مانچسٹر (انگریزی: Manchester) ایک شہر اور میٹروپولیٹن برو ہے جو گریٹر مانچسٹر، انگلستان میں واقع ہے اور اس کی آبادی اندازہً 5 لاکھ 3 ہزار ہے۔ مانچسٹر برطانیہ کے تیسرے سب سے بڑے شہری علاقے میں واقع ہے، یعنی گریٹر مانچسٹر کا شہری علاقہ، جس کی آبادی 22 لاکھ ہے۔ مانچسٹر کے باشندوں کو 'مانکیُونیَن' کہا جاتا ہے اور مقامی اتھارٹی مانچسٹر سٹی کونسل ہے۔

مانچسٹر کے مختلف منظر

مانچسٹر شمال مغربی انگلستان کے جنوب وسطی حصے میں ہے۔ اس کے ملحق علاقوں میں جنوب کی طرف چیشایر کا میدان ہے اور شمال اور مشرق کی جانب پینائینز کی پہاڑیاں ہیں۔ مانچسٹر کی قلم بند تاریخ کے شروعات میں ، وہ مانکُونیَم نامی رومی قلعے سے تعلق رکھنے والی ایک آبادی تھی، جو دریائیں میڈلاک اور ارویل کی سنگم کے نزدیک ریگی پتھر کی ساحل پر سن 79ء میں قائم ہوئی تھی۔ تاریخی طور پر، زیادہ تر شہر لانکاشایر کا ایک حصہ تھا، تاہم دریائے مرزی سے جنوب کی طرف کے علاقے چیشایر میں شامل تھے۔ قرُونِ وسطیٰ کے پورے دوران، مانچسٹر ایک جاگیردارانہ بستی ہی رہی، مگر انیسویں صدی کے شروع ہونے پر "ایک حیران کن شرح" سے بڑھنے لگی۔ صنعتی انقلاب کے دوران پارچہ بافی میں اضافے کی وجہ سے مانچسٹر کی غیر منصوبہ بند شہرکاری ہوئی اور اس کے نتیجے میں، وہ دنیا کا سب سے پہلا صنعت یافتہ شہر بن گیا۔ انیسویں صدی کے اوائل میں کارخانوں کی تعمیر کے اضافے نے مانچسٹر کو تبدیل کر کہ ایک چھوٹی بستی سے ایک اہم صنعتی شہر اور برو بنا دیا، جس کو سن 1853ء میں شہر کا سرکاری رتبہ دیا گیا۔ سن 1877ء میں، مانچیسٹر ٹاؤن ہال تعمیر ہوا اور سن 1894ء میں، مانچیسٹر شِپ کنال کھلا اور اس کے باعث مانچسٹر بندرگاہ بنایا گیا۔

یہ شہر اپنی تعمیرات، ثقافت، مقامیموسیقیگروہ،میڈیا کے رابطے، سائنسی اور انجنیرنگ کا پیداوار، سماجی اثر اور سپورٹ کی وجہ سے قابل ذکر ہے۔ مانچسٹر کے سپورٹ کلبوں میں مانچسٹر یونائیٹڈ اور مانچسٹر سِٹی کے پریمیَرشِپ فُٹ بال ٹیمیں شامل ہیں۔ مانچسٹر دنیا کا ایک سب سے پہلے کے ریل سٹیشن کا مقام تھا اور وہاں سائنس دانوں نے پہلی بار ایٹم کو تقسیم کیا اور پہلا سٹورڈ پروگرام کمپیوٹر بنایا۔ مانچسٹر میں دو یونورسٹیاں واقع ہیں اور ان میں سے ایک برطانیہ کی سب سے بڑی یونورسٹی ہے جو ایک مقام پر واقع ہے۔ ملک کی تیسری سب سے بڑی معیشت مانچسٹر کی ہے۔ مانچسٹر برطانیہ کے تمام شہروں میں سے سیاحت کے لیے غیر ملکیوں کا تیسرا سب سے پسندیدہ شہر ہے، لندن اور ایڈنبرا کے بعد اور انگلستان میں سب سے دوسرا ہے، لندن کے بعد۔