حکیم محمد سعید

حکیم محمد سعید (9 جنوری 1920ء تا 17 اکتوبر 1998ء) ایک مایہ ناز حکیم تھے جنھوں نے اسلامی دنیا اور پاکستان کے لیے اہم خدمات انجام دیں۔ انھوں نے مذہب اور طب و حکمت پر 200 سے زائد کتب تصنیف و تالیف کیں۔ ہمدرد پاکستان اور ہمدرد یونیورسٹی ان کے قائم کردہ اہم ادارے ہیں۔

حکیم محمد سعید
معلومات شخصیت
پیدائش	20 جنوری 1920ء   دہلی
وفات	17 اکتوبر 1998ء (78 سال)  کراچی
طرز وفات	قتل
شہریت	پاکستان برطانوی ہند
جماعت	آزاد سیاست دان
اولاد	سعدیہ راشد
مناصب
ناظم ہمدرد لیباٹریز
برسر عہدہ 14 اگست 1948  – 17 اکتوبر 1998
صدر ہمدرد فاؤنڈیشن
برسر عہدہ 23 اکتوبر 1969  – 17 اکتوبر 1998
سعدیہ راشد
گورنر سندھ
برسر عہدہ 19 جولا‎ئی 1993  – 23 جنوری 1994
محمود ہارون   محمود ہارون
عملی زندگی
مادر علمی	دہلی یونیورسٹی جامعہ انقرہ
پیشہ	معالج بالمثل ،  مصنف ،  سیاست دان ،  استاد جامعہ
مادری زبان	اردو
پیشہ ورانہ زبان	اردو
ملازمت	ہمدرد فاؤنڈیشن ،  جامعہ سندھ ،  جامعۂ ہمدرد
کارہائے نمایاں	جامعۂ ہمدرد ،  بیت الحکمہ ،  ہمدرد نونہال ،  ہمدرد صحت ،  ہمدرد فاؤنڈیشن
اعزازات
نشان امتیاز
ویب سائٹ
ویب سائٹ	باضابطہ ویب سائٹ

ادبی خدمات

حکیم سعید اور بچوں کا ادب

حکیم سعید بچوں اور بچوں کے ادب سے بے حد شغف رکھتے تھے۔ اپنی شہادت تک وہ اپنے ہی شروع کردہ رسالے ہمدرد نونہال سے مکمل طور پر وابستہ رہے۔ اس کے علاوہ انھوں نے نونہال ادب کے نام سے بچوں کے لیے کتب کا سلسلہ شروع کیا جو ابھی تک جاری ہے۔ اس سلسلے میں کئی مختلف موضوعات پر کتب شائع کی جاتی ہیں۔ اس کے علاوہ بہترین عالمی ادب کے تراجم بھی شائع کیے جاتے ہیں۔

قتل

17 اکتوبر 1998ء میں انھیں کراچی میں شہید کر دیا گیا جس کا الزام بعض لوگ متحدہ قومی موومنٹ پر لگاتے ہیں اور اس سلسلے میں موجودہ گورنر سندھ عشرت العباد کا نام خاص طور پر لیا جاتا ہے مگر عشرت العباد کے گورنر سندھ بن جانے کے بعد یہ کیس دبا دیا گیا ہے۔ تاہم پہلے سندھ ہائی کورٹ اور اس کے بعد سپریم کورٹ نے بھی ایم کیو ایم کے تین کارکنوں کو جو اس کیس میں نامزد تھے، بری کیا۔

جس وقت انھیں آرام باغ میں ان کے دواخانہ کے باہر وحشیانہ فائرنگ کرکے قتل کیا گیا وہ روزہ کی حالت میں تھے۔ یوں انھوں نے روزہ کی حالت میں اپنی جان جانِ آفریں کے سپرد کی۔ ان کا معمول تھا کہ وہ جس روز مریضوں کو دیکھنے جاتے روزہ رکھتے تھے چونکہ ان کا ایمان تھا کہ صرف دوا وجہ شفاء نہیں ہوتی۔ حکیم محمد سعید پاکستان کے بڑے شہروں میں ہفتہ وار مریضوں کو دیکھتے تھے۔ سب سے اہم بات یہ تھی کہ وہ مریضوں کا مفت علاج کرتے تھے۔ ان کا ادارہ ہمدرد بھی ایک غیر منافع بخش ادارہ ہے جس کی تمام تر آمدنی ریسرچ اور دیگر فلاحی خدمات پر صرف ہوتی ہیں۔

مزید دیکھیے

• کتابیات حکیم محمد سعید
• حکیم عبد المجید
• روح افزا

بیرونی روابط

• Hakim Saeed Memorial Lecture، DAWN/The News International, Karachi (Pakistan) 14 اکتوبر 2004, Thursday, 28 Shabaan 1425

سیاسی عہدے
ماقبل  محمود ہارون	گورنر سندھ 1993–1994	مابعد  محمود ہارون