چودھری محمد علی

چودھری محمد علی پاکستانی سیاست دان تھے جو 1955ء سے 1956ء تک پاکستان کے وزیر اعظم رہے۔ آپ جالندھر کے آرائیں خاندان میں پیدا ہوئے اور پنجاب یونیورسٹی سے تعلیم حاصل کی۔ برطانوی حکومت کے دوران میں آپ کا شمار اعلیٰ مسلمان سول سرونٹس میں ہوتا تھا۔ پاکستان کے قیام کے بعد آپ کو نئی مملکت کا جنرل سیکریٹری اور بعد میں وزیر خزانہ بنایا گیا۔ 1955ء میں اس وقت کے گورنر جنرل اسکندر مرزا نے آپ کو محمد علی بوگرہ کی جگہ پاکستان کا وزیر اعظم نامزد کیا۔ آپ کی سب سے بڑی کامیابی پاکستان کے لیے پہلا آئین بنانا تھے جو 1956ء میں نافذ ہوا۔

چودھری محمد علی
(اردو میں: چوہدری محمد علی)
وزیر اعظم پاکستان
مدت منصب 12 اگست 1955 – 12 ستمبر 1956
حکمران	ایلزبتھ دوم (قبل از 1956)
صدر	اسکندر مرزا (از 1956)
محمد علی بوگرہ حسین شہید سہروردی
وزیر دفاع پاکستان
مدت منصب 12 اگست 1955 – 12 ستمبر 1956
ایوب خان حسین شہید سہروردی
وزیر خزانہ پاکستان
مدت منصب 24 اکتوبر 1951 – 11 اگست 1955
وزیر اعظم	خواجہ ناظم الدین محمد علی بوگرہ
ملک غلام محمد امجد علی
معلومات شخصیت
پیدائش	15 جولا‎ئی 1905ء   جالندھر
وفات	2 دسمبر 1982ء (77 سال)  ڈیفنس ہاؤسنگ اتھارٹی، کراچی
شہریت	برطانوی ہند پاکستان
جماعت	مسلم لیگ آل انڈیا مسلم لیگ
عملی زندگی
مادر علمی	جامعہ پنجاب (–1925) اسلامیہ کالج لاہور
پیشہ	سیاست دان ،  اکیڈمک ،  ماہر معاشیات ،  سرمایہ کار
مادری زبان	اردو
پیشہ ورانہ زبان	اردو

انھوں نے تحریک پاکستان کے موضوع پر Emergence of Pakistan کے نام سے ایک کتاب بھی تحریر کی تھی جس کا ترجمہ ’’ظہور پاکستان‘‘ کے نام سے اشاعت پزیر ہو چکا ہے۔ یکم دسمبر 1980ء کو چوہدری محمد علی نے کراچی میں وفات پائی۔

اقتباس

قدرت اللہ شہاب اپنی کتاب شہاب نامہ میں لکھتے ہیں: گورنر جنرل اسکندر مرزا نے چودھری محمد علی کو محمد علی بوگرہ کی جگہ پاکستان کا وزیر اعظم نامزد کیا۔ بہ حیثیت وزیر اعظم چوہدری محمد علی کا سب سے بڑا کارنامہ 1956ء کے آئین کے نفاذ کا تھا۔ چوہدری محمد علی وزیر اعظم کے عہدہ سے 13 ماہ بعد مستعفی ہو گئے۔ ہمارے ملک کی تاریخ میں یہ واحد مثال ہے جس میں کسی وزیر اعظم نے اپنے آپ کسی دباؤ کے بغیر اپنے عہدہ سے استعفی دیا ہے۔
وزارت عظمی سے سبکدوشی کے بعد انھوں نے نہایت صبر اور خاموشی سے زندگی گزاری۔ ایک بار انھیں علاج کے لیے بیرون ملک جانا ضروری ہو گیا۔ لیکن وسائل کی کمی ان کے راستے میں حائل تھی۔ جب صدر اسکندر مرزا کو اس صورت حال کا علم ہوا تو انھوں نے خود ان کے ہاں جا کر کوشش کی کہ ان کے اخراجات کے لیے وہ حکومت کی مالی امداد قبول کر لیں۔ لیکن چوہدری صاحب نہ مانے۔ ان کا موقف یہ تھا کہ انھوں نے حکومت کے لیے جو خدمات سر انجام دی ہے، اس کا انھیں پورا معاوضہ ملتا رہا ہے۔ اب وہ خواہ مخواہ پاکستان کے خزانے پر مزید بوجھ نہیں بننا چاہتے، لیکن صدر اسکندر مرزا کے مسلسل اصرار پر انھوں نے بیس ہزار روپے قرضہ حسنہ کے طور پر قبول کر لیے۔ بعد ازاں یہ رقم انھوں نے چند قسطوں میں واپس ادا بھی کر دی۔

سیاسی عہدے
ماقبل  غلام محمد	وزیر خزانہ پاکستان 1951ء – 1955ء	مابعد  سید امجد علی
ماقبل  محمد علی بوگرہ	وزیراعظم پاکستان 1955ء & ndash; 1956ء	مابعد  حسین شہید سہروردی
ماقبل  ایوب خان	وزیر دفاع پاکستان 1955ء – 1956ء	مابعد  حسین شہید سہروردی

مزید دیکھیے

• • فہرست وزرائے اعظم پاکستان

بیرونی روابط

• پاکستان کرانیکل