائی چین میں کی۔[17] اور اس کے ساتھ چین میں 20 سب سے زیادہ کمائی کرنے والی فلموں کی فہرست میں شامل ہو گئی۔[18] اور غیر انگریزی غیر چینی فلموں میں دنگل سب سے زیادہ کاروبار کرنے والی فلم ثابت ہوئی۔[19] چین کے سنیما گھروں اور دیگر آلات پر یہ فلم تقریباً 400 ملین سے زیادہ مرتبہ دیکھی گئی۔[20][21][22]
اداکار
ترمیم- عامر خان بطور مہاویر پھوگاٹ
- ساکشی تنور بطور دیا شوبھا کور، مہاویر کی اہلیہ
- فاطمہ ثنا شیخ بطور گیتا پھوگاٹ
- زائرہ وسیم بطور نو عمر گیتا
- سانیہ ملہوترا بطور ببیتا کماری
- سہانی بھتناگر بطور نو عمر ببیتا
- اپار شکتی کھرانا بطور اومکار
- ریکویک بطور نو عمر اومکار
- گریش کلکرنی بطور پرمود کدم، نیشنل اسپورٹس اکیڈمی کا کوچ
- ویوان بھاٹینا بطور ہرکیندر، مہاویر کا ساتھی
- کوستبھ پائل مذکر لڑاکو نمبر 2
- شیشیر شرما نیشنل اسپورٹس اکیڈمی کا صدر شعبہ
- مینو پرجاپتی بطور جسپریت، گیتا کی دوست۔
- بدرالاسلام بطور شمیم۔ گوشت کی دکان کا مالک [23]
- کام ویر چودھری بطور مہاویر کے والد۔
حوالہ جات
ترمیم- ↑ لوا خطا ماڈیول:Citation/CS1 میں 4492 سطر پر: attempt to index field 'url_skip' (a nil value)۔
- ↑ "Dangal (2016)"۔ British Board of Film Classification۔ bbfc.co.uk۔ اخذ شدہ بتاریخ 21 مئی 2017
- ^ ا ب "Dangal: 5 reasons Aamir's film is ruling the box office despite demonetisation woes"۔ India Today۔ 26 دسمبر 2016۔ اخذ شدہ بتاریخ 21 مئی 2017
- ↑ Nirmal Narayanan (15 فروری 2018)۔ "Rajinikanth's 2.0 set to rock 10000 screens in Japan, Singapore, Malaysia, UAE, US and more"۔ International Business Times
- ↑ "Aamir Khan's Secret Superstar earns seven times more money in China in 1 week than what it did in India"۔ ہندوستان ٹائمز۔ 26 جنوری 2018
- ↑ "'Baahubali 2' to open on more than 7,000 screens in China"۔ دی اسٹیٹسمین (بھارت)۔ 3 مئی 2018۔ 29 جون 2018 میں اصل سے آرکائیو شدہ۔ اخذ شدہ بتاریخ 02 اگست 2019
- ↑ "All time box office revenue of the highest grossing Bollywood movies worldwide"۔ Statista۔ دسمبر 2017
- ↑ "Baahubali 2 vs Dangal box office collection: Aamir's film trailing Rajamouli's by a few crores"۔ انڈیا ٹوڈے۔ 24 مئی 2017۔ اخذ شدہ بتاریخ 24 مئی 2017
- ↑ Priyanka Bhadani (25 دسمبر 2016)۔ "Dangal wasn't an easy screenplay"۔ The Week۔ اخذ شدہ بتاریخ 22 مئی 2017
- ↑ "Meet the real-life wrestlers who got Salman and Aamir fit for the pit"۔ اخذ شدہ بتاریخ 15 جولائی 2016
- ↑ Atul Aneja (25 جون 2017)۔ "China's 'Dangal' mega-success echoes at second BRICS film festival" – www.thehindu.com سے
- ↑ "62nd Filmfare Awards 2017: Winners' list"۔ The Times of India۔ 15 جنوری 2017۔ اخذ شدہ بتاریخ 15 جنوری 2017
- ↑
- ↑
- ↑ Rob Cain (19 جون 2017)۔ "How An Indian Drama Became The World's Highest-Grossing Sports Movie Of 2017"۔ فوربس (جریدہ)
- ↑ "Dangal box office: Aamir Khan film is fourth biggest worldwide hit for Disney, to enter Rs 2000-cr club this weekend"۔ indianexpress.com۔ 27 جون 2017
- ↑
- ↑ 内地总票房排名 [Mainland total box office ranking] (بزبان چینی)۔ اخذ شدہ بتاریخ 21 مئی 2017
- ↑
- ↑
- ↑
- ↑
- ↑ "Dangal's BEST actor? VOTE!"۔ Rediff.com۔ 30 دسمبر 2016۔ اخذ شدہ بتاریخ 24 مئی 2017