عبد الرزاق اسکندر
عبد الرزاق اسکندر (1935 – 30 جون 2021) ایک پاکستانی عالم دین اور مصنف تھے۔ وہ جامعہ العلوم الاسلامیہ کے مہتمم و استاذِ حدیث ، عالمی مجلس تحفظ ختم نبوت کے مرکزی امیر اور وفاق المدارس العربیہ پاکستان کے صدر تھے۔ وہ دارالعلوم کراچی ، جامعہ العلوم الاسلامیہ ، جامعہ اسلامیہ، مدینہ منورہ اور جامعہ الازہر سے فارغ التحصیل تھے۔ آپ " الطریقۃ العصریۃ لتعلیم اللغۃ العربیۃ " اور " تحفظِ مدارس اور علما و طلبہ سے چند باتیں " جیسی کتابوں کے مصنف تھے۔
| عبد الرزاق اسکندر | |||||||
|---|---|---|---|---|---|---|---|
| جامعہ العلوم الاسلامیہ کے چوتھے مہتمم | |||||||
| مدت منصب 2 نومبر 1997 – 30 جون 2021 | |||||||
| |||||||
| عالمی مجلس تحفظ ختم نبوت کے آٹھویں امیر | |||||||
| مدت منصب 2015 – 30 جون 2021 | |||||||
| |||||||
| وفاق المدارس العربیہ پاکستان کے ساتویں صدر | |||||||
| مدت منصب 5 اکتوبر 2017 – 30 جون 2021 | |||||||
| |||||||
| وفاق المدارس العربیہ پاکستان کے نویں نائب صدر | |||||||
| مدت منصب 30 ستمبر 2001 – 5 اکتوبر 2017 | |||||||
| |||||||
| اقرأ روضۃ الاطفال ٹرسٹ کے پانچویں صدر | |||||||
| مدت منصب 1 فروری 2015 – 30 جون 2021 | |||||||
| |||||||
| معلومات شخصیت | |||||||
| پیدائش | سنہ 1935ء کوکل |
||||||
| وفات | 30 جون 2021ء (85–86 سال) کراچی |
||||||
| شہریت |  پاکستان |
||||||
| اولاد | سعید خان اسکندر | ||||||
| عملی زندگی | |||||||
| مادر علمی | جامعہ العلوم الاسلامیہ بنوری ٹاؤن جامعہ اسلامیہ، مدینہ منورہ جامعہ الازہر دارالعلوم کراچی |
||||||
| استاذ | محمد يوسف بنوری ، سیّد عبدالحق نافع کاکاخیل | ||||||
| تلمیذ خاص | سید عدنان کاکاخيل ، مفتی جمیل خان | ||||||
| پیشہ | چانسلر ، عالم ، مصنف | ||||||
| ملازمت | جامعہ العلوم الاسلامیہ بنوری ٹاؤن ، وفاق المدارس پاکستان | ||||||
درستی - ترمیم  | |||||||
سوانح
ترمیمعبد الرزاق 1935 میں کاکول ، ضلع ایبٹ آباد کے ایک مذہبی گھرانے میں پیدا ہوئے تھے۔[1] ان کی ابتدائی تعلیم مدرسہ دار العلوم چھوہر شریف ، ہری پور اور احمد المدارس سکندر پور سے ہوئی۔ بعد کی تعلیم دار العلوم کراچی سے حاصل کی اور 1956 میں جامعہ العلوم الاسلامیہ سے درس نظامی کی تکمیل کی۔ وہ جامعہ العلوم الاسلامیہ میں درس نظامی کے پہلے طالب علم تھے۔[1] بعد میں انھوں نے 1962 میں جامعہ اسلامیہ، مدینہ منورہ میں داخلہ لیا اور چار سال تک علومِ نبویہ حاصل کیے۔ انھوں نے 1972 میں جامعہ الازہر سے ڈاکٹریٹ کی تعلیم مکمل کی۔[1] وہ تصوف میں محمد یوسف لدھیانوی و محمد سرفراز خان صفدر کے مجازِ بیعت تھے۔ ان کے اساتذہ میں محمد یوسف بنوری، عبد الحق نافع کاکاخیل اور ولی حسن ٹونکی شامل ہیں۔[1]
عبد الرزاق صاحب نے اپنے تدریسی مرحلہ کا آغاز 1955 میں کیا۔[1] وہ جامعہ العلوم الاسلامیہ میں نظام الدین شامزئی کے بعد شیخ الحدیث بنائے گئے اور 1997 میں حبیب اللہ مختار کی شہادت کے بعد مہتمم بنائے گئے۔[2][3] انھیں 1997 میں وفاق المدارس العربیہ پاکستان کی مجلس عاملہ کا رکن بنایا گیا اور 2001 میں اس کا نائب صدر منتخب کیا گیا۔ بعد میں انھوں نے مفتی سلیم اللہ خان کی وفات کے بعد نو ماہ تک اس کے قائم مقام صدر کی حیثیت سے خدمات انجام دیں۔ وہ 5 اکتوبر 2017 کو اس صدر مقرر ہوئے تھے۔[1]
