پاکستان میں 1993ء

حکومتی عہدے دار ترمیم

5 فروری: پاکستان میں پہلی بار یوم یکجہتی کشمیر ملکی سطح پر منایا گیا اور اِس دن کو ہر سال سرکاری تعطیل قرار دیا گیا۔

18 مارچ: سابق وزیر اعظم محمد خان جونیجو سرطان خون کے علاج کے دوران امریکا میں اِنتقال کرگئے۔
27 مارچ: حامد ناصر چٹھہ سمیت تین وزراء نے وفاقی کابینہ سے استعفا دے دیا۔

2 اپریل: حکومت پاکستان نے عرب عسکریت پسندوں کے خلاف کارروائی کا حکم جاری کیا۔
4 اپریل: بھارت نے بمبئی بم دھماکے، 1993ء میں پاکستان کو ذمہ دار قرار دیا۔
- وفاقی کابینہ نے غلام اسحاق خان کو دوسری بار صدر پاکستان نامزد کر دیا۔
- تین اراکین قومی اسمبلی نے استعفا دے دیا۔
8 اپریل: 92 اراکین قومی اسمبلی نے استعفا دے دیا۔
18 اپریل: صدر پاکستان غلام اسحاق خان نے قومی اسمبلی تحلیل کردی۔ پہلی شریف کابینہ معطل کردی گئی۔ سردار میر بلخ شیر مزاری نگران وزیر اعظم پاکستان مقرر ہوئے، وہ 26 مئی 1993ء تک نگران وزیر اعظم پاکستان رہے۔
19 اپریل: میر بلخ شیر مزاری کی کابینہ کے وزراء نