محمد مظہر نانوتوی
محمد مظہر نانوتوی (1821ء – 1885ء) ایک ہندوستانی مسلمان عالم اور مجاہد آزادی تھے۔ ان کا شمار بانیانِ مظاہر علوم سہارنپور میں ہوتا ہے۔ وہ جہادِ شاملی میں شریک تھے۔ ان کا شمار برصغیر پاک و ہند کے انیسویں صدی کے معروف مشائخ میں ہوتا ہے۔[1]
| محمد مظہر نانوتوی | |
|---|---|
 |
|
| معلومات شخصیت | |
| پیدائش | سنہ 1821ء نانوتہ |
| تاریخ وفات | 3 اکتوبر 1885ء (63–64 سال) |
| عملی زندگی | |
| مادر علمی | ذاکر حسین دہلی کالج |
درستی - ترمیم  | |
سوانحی خاکہ
ترمیممحمد مظہر 1821ء کو نانوتہ کے صدیقی گھرانہ میں پیدا ہوئے۔[2][3] ان کے والد لطف علی مملوک علی نانوتوی کے چچازاد بھائی تھے۔[4] مظہر نانوتوی نے حفظِ قرآن اور ابتدائی تعلیم اپنے والد سے حاصل کی۔[3] انھوں نے دہلی کالج میں مملوک علی نانوتوی سے تعلیم حاصل کی۔[2] انھوں نے موطأ امام مالک اور حدیث کی بعض کتابیں عبد الغنی دہلوی سے اور صحیح بخاری محمد اسحاق دہلوی سے پڑھی۔[5] وہ تصوف میں رشید احمد گنگوہی کے مُجاز تھے۔[6]
انھیں الوئز اشپرنگر نے گورنمنٹ کالج، بنارس کے شعبۂ عربی کا صدر مقرر کیا تھا۔[7] بعد میں انھوں نے گورنمنٹ کالج، اجمیر کے شعبۂ عربی کی صدارت کی۔[8] وہ آگرہ کالج میں بھی مدرس رہے۔[9] انھوں نے تحریک آزادی ہند میں حصہ لیا اور جہادِ شاملی میں امداد اللہ مہاجر مکی کے ساتھ جنگ لڑی۔[10] 1857ء کے بعد سرکاری اداروں میں کام کرنے کے بارے میں ان کے خیالات تبدیل ہوگئے۔[11] انھوں نے کاپی ایڈیٹر کی حیثیت سے نول کشور پریس میں شمولیت اختیار کی اور سات سال سے زیادہ عرصے تک وہاں کام کیا۔[12] ان کی ترتیب شدہ تصانیف میں غزالی کی احیاء العلوم اور محمد طاہر پٹنی کی مجمع البحار شامل ہیں؛ مؤخر الذکر اس وقت کا سب سے بڑا علمی کام ہے۔[12] فروری 1867ء میں مظہر نانوتوی مظاہر علوم سہارنپور آگئے، جہاں تفسیر، حدیث، فقہ، ادب اور تاریخ سمیت کئی فنون کے اسباق ان سے متعلق رہے۔[13][14] مظاہر علوم کی ترقی میں ان کی خدمات کے لیے انھیں بانیان میں شمار کیا جاتا ہے۔[6]
مظہر نانوتوی کا انتقال 3 اکتوبر 1885ء کو ہوا۔[15] ان کے شاگردوں میں محمد قاسم نانوتوی اور خلیل احمد سہارنپوری شامل ہیں۔[16]
حوالہ جات
ترمیم- ↑ "مدرسہ مظاہر علوم سہارنپور 1866-2011"۔ Deoband.net۔ 2021-10-23 کو اصل سے آرکائیو کیا گیا۔ اخذ شدہ بتاریخ 2019-07-13
- ^ ا ب کاندھلوی، نور الحسن راشد، تذکرہ حضرت مولانا مظہر نانوتوی، ص 3
- ^ ا ب محمد شاہد سہارنپوری، دیوبندی، نواز (مدیر)، سوانح علمائے دیوبند، ج 1، ص 495
- ↑ نور الحسن شیرکوٹیi۔ دیوبندی، نواز (مدیر)۔ سوانح علمائے دیوبند (جنوری 2000 ایڈیشن)۔ ج 2۔ ص 90–214
- ↑ کاندھلوی، نور الحسن راشد، تذکرہ حضرت مولانا مظہر نانوتوی، ص 7
- ^ ا ب اسیر ادروی۔ تذکرہ مشاہیر ہند: کاروان رفتہ (دوسرا، اپریل 2016 ایڈیشن)۔ دیوبند: دار المؤلفین۔ ص 243
- ↑ کاندھلوی، نور الحسن راشد، تذکرہ حضرت مولانا مظہر نانوتوی، ص 10
- ↑ کاندھلوی، نور الحسن راشد، تذکرہ حضرت مولانا مظہر نانوتوی، ص 20
- ↑ کاندھلوی، نور الحسن راشد، تذکرہ حضرت مولانا مظہر نانوتوی، ص 21
- ↑ نجم الحسن تھانوی۔ میدان شاملی و تھانہ بھون اور سرفروشان اسلام۔ تھانہ بھون: ادارہ تالیفات اشرفیہ۔ ص 16
- ↑ کاندھلوی، نور الحسن راشد، تذکرہ حضرت مولانا مظہر نانوتوی، ص 26
- ^ ا ب کاندھلوی، نور الحسن راشد، تذکرہ حضرت مولانا مظہر نانوتوی، ص 26–28
- ↑ محمد شاہد سہارنپوری، دیوبندی، نواز (مدیر)، سوانح علمائے دیوبند، ج 1، ص 498
- ↑ کاندھلوی، نور الحسن راشد، Tتذکرہ حضرت مولانا مظہر نانوتوی، ص 30
- ↑ خان، سید احمد، شاہجہانپوری، ابو سلمان (مدیر)، تذکرہ خانوادہ ولی اللہی، ص 513
- ↑ خان، سید احمد، شاہجہانپوری، ابو سلمان (مدیر)، تذکرہ خانوادہ ولی اللہی، ص 518–519
کتابیات
ترمیم- کاندھلوی، نور الحسن راشد۔ تذکرہ حضرت مولانا محمد مظہر نانوتوی (جنوری 2007 ایڈیشن)۔ کاندھلہ: مفتی الہی بخش اکیڈمی
- خان، سید احمد۔ "مولوی محمد مظہر مرحوم"۔ بہ شاہجہانپوری، ابو سلمان (مدیر)۔ تذکرہ خانوادہ ولی اللہی۔ جامشورو: جامعہ سندھ۔ ص 513–519
- محمد شاہد سہارنپوری۔ دیوبندی، نواز (مدیر)۔ سوانح علمائے دیوبند (جنوری 2000 ایڈیشن)۔ Deoband: نواز پبلیکیشنز۔ ج 1۔ ص 495–504