جسونت سنگھ

میجر جسونت سنگھ جسول (1938ء-2020ء) بھارت کے ایک ریٹائرڈ فوجی افسر اور سابق وزیر تھے۔ وہ بھارتیہ جنتا پارٹی کے بانیوں میں سے ایک اور پارلیمان میں سب سے لمبے عرصے تک رہنے والے ارکان میں شامل ہیں۔ جسونت سنگھ 1980ء سے 2014ء تک تقریباً تمام عرصہ کسی ایک پارلیمان کے رکن رہے۔ انہوں نے پانچ دفعہ راجیہ سبھا کا انتخاب 1980، 1986، 1998، 1999 اور 2004 اور چار دفعہ لوک سبھا کا انتخاب 1990، 1991، 1996 اور 2009 میں جیتا ہے۔

جسونت سنگھ
(گجراتی میں: જસવંતસિંઘ)
مناصب
رکن راجیہ سبھا
آغاز منصب 1980
رکن نویں لوک سبھا
رکن مدت 2 دسمبر 1989  – 13 مارچ 1991
منتخب در	بھارت عام انتخابات، 1991ء
پارلیمانی مدت	نویں لوک سبھا
رکن دسویں لوک سبھا
رکن مدت 1992  – 1996
منتخب در	بھارت عام انتخابات، 1991ء
پارلیمانی مدت	دسویں لوک سبھا
بقائب
رکن گیارہویں لوک سبھا
رکن مدت 1996  – 1999
حلقہ انتخاب	چتوڑگڑھ لوک سبھا حلقہ
بقائب
وزیر خزانہ
برسر عہدہ 16 مئی 1996  – 1 جون 1996
منموہن سنگھ  پی جدمبرم
ڈپٹی چیئرمین پلاننگ کمیشن
برسر عہدہ 25 مارچ 1998  – 4 فروری 1999
مدہو دانداوتے
وزیر خارجہ بھارت
برسر عہدہ 5 دسمبر 1998  – 23 جون 2002
اٹل بہاری واجپائی  یشونت سنہا
وزیر دفاع
برسر عہدہ 2 جنوری 2000  – 18 اکتوبر 2001
جارج فرنانڈیز  جارج فرنانڈیز
وزیر خزانہ
برسر عہدہ 1 جولا‎ئی 2002  – 21 مئی 2004
یشونت سنہا  پی جدمبرم
قائد حزب اختلاف، راجیہ سبھا (14 )
برسر عہدہ 3 جون 2004  – 16 مئی 2009
منموہن سنگھ  ارون جیٹلی
رکن پندرہویں لوک سبھا
رکن مدت 2009  – 2014
حلقہ انتخاب	دارجلنگ لوک سبھا حلقہ
پارلیمانی مدت	پندرہویں لوک سبھا
داوا ناربلا  سوریندرجیت سنگھ
معلومات شخصیت
پیدائشی نام	(انگریزی میں: Jaswant Singh Jasol)،  (گجراتی میں: જસવંતસિંહ જસોલ)،  (ہندی میں: जसवंत सिंह जसोल)
پیدائش	3 جنوری 1938  جسول
وفات	27 ستمبر 2020 (82 سال)  نئی دہلی
وجہ وفات	بندش قلب
طرز وفات	طبعی موت
شہریت	بھارت (1950–2020) برطانوی ہند (1938–1947) ڈومنین بھارت (1947–1950)
نسل	راجپوتShudra
آنکھوں کا رنگ	سیاہ
بالوں کا رنگ	سفید
قد
مذہب	ہندو مت
جماعت	بھارتیہ جنتا پارٹی (1980–2014) جن سنگھ (1960–1980)
عملی زندگی
مادر علمی	میو کالج
پیشہ	سیاست دان،  فوجی افسر،  مصنف
مادری زبان	ہندی
پیشہ ورانہ زبان	ہندی،  انگریزی،  راجستھانی زبان،  گجراتی
شعبۂ عمل	بھارت کی ثقافت
کارہائے نمایاں	جناح: بھارت، تقسیم، آزادی (کتاب)
عسکری خدمات
شاخ	بھارتی فوج
عہدہ	کمانڈر (1960–1965)
لڑائیاں اور جنگیں	پاک بھارت جنگ 1965ء،  چین بھارت جنگ
اعزازات
نمایاں ماہرِ پارلیمانی امور اعزاز (2001) بانگا بیبھوشن (2001)
دستخط
ویب سائٹ
ویب سائٹ	باضابطہ ویب سائٹ

جب 2009ء میں مسلسل دوسری دفعہ اُن کی جماعت کو انتخابات میں شکست ہوئی تو اُنہوں نے جماعت کے لوگوں کو مباحثہ کی دعوت دی جو اُن کی جماعت کے ارکان کو پسند نہیں آئی۔ ایک ہفتے بعد اُن کی لکھی ہوئی کتاب منظر عام پر آئی جس میں اُنہوں نے جناح کے بارے میں ہمدردانہ رائے لکھی تھِی۔ 2014ء میں اُن کی جماعت نے فیصلہ کیا کہ وہ اب کہیں سے انتخابات میں حصہ نہیں لے گی۔ چنانچہ اُنہوں نے بحثیت آزاد اُمیدوار لڑنے کا فیصلہ کیا اس طرح وہ اپنی ہی جماعت کے اُمیدوار کے مقابل آگئے۔ اِس کی وجہ سے اُنہیں 2014 میں جماعت سے نکال دیا گیا اور وہ اس انتخاب میں ناکام بھی رہے۔

اُس کے کچھ ہی ہفتوں بعد وہ غسل خانے میں گرے جس سے اُم کے سر پر گہری چوٹ آئی۔ فوراً دہلی کے ہسپتال میں داخل کیا گیا۔وہاں وہ کومے میں رہے۔

ابتدائی زندگی

جسونت سنگھ 3 جنوری 1938ء کو جسول میں ایک راجپوت گھرانے میں پیدا ہوئے۔ ان کے باپ کا نام ٹھاکر سردار سنگھ راٹھور اور ماں کا نام کنور بیسا تھا۔ جسونت سنگھ نے شیتل کنور سے شادی کی جس کے بعد ان کے دو بیٹے ہوئے۔ بڑا بیٹا منوندر سنگھ بھی سیاست میں رہا ہے۔ اُنہوں نے 1960ء کی دہائی کے دوران میں فوج میں بھی کام کیا ہے۔

سیاسی زندگی

6 اپریل 2001ء، جسونت سنگھ امریکی وزیرِ دفاع ڈونلڈ رمسفیلڈ کے ساتھ مذاکرات کرتے ہوئے۔

اگرچہ جسونت سنگھ 1960ء کی دہائی میں سیاست میں آچکے تھے مگر بھیروں سنگھ شخاوت کے ملنے تک اُنہیں زیادہ کامیابی نہیں ملی۔ بھیروں سنگھ سیاست میں اُن کے استاد ثابت ہوئے۔ اُنہیں سیاست میں کامیابی 1980ء میں ملی جب وہ پہلی دفعہ راجیہ سبھا کے رکن منتخب ہوئے۔ اُنہوں نے اٹل بہاری واجپائی کے مختصر دورِ حکومت میں وزیر خزانہ کا قلم دان سنبھالا جو صرف 16 مئی 1996ء سے 1 جون 1996ء تک رہا۔ جب واجپائی دو سال بعد دوبارہ وزیر اعظم بنے تو اس دفعہ 5 دسمبر 1998ء سے 19 اگست 2002ء تک وہ وزیر خارجہ رہے۔ اس دوران میں اُنہوں نے پاکستان اور بھارت کے درمیان میں انتہائی کشیدہ خارجہ پالیسی پر کام کیا۔ جولائی 2002ء میں وہ دوبارہ وزیر خزانہ بنے اور واجپائی کی حکومت کی ناکامی تک وہاں رہے۔ 19 اگست 2009ء کو اُنہیں اپنی کتاب میں پاکستان کے بانی جناح کی تعریف کرنے کی وجہ سے جماعت سے نکال دیا گیا۔

قائد اعظم محمد علی جناح پر کتاب

sirfurdu.comآرکائیو شدہ بذریعہ sirfurdu.com پر شائع ہونے والی ایک خبر میں بتایا گیا ہے کہ جونت سنگھ نے بانی پاکستان قائد اعظم محمد علی جناح پر 2009ء میں ایک کتاب جناح: بھارت، تقسیم، آزادی بھی لکھی جس میں انہوں نے مسٹر جناح اور اسلام کی تعریف و توصیف کی تھی، جس پر انہیں 6 سال کے لیے پارٹی سے نکال دیا گیا۔ اسلام غیر مسلم دانشوروں کی نظر میں ہمیشہ اہمیت کا حامل رہا ہے جس کا ایک ثبوت یہ کتاب بھی ہے

خبر نگار مدثر بھٹی کے مطابق انہیں بعد میں پارٹی میں شامل کر لیا گیا اور اس دوران وہ آزاد حیثیت سے سیاست کرتے رہے۔ خبر نگار نے یہ بھی بتایا کہ ان کے الیکشن کے موقع پر ان کے حلقے میں موجود قریب اڑھائی لاکھ ووٹروں میں سے بڑی تعداد نے ووٹ دیا اور جسونت سنگھ کے بیٹے کے حوالے اس مضمون نگار نے لکھا ہے کہ مانویندر سنگھ نہ ٹائمز آف انڈیا کو اپنے انٹرویو میں بتایا کہ مسلم ووٹروں نے ان کے والد کو پاکستان کے معروف سیاست دان اور حروں کے روحانی پیشوا پیر صاحب پگارا کے کہنے پر ووٹ دیا جو ان کے پیر و مرشد تھے۔

ادب سے دلچسپی

اٹل بہاری واجپائی اور جسونت سنگھ کو ادب سے خاص دلچسپی تھی۔ جسونت سنگھ کے بیٹے مانویندر نے اپنے ایک مضمون میں لکھا کہ ان کے والد کو اکثر “اٹل جی کا ہنومان” بھی کہا کرتے تھے۔

اُمیدوار نائب صدر

2012ء میں وہ بھارتی نائب صدر جمہوریہ کے لیے اُمیدوار تھے مگر محمد حامد انصاری سے ہار گئے۔

وفات

سابق مرکزی وزیر جسونت سنگھ، جن کا 27 ستمبر 2020ء کو دہلی میں انتقال ہوا ان کی آخری رسومات  شام کے وقت جودھ پور راجستھان میں ان کے فارم ہاؤس میں ادا کی گئیں۔ وہ 2014ء سے بیماری میں مبتلا تھے اور انتقال کے دن ان کو  عارضہ قلب کے باعث دہلی کے آرمی اسپتال (ریسرچ اینڈ ریفرل) میں داخل کیا گیا ڈاکٹروں کی کوشش کے باوجود 82 سالہ جسونت سنگھ جانبر نہ ہو سکے اور اتوار کی صبح 6 بجکر 55 منٹ پر چل بسے۔

مزید دیکھیے

• جناح: اتحاد سے تقسیم تک (سوانح عمری قائدِ اعظم)