الٰہی بخش سومرو
الٰہی بخش سومرو (15 مئی 1926ء - 25 جنوری 2024ء)، شکارپور، سندھ سے تعلق رکھنے والے پاکستانی سیاست دان اور قانون ساز تھے۔[2] وہ پاکستان کی قومی اسمبلی کے 16ویں سپیکر تھے۔ ان کا تعلق سندھ کے ایک بااثر سیاسی خاندان سے تھا۔ وہ مولا بخش سومرو کے فرزند اور احمد میاں سومرو کے بھائی تھے اور پیشے کے اعتبار سے انجینئر تھے۔[3]
| الٰہی بخش سومرو | |
|---|---|
| معلومات شخصیت | |
| پیدائش | 15 مئی 1926ء ضلع جیکب آباد |
| وفات | 9 اکتوبر 2024ء (98 سال) کراچی |
| شہریت |  پاکستان  برطانوی ہند |
| جماعت | مسلم لیگ |
| مناصب | |
 مکلم ایوان زیریں پاکستان [1]
|
|
| برسر عہدہ 16 فروری 1997 – 20 اگست 2001 |
|
| عملی زندگی | |
| مادر علمی | فورمن کرسچین کالج این ای ڈی یونیورسٹی آف انجینئرنگ اینڈ ٹیکنالوجی |
| پیشہ | سیاست دان |
| مادری زبان | اردو |
| پیشہ ورانہ زبان | اردو |
درستی - ترمیم  | |
سیاسی کیریئر
ترمیموہ کئی وفاقی وزارتوں پر فائز رہے ہیں، جن میں وزارت صنعت و پیداوار، وزارت ہاؤسنگ اینڈ ورکس، وزارت دفاعی پیداوار، وزارت آئی ٹی، وزارت سائنس و ٹیکنالوجی، وزارت اطلاعات و نشریات، وزارت پانی و بجلی شامل ہیں۔ وہ ان چند سیاست دانوں میں سے ایک ہیں جو اسلامی جمہوریہ پاکستان کے صدور اور وزرائے اعظم کے بہت قریب رہے ہیں۔ وہ ذوالفقار علی بھٹو کے قریبی اور بچپن کے دوست رہے ہیں، وزیر اعظم کے عہدے کے لیے ضیاء الحق کے پسندیدہ، غلام مصطفی جتوئی کی کابینہ میں پہلے وزیر مقرر کیے گئے تھے، بے نظیر بھٹو انھیں "انکل" کہا کرتی تھیں۔ نواز شریف اور غلام اسحاق خان کے انتہائی قریبی ساتھی رہے۔ وہ 1980ء کی دہائی میں بھی متعدد بار وزارت عظمیٰ کے لیے مضبوط امیدوار تھے۔ جنرل ضیا الحق کے دور میں حکومت میں پہلی مرتبہ وفاقی وزیر بنے۔ 1985ء میں بلا مقابلہ قومی اسمبلی کے رکن منتخب ہوئے۔ 29 مئی 1988ء کو جنرل ضیا الحق نے جب محمد خان جونیجو کی وزارت کو برطرف کیا اور نگران کابینہ تشکیل دی تو اس میں بھی وزیراطلاعات و نشریات مقرر ہوئے۔ 1990 ء اور پھر 1997ء کے تمام انتخابات میں مسلم لیگ کے ٹکٹ پر قومی اسمبلی کے رکن منتخب ہوئے۔ پرویز مشرف کے دور میں پاکستان مسلم لیگ ق میں شامل ہونے اور مشرف کی چھتری تلے ہونے والے انتخابات میں بھی کامیاب ہوئے اور قومی اسمبلی کے اسپیکر بنے۔ مگر 2007ء میں ہونے والے الیکشن میں اپنی نشست پر کامیابی حاصل کرنے میں ناکام رہے۔[4][5][6]
سرکاری ملازمت
ترمیمسومرو کراچی ڈیولپمنٹ اتھارٹی کے ڈائریکٹر جنرل، سائٹ کے منیجنگ ڈائریکٹر، غلام اسحاق خان انسٹی ٹیوٹ آف انجینئرنگ سائنسز اینڈ ٹیکنالوجی کے ریکٹر، این ای ڈی یونیورسٹی آف انجینئرنگ اینڈ ٹیکنالوجی اور جناح میڈیکل اینڈ ڈینٹل کالج رہے اور سب سے بڑھ کر انھوں نے چار مرتبہ بننے کا ریکارڈ بنایا۔ پاکستان انجینئرنگ کونسل کے کئی بار چیئرمین، ہر ایک تین سالہ مدت کے لیے۔ وہ انسٹی ٹیوٹ آف بزنس مینجمنٹ کراچی کے چانسلر تھے۔
وزیر اعظم کے لیے نامزدگی
ترمیم2002ء کے انتخابات سے قبل فوج کے اعلیٰ حکام نے وزارت عظمیٰ کے لیے ان کے نام کا اعلان کیا تھا۔ لیکن سومرو 2002ء کا الیکشن ہار گئے اور دعویٰ کیا کہ الیکشن منصفانہ نہیں تھے۔[7]
ذاتی زندگی اور موت
ترمیمالٰہی بخش سومرو 15 مئی 1926ء کو پیدا ہوئے۔[8] ان کا انتقال 97 سال کی عمر میں 25 جنوری 2024ء کو دل کا دورہ پڑنے سے ہوا۔ ان کی تدفین جیکب آباد میں کی جائے گی۔[9]
مزید دیکھیے
ترمیمحوالہ جات
ترمیم- ↑ بنام: Elahi Bux Soomro — اخذ شدہ بتاریخ: 27 اپریل 2022
- ↑ Outlook۔ Hathway Investments Pvt Ltd۔ 1997۔ ص 32
- ↑ "روزنامہ دنیا :- پاکستان:-سابق سپیکر قومی اسمبلی الٰہی بخش سومرو انتقال کرگئے". Roznama Dunya: روزنامہ دنیا :- (انگریزی میں). Retrieved 2024-01-26.
- ↑ Majid (25 جنوری 2024)۔ "سینئرسیاست دان الٰہی بخش سومرو انتقال کرگئے"۔ Ummat News۔ اخذ شدہ بتاریخ 2024-01-26
- ↑ "Tareekh e Pakistan - Illahi Bukhsh Soomro (قومی اسمبلی کے سپیکر۔ الٰہی بخش سومرو) | Online History Of Pakistan"۔ www.tareekhepakistan.com۔ 2024-01-25 کو اصل سے آرکائیو کیا گیا۔ اخذ شدہ بتاریخ 2024-01-26
- ↑ "سینئر سیاست دان الہٰی بخش سومرو انتقال کر گئے"۔ PNN TV۔ 25 جنوری 2024۔ اخذ شدہ بتاریخ 2024-01-26
- ↑ "Senior politician Illahi Bux Soomro passes away". The Nation (امریکی انگریزی میں). 25 جنوری 2024. Retrieved 2024-01-26.
- ↑ "Illahi Bukhsh Soomro"۔ Tareekh e Pakistan۔ 2024-01-25 کو اصل سے آرکائیو کیا گیا۔ اخذ شدہ بتاریخ 2024-01-25
- ↑ "Senior politician Elahi Bakhsh Soomro passes away"۔ Pakistan Oberserver۔ 25 جنوری 2024۔ اخذ شدہ بتاریخ 2024-01-25