1981میں وہ عالمی مجلس تحفظ ختم نبوت کی مجلسِ شورٰی کے رکن منتخب ہوئے۔ 2008 میں سید نفیس الحسینی کی وفات کے بعد نائب امیر مرکز مقرر ہوئے۔ 2015ء میں عبد المجید لدھیانوی کی وفات کے بعد آپ اس کے مرکزی امیر منتخب کیے گئے۔[1] آپ نے اتحاد تنظیمات مدارس پاکستان کے صدر کی حیثیت سے بھی خدمات انجام دیں۔[4]
اگست 2016ء میں برمنگھم مرکزی مسجد میں ایک جماعت سے گفتگو کرتے ہوئے مفتی عبد الرزاق نے کہا کہ "دینِ اسلام کے کامل ہونے کا مطلب یہ ہے کہ اب اس میں کسی اضافہ، کسی ترمیم، کسی تبدیلی کی گنجائش نہیں اور اب کسی نئے نبی کی بھی ضرورت نہیں"۔ انھوں نے یہ بھی کہا: "منکرینِ ختم نبوت نے اپنے پیشوا کو نبی مان کر حضور اکرم صلی اللہ علیہ وسلم سے اپنا رشتہ ختم کر لیا، وہ اسلام اور رسول اللہ صلی اللہ علیہ وسلم کے باغی ہیں"۔[5]
وفات
ترمیم30 جون 2021ء کو کراچی میں مفتی عبد الرزاق اسکندر کی وفات ہوئی۔[6][7] ان کی وفات پر گورنر سندھ ، عمران اسماعیل اور سربراہ پاک فوج ، قمر جاوید باجوہ نے تعزیت پیش کیا۔[3][2]
تصنیفی خدمات
ترمیممفتی عبد الرزاق کی تصانیف میں یہ بھی شامل ہیں:[1][8]
- الطریقۃ العصریۃ لتعلیم اللغۃ العربیۃ (2 جلدیں)، اس کتاب کو وفاق المدارس کے نصاب میں شامل کیا گیا ہے۔
- مشاہدات و تأثرات : عالمِ اسلام کی چند عظیم شخصیات کا تذکرہ
- تحفظِ مدارس اور علما و طلبہ سے چند باتیں
- تبلیغی جماعت اور اس کا طریقۂ کار
حوالہ جات
ترمیم- ^ ا ب پ ت ٹ ث ج چ "مولانا عبد الرزاق اسکندر کون ہیں؟"۔ انتباہ۔ 21 مارچ 2020۔ 2020-07-10 کو اصل سے آرکائیو کیا گیا۔ اخذ شدہ بتاریخ 2021-06-30
- ^ ا ب امتیاز علی (30 جون 2021)۔ "Prominent scholar and head of Jamia Binoria Maulana Abdul Razzaq passes away"۔ ڈان (اخبار)۔ اخذ شدہ بتاریخ 2021-06-30
{{حوالہ خبر}}: الوسيط غير المعروف|trans_title=تم تجاهله يقترح استخدام|عنوان مترجم=(معاونت) - ^ ا ب "مہتمم جامعہ بنوریہ نیو ٹاؤن مولانا عبدالرزاق انتقال کر گئے"۔ جیو ٹی وی۔ 30 جون 2021۔ اخذ شدہ بتاریخ 2021-06-30
- ↑ مظفر اعجاز (19 فروری 2020)۔ "وفاق المدارس کی تقریب اور مدارس"۔ جسارت ڈاٹ کام۔ اخذ شدہ بتاریخ 2020-07-20
- ↑ "دین اسلام میں کسی اضافے کی ضرورت نہیں، مولانا عبدالرزاق"۔ جیو ٹی وی۔ اخذ شدہ بتاریخ 2021-06-30
- ↑ "جامعہ العلوم الاسلامیہ کے مہتمم مولانا عبدالرزاق اسکندر انتقال کرگئے" [The chanellor of Jamia al-Uloom al-Islamia, Mawlana Abdur Razzaq passes away]۔ سماء ٹی وی۔ اخذ شدہ بتاریخ 2021-06-30
- ↑ عامر خان (30 جون 2021)۔ "Renowned Islamic scholar Maulana Abdur Razzaq Iskander passes away"۔ دی ایکسپریس ٹریبیون۔ اخذ شدہ بتاریخ 2021-07-01
- ↑ "Profile of Abdur Razzaq Iskander at WorldCat"۔ ورلڈ کیٹ۔ اخذ شدہ بتاریخ 2021-06-30