سیف الدین قلاوون

سیف الدین قلاوون جنہیں المنصور، الالفی، الصالحی کے لقبوں سے بھی پکارا جاتا رہا ہے، بحری مملوکوں کا ایک ممتاز حکمران تھا جو رکن الدین بیبرس کے انتقال کے دو سال بعد تخت نشین ہوا۔ وہ بھی بیبرس کی طرح ملک صالح ایوبی کا غلام تھا۔ اس کا تعلق دشت قپچاق سے تھا۔

سیف الدین قلاوون
(عربی میں: المنصور سيف الدين قلاوون)
معلومات شخصیت
تاریخ پیدائش	سنہ 1222
وفات	10 نومبر 1290 (67–68 سال)  قاہرہ
شہریت	سلطنت مملوک
اولاد	ناصر محمد بن قلاوون
خاندان	بحری مملوک
مناصب
سلطان مصر
برسر عہدہ نومبر 1279  – 10 نومبر 1290
بدرالدین سلامش
دیگر معلومات
پیشہ	شاہی حکمران،  حاکم،  عسکری قائد
عسکری خدمات
لڑائیاں اور جنگیں	ساتویں صلیبی جنگ،  فتح طرابلس 1289ء

قلاوون کے عہد میں ایل خانی حکمرانوں اباقا خان اور ارغون نے یورپ کے مسیحیوں کو مصر کے خلاف ایک نئی صلیبی جنگ شروع کرنے اور بیت المقدس کو فتح کرنے کی ترغیب دی۔ اباقا خان نے مسیحیوں کے تعاون سے شام پر حملہ بھی کیا لیکن قلاوون نے حمص کے پاس 1280ء میں اباقا خان کو شکست دے کر اس منصوبے کو ناکام بنادیا۔

بیبرس کی طرح قلاوون نے بھی سرزمین شام پر مسیحی نو آبادیوں کے خلاف مہم جاری رکھی اور اذقیہ اور طرابلس کو یورپی فوجوں سے چھین لیا۔ قلاوون کے بعد اس کے بیٹے الملك الأشرف صلاح الدين خليل بن قلاوون‎ نے عکہ، صور، صیدا، حیفا اور دیگر شہروں کو بھی فتح کر لیا اور اس طرح ساحل شام سے یورپی مسیحیوں کا اقتدار ہمیشہ کے لیے ختم کر دیا۔