نوبل گیسیں

نوبل گیسیں یا نبیل گیسیں (Noble gases) سے مراد وہ گیسیں (gases) ہیں جو دوری جدول (Periodic table) کا آخری گروے یعنی اٹھارواں گروے بناتی ہیں۔ جس طرح نوبل دھاتیں کیمیائی اعتبار سے بہت کم عمل پزیر ہوتی ہیں اسی طرح نوبل گیسیں بھی انتہائی کم عاملیت کی حامل ہوتی ہیں۔ یہ گیسیں انیسویں صدی کے بالکل اختتام پر دریافت ہوئیں اور 1902 میں دوری جدول میں "گروہ صفر" کے تحت شامل کی گئیں کیونکہ ان کی ویلنسی صفر تھی۔ انہیں غیر عامل گیسیں (inert gases) بھی کہا جاتا تھا کیونکہ ان کی دریافت کے پچاس ساٹھ سال بعد بھی ان کا کوئیِ کیمیائِ عمل دریافت نہ ہو سکا تھا۔
قدرتی طور پر دستیاب درج ذیل 6 گیسیں اس گروے میں شامل ہیں۔ ساتویں گیس (gas) اوگانیسن مصنوعی طور پر نویاتی معمل میں بنائی جاتی ہے۔

1. ہیلیم (helium)
2. نیون (neon)
3. آرگون (argon)
4. کرپٹون (krypton)
5. ازینون (xenon)
6. ریڈون۔ یہ تابکار گیس ہے جو ریڈیئم کے ٹوٹنے سے خارج ہوتی ہے۔ یہ انتہائی نایاب ہے۔

نبیل فارغین
ہیلوجن ←    → القالی دھاتیں
IUPAC group number 18 Name by element شمصر گروہ یا نوین گروہ Trivial name نبیل گیسیں، ایروجن CAS group number (US, pattern A-B-A) VIIIA old IUPAC number (Europe, pattern A-B) گروہ 0
↓ دور
1	شمصر (He) 2
2	نوین (Ne) 10
3	لاعملین (Ar) 18
4	مخفین (Kr) 36
5	اجنبین (Xe) 54
6	ریڈون (Rn) 86
لیجنڈ ابدتائی عنصر تابکار تنزل کے ذریعے عنصر جوہری عدد رنگ: سرخ=فارغہ

ہیلیم، نیون، اور آرگون کے پائیدار مرکبات اب تک نہیں بنائے جا سکے ہیں۔ کرپٹون، ازینون، اور ریڈون کے کچھ مرکبات پائیدار ہوتے ہیں۔

نیون نشان کے قمقمہ (lamp) میں نیون یا دوسری کوئی نبیل گیس بھری ہوتی ہے۔

15000 واٹ کا ازینون بصلہ (bulb) جو سنیما گھر کے پروجیکٹر میں استعمال ہوتا ہے۔ اس کے اندر ازینون گیس کا دباؤہوا کے دباؤ سے 30 گنا زیادہ ہوتا ہے۔

تاریخ

1785 میں ہنری کیونڈش نے بتایا تھا کہ ہوا میں لگ بھگ ایک فیصد ایک ایسی گیس ہوتی ہے جو نطرساز (nitrogen) سے بھی کم عاملیت رکھتی ہے۔ کوئی سو سال بعد 1894 میں اسکاٹ لینڈ کے ایک کیمیا دان سر سر ولیم رمسے اور ایک انگریز طبعیات دان لارڈ Rayleigh نے ملکر اس فارغے کو ایک نیا عنصر ثابت کیا اور اس کا نام آرگون رکھا۔1898 میں انہوں نے مائع ہوا کی کسری کشید (fractional distillation) سے آرگون، نیون، اور ازینون بھی الگ کر لی۔ ان دونوں سائنسدانوں کو 1904 میں نوبل انعام ملا۔
جب ہماری زمین پانچ ارب سال پہلے وجود میں آئی تھی تو یہاں آبساز (hydrogen) اور ہیلیم کی بڑی مقدار موجود تھی۔ مگر زمین کی کشش ثقل اتنی زیادہ نہیں ہے کہ آبساز اور ہیلیم جیسے ہلکے جواہر (atoms) کو اپنی گرفت میں رکھ سکے۔ (دیکھیے اسکیپ ولاسٹی) اس لیے کرہ ہوائی کی ساری آبساز اور ہیلیم کرہ ہوائی سے نکل کر کائینات کی فضا میں گم ہو گئیں۔
clevite نامی ایک کچ دھات کو جب گرم کیا جاتا ہے تواس میں سے ہیلیم خارج ہوتی ہے۔ قدرتی فارغے میں بھی ہیلیم کی اچھی خاصی مقدار موجود ہوتی ہے۔ سورج کی روشنی کے طیف کا مشاہدہ کرکے 1868ء میں سورج پر ہیلیم کی موجودگی کی پیشنگوئی کر دی گئی تھی۔ زمین پر ہیلیم اس کے 27 سال بعد 1895 میں دریافت ہوئی۔

خواص

Property	ہیلیم	نیون	آرگون	کرپٹون	ازینون	ریڈون
کثافت (g/dm3)	0.1786	0.9002	1.7818	3.708	5.851	9.97
نقطہ کھولاو (K)	4.4	27.3	87.4	121.5	166.6	211.5
نقطہ پگھلاو (K)	0.95 (at 25 bar)	24.7	83.6	115.8	161.7	202.2
حرارت تبخیر (kJ/mol)	0.08	1.74	6.52	9.05	12.65	18.1
پانی میں حل پذیری 20 °C (cm3/kg)	8.61	10.5	33.6	59.4	108.1	230
جوہری عدد	2	10	18	36	54	86
جوہری نصف قطر (حساب شدہ) (pm)	31	38	71	88	108	120
تائین توانائی (kJ/mol)	2372	2080	1520	1351	1170	1037
برقی منفیت	4.16	4.79	3.24	2.97	2.58	2.60

For more data, see Noble gas (data page).

مزید دیکھیے

• سومصر (tritium)
• سنگصر (lithium)
• بائنڈنگ انرجی
• طیفی لائنیں
• جوہری ماڈل کا ارتقا