اصل سر زمین چین میں کورونا وائرس کی وبا

کورونا وائرس عالمی وبا مرکزی سرزمین چین
	کووڈ-19 کیس تعداد اصل سرزمین چین صوبہ وار
مرض	کورونا وائرس وبا 2019 (COVID-19)
مقام	اصل سرزمین چین
پہلا مریض	یکم دسمبر 2019
آغاز	ووہان، ہوبائے
مصدقہ مریض	105,547
صحت یابیاں	95٫736
اموات	4,636

چینی حکومتی دستاویزات کے مطابق، ^[4] 17 نومبر 2019ء کو سب سے پہلا تصدیق شدہ مریض ووہان، ہوبئی، چین کا ایک 55 سالہ شخص تھا۔ اگلے مہینے میں، ہوبی میں کورونا وائرس کے واقعات کی تعداد آہستہ آہستہ دو سو ہو گئی، اس کے بعد جنوری 2020ء مریضوں میں تیزی سے اضافہ ہوا۔ 31 دسمبر 2019ء کو، وائرس کی وجہ سے صوبہ ہوبئی کے دار الحکومت ووہان میں، محکمہ صحت کے حکام کو نامعلوم نمونیا کے واقعات کی اطلاع ملی تھی اور اس بیماری کی تحقیقات اگلے مہینے کے اوائل میں شروع ہوگئیں۔ ان متاثرہ افراد کی زیادہ تعداد کا تعلق، سمندری جانوروں کے ایک بازار سے تھا، جہاں زندہ جانوروں کا کاروبار ہوتا ہے، اسی وجہ سے یہ کہا جا رہا ہے کہ وائرس کی وجہ زونوٹک ( zoonotic) ہے۔^[5]

ابتدائی مراحل کے دوران میں، ہر سات دونوں میں متاثرہ افراد کی تعداد دگنی ہوتی رہی۔2020 کے اوائل اور وسط جنوری میں، چینی کے دوسرے صوبوں میں بھی یہ وائرس پھیل گیا اور اس میں نئے چینی سال کی آمد نے اہم کردار ادا کیا، ووہان چین میں نقل و حمل کا مرکز اور ریلوے کا ایک اہم مقام ہے، جس وجہ سے متاثرہ افراد تیزی سے پورے ملک میں پھیل گئے۔^[6] 20 جنوری کو، چین نے ایک ہی دن میں، 140 نئے متاثرہ افراد کی تصدیق کی، جن میں سے ایک بیجنگ کا اور دوسرا شینزین کا تھا۔ بعد کے سرکاری اعداد و شمار سے پتہ چلتا ہے کہ 20 جنوری 2020ء تک 6،174 افراد میں پہلے ہی علامات ظاہر ہو چکیں تھیں۔

27 جنوری 2021ء تک 89,326 افراد وائرس کی علامت سے متاثر ہوئے جس میں سے 82,870 لوگ صحتیاب ہو چکے اور 4,636 لوگوں کی موت ہو چکی ہے۔^[3]^[7]

کورونا وائرس خط زمانی (ٹائم لائن)

جنوری 2020

جنوری 2020ء کو ووہان میں متاثرہ سمندری غذائی بازار بند کر دیا گیا اور وائرس کی علامت سے متاثر افراد کو الگ کر دیا گیا۔ 700 سے زائد افراد کو نگرانی میں رکھا گیا اور تقریباً 400 افراد کو ان کے علاج اور صحت کی دیکھ بھال کے لیے رکھا گیا۔^[8] انفیکشن کی تشخیص کے لیے ایک پولیمریز چین رد عمل (PCR) ٹیسٹ تیار کیا گیا تھا، اس انتہائی نگہداشت کے ساتھ ووہان کے 41 افراد کے گروپ میں ایک نئے کورونا وائرس کی دریافت کی تصدیق ہوئی۔^[9] ان میں دو لوگوں نے ابھی جلد ہی شادی کی تھی۔ ان میں ایک بازار بھی نہیں گیا تھا۔ اور کچھ لوگ اس سمندری غذائی بازار میں کام کرنے والے خاندان سے تھے۔^[10]^[11] اس وائرس سے متاثر پہلی موت 9 جنوری 2020ء میں ہوئی۔^[12]

