لیلی پہلوی

لیلی پہلوی ( فارسی: لیلا پهلوی‎، 27 مارچ 1970ء - 10 جون 2001ء) ایران کی شہزادی اور محمد رضا پہلوی، ایران کے شاہ اور ان کی تیسری بیوی، فرح پہلوی کی سب سے چھوٹی بیٹی تھیں۔

لیلی پہلوی
معلومات شخصیت
پیدائش	27 مارچ 1970ء   تہران
وفات	10 جون 2001ء (31 سال)  لندن
وجہ وفات	زہر
مدفن	پاسی قبرستان
طرز وفات	خود کشی
شہریت	ایران
استعمال ہاتھ	دایاں
عارضہ	سی ایف ایس اداسی انوریکسیا
والد	محمد رضا شاہ پہلوی
والدہ	فرح دیبا پہلوی
بہن/بھائی	فرح ناز پہلوی ،  رضا پہلوی ،  علی رضا پہلوی ،  شہناز پہلوی
خاندان	شاہی ایرانی ریاست
دیگر معلومات
مادر علمی	براؤن یونیورسٹی
پیشہ	مترجم ،  ماڈل
پیشہ ورانہ زبان	فارسی ،  انگریزی
	IMDB پر صفحہ

ابتدائی زندگی

لیلیٰ پہلوی 27 مارچ 1970ء کو تہران، ایران میں پیدا ہوئیں۔ وہ شاہ محمد رضا پہلوی اور مہارانی فرح پہلوی کی چوتھی اور سب سے چھوٹی اولاد تھیں۔ ان کی ایک سوتیلی بہن بھی تھی۔

جلاوطنی میں

لیلیٰ پہلوی نو سال کی تھیں جب ان کا خاندان 1979ء میں ایرانی انقلاب کے نتیجے میں جلاوطنی پر مجبور ہوا۔ 1980ء میں نان ہڈکنز لیمفوما سے مصر میں ان کے والد کی موت کے بعد، یہ خاندان امریکا میں آباد ہو گیا۔ اس نے نیویارک شہر میں اقوام متحدہ کے بین الاقوامی اسکول میں تعلیم حاصل کی اور 1988ء میں رائی کنٹری ڈے اسکول سے گریجویشن کی وہ فارسی، انگریزی اور فرانسیسی روانی کے ساتھ ساتھ کچھ ہسپانوی اور اطالوی بھی بولتی تھیں۔ انھوں نے اپنا زیادہ وقت گرین وچ، کنیکٹی کٹ اور پیرس میں اپنے گھر کے درمیان میں سفر کرتے ہوئے گزارا، جہاں اس کی ماں رہ رہی تھی۔

پہلوی نے براؤن یونیورسٹی میں ادب اور فلسفے میں تعلیم حاصل کی، کہا جاتا ہے کہ وہ 1992 ءمیں گریجویشن کر چکی تھیں ۔ تاہم کچھ ذرائع کا کہنا ہے کہ انھوں نے اپنی گرتی ہوئی صحت کی وجہ سے گریجویشن سے پہلے ہی یونیورسٹی چھوڑ دی تھی۔ وہ ڈیزائنر ویلنٹینو کے لیے ایک وقتی ماڈل تھیں اور کشودا نرووسا، دائمی کم خود اعتمادی، شدید ذہنی دباؤ اور دائمی تھکاوٹ کے سنڈروم کا شکار تھیں۔

موت

لیلیٰ پہلوی کی قبر پاسی قبرستان، پیرس، فرانس میں

اتوار 10 جون 2001ء کو لیلی لندن میں اپنے کمرے میں مردہ پائی گئی۔

17 جون 2001ء کو، اسے اپنی نانی فریدہ دیبا (نی گھوتبی) کے پاس قبرستان ڈی پاسی، پیرس، فرانس میں دفن کیا گیا۔ جنازے میں ان کی والدہ، مہارانی فرح؛ نیز سابق فرانسیسی شاہی خاندان کے ارکان؛ اور فریڈرک مٹررینڈ، آنجہانی فرانسیسی صدر فرانکوئس مٹررینڈ کے بھتیجے نے شرکت کی

4 جنوری 2011ء کو، ان کا بھائی علی رضا پہلوی ، بوسٹن، میساچوسٹس میں اپنے گھر میں ایک بظاہر خودکشی کی وجہ سے مردہ پایا گیا۔