ابو اللیث صدیقی
پروفیسر ڈاکٹر ابواللیث صدیقی (پیدائش: 15 جون، 1916ء - وفات: 7 ستمبر، 1994ء) پاکستان سے تعلق رکھنے والے ماہرِ لسانیات، محقق، ماہرِ تعلیم، نقاد، جامعہ کراچی کے شعبہ اردو کے سربراہ اور کولمبیا یونیورسٹی کے وزٹنگ پروفیسر تھے۔
| ابو اللیث صدیقی | |
|---|---|
| معلومات شخصیت | |
| پیدائش | 15 جون 1916ء آگرہ ، برطانوی ہند |
| وفات | 7 ستمبر 1994ء (78 سال) کراچی ، پاکستان |
| مدفن | جامعہ کراچی |
| شہریت |  پاکستان |
| عملی زندگی | |
| مادر علمی | علی گڑھ مسلم یونیورسٹی اسکول آف اورینٹل اینڈ افریقن اسٹڈیز، یونیورسٹی آف لندن جامعہ کولمبیا |
| ڈاکٹری مشیر | رشید احمد صدیقی |
| ڈاکٹری طلبہ | ابوالخیر کشفی ، فرمان فتح پوری ، معین الدین عقیل |
| پیشہ | ماہرِ لسانیات ، صحافی ، ادبی نقاد ، پروفیسر |
| پیشہ ورانہ زبان | اردو |
| شعبۂ عمل | لسانيات ، اردو ادب ، ادبی تنقید ، صرف و نحو |
| ملازمت | اورینٹل کالج لاہور ، جامعہ کراچی ، اردو لغت بورڈ ، علی گڑھ مسلم یونیورسٹی ، جامعہ کولمبیا |
 باب ادب
| |
درستی - ترمیم  | |
حالات زندگی
ترمیمابواللیث صدیقی 15 جون، 1916ء کو آگرہ ،برطانوی ہندوستان میں پیدا ہوئے۔[1]۔ انھوں نے آگرہ ، بدایوں اور علی گڑھ سے تعلیم حاصل کی۔ وہ علی گڑھ مسلم یونیورسٹی سے اردو ادب میں پی ایچ ڈی کرنے والے پہلے اسکالر تھے۔ انھوں نے 1943ء میں دبستان لکھنؤ پر مقالہ لکھ کر ڈاکٹریٹ کی ڈگری حاصل کی، ابواللیث صدیقی ابتدا میں علی گڑھ مسلم یونیورسٹی سے وابستہ رہے[2]۔ 1948ء میں لندن اسکول آف ایشین اینڈ افریقن اسٹڈیز چلے گئے اور شمالی ہندوستان میں ہند-آریا زبانوں پر تحقیق کی[1]۔ تقسیم ہند کے بعد پاکستان چلے آئے۔ پہلے لاہور اور پھر کراچی میں سکونت اختیار کی۔[2]
ملازمت
ترمیمابو اللیث صدیقی اورینٹل کالج لاہور اور جامعہ کراچی کے شعبہ اردو سے وابستہ ہوئے اور اردو شعبہ کے سربراہ رہے۔ اسی دوران انھوں نے کچھ عرصے اردو لغت بورڈ کراچی کے مدیر اعلیٰ کی خدمات بھی سر انجام دیں [2]۔ اس کے علاوہ کولمبیا یونیورسٹی کے وزٹنگ پروفیسر بھی رہے۔[1]
تصانیف
ترمیم- لکھنؤ کا دبستان شاعری
- کلیات مصحفی
- غزل اور متغزلین(1968)
- آج کا اردو ادب(1975)
- تاریخ زبان ادبیات اردو
- تاریخ اصول تنقید
- جدید اردو ادبیات
- جامع القوائد (حصہ صرف)1971
- رفت و بود (خودنوشت)
- اردو میں سائنسی ادب کا اشاریہ (1981)
- تجربے اور روایت(اکتوبر 1959ء)
- مصحفی اور ان کا کلام
- جرات اس کا عہد اور شاعری,
- نظیر اکبر آبادی اس کا عہد اور شاعری,
- تاریخ زبان و ادب اردو,
- بیسویں صدی کا اردو ادب.
وفات
ترمیمڈاکٹر ابواللیث صدیقی 7 ستمبر، 1994ء کو کراچی، پاکستان میں وفات پاگئے اور جامعہ کراچی کے قبرستان میں سپردِ خاک ہوئے۔[1][2]
حوالہ جات
ترمیم- ^ ا ب پ ت اردو ماہر ین لسانیات اور ابو اللیث صدیقی ، ڈان نیوز، 7 ستمبر 2009ء
- ^ ا ب پ ت پاکستان کرونیکل، عقیل عباس جعفری، ورثہ / فضلی سنز، کراچی، 2010ء، ص 748