20 جنوری 2020ء کو، چینی وزیر اعظم لی کی چیانگ نے زور دیا کہ نئے کورونا وائرس کی وجہ سے ہونے والی وبا کو روکنے اور اس سے نمٹنے کے لیے فیصلہ کن اور موثر کوشش کی جائے۔^[13]
22 جنوری 2020ء کو عالمی ادارہ صحت کے زیر اہتمام ایک ایمرجنسی کمیٹی منتخب ہوئی، جس میں صحت کے عالمی قوانین کے مطابق صحت عامہ کی فوری توجہ کی ضرورت پر گفتگو ہوئی۔^[14] عالمی ادارہ صحت نے اس مرض کے بڑے پیمانے پر پھیلنے کا خدشہ ظاہر کیا اور چینی سال نو کے سفر کے دوران مزید بڑھ سکتا ہے۔ اس کے علاوہ وائرس کی تیزی سے غیر متوقع طور پر پھیلنے، اس وائرس کے مرکز ووہان اور اور جائے علاج و نگرانی سے متعلق سوالات وغیرہ بھی زیر بحث آئے۔^[15]^[15]^[16]^[17]^[18]
22 جنوری 2020ء تک 17 اموات ہو چکی تھیں، تمام اموات چین میں تھیں۔ یہ اس بات کی دلیل تھی کہ یہ وائرس ایک سے دوسرے میں پھیل رہا ہے۔ پھر بڑے پیمانے پر جاری ٹیسٹ کے ذریعہ 540 سے زائد افراد میں وائرس کی تصدیق ہوئی، متاثرین میں سے بعض افراد علاج و نگرانی میں کام کرنے والے بھی تھے۔^[19]^[20]
23 جنوری 2020ء کو چینی حکومت نے اس وائرس کے مرکز، تقریباً 11 ملین کی آبادی پر مشتمل شہر ووہان کو بند کرنے کا اعلان کیا۔ اس سے پہلے 600 متاثرین اور 17 اموات درج ہو چکی تھیں۔^[21]۔ ثم قررت الصين فرض الحجر الصحي بحكم الأمر الواقع، على مدينة ثانية، لتعزل بذلك ما مجموعہ أكثر من 18 مليون مواطن في المدينتين، بهدف منع انتشار الوباء^[22]
24 جنوری 2020ء کو اموات کی تعداد 41 اور متاثرین کی تعداد 1106 تک پہنچ گئی۔^[23]
25 جنوری 2020 کو چین میں اموات کی تعداد 55 تک ہو گئی۔^[24] سنیچر کی صبح، ذمہ داران کے بیان کے مطابق ملک کے مختلف حصوں میں 400 نئے افراد میں اس وائرس کی تشخیص ہوئی ہے، اس طرح نئے بیانات کے مطابق متاثرین کی مجموعی تعداد 1741 تک پہنچ گئی ہے۔ ووہان اور 12 دوسرے متاثرہ شہروں میں آمد و رفت کو روک دیا گیا ہے، تاکہ چینی سال نو کا چشن متاثر نہ ہو سکے۔^[25]

ہسپتال کی تعمیر

24 جنوری جمعہ کے دن چین کی حکومت نے 1000 بستروں کی گنجائش والا ایک ہسپتال 10 دنوں میں بنانے کا وعدہ کیا۔^[26]^[27]^[28] خبر رساں ادارے روئٹرز نے ژانجیانگ ڈیلی کے حوالے سے نقل کیا ہے کہ دس بلڈوزر اور تیرہ کے قریب کھدائی کرنے والی مشینیں جمعرات کی شام 23 جنوری کو ووہان کے نو تعمیر ہونے والے ہسپتال کی جگہ پر پہنچے۔^[26] حکام کے مطابق امید ہے کہ 3 فروری تک 270،000 مربع فٹ پر ہسپتال کی تعمیر مکمل ہوجائے گی۔^[29]^[28]^[27]

اصل سر زمین چین میں کورونا وائرس کی وبا

کورونا وائرس خط زمانی (ٹائم لائن)

جنوری 2020

ہسپتال کی تعمیر

وبا کا مفصل نقشہ

حوالہ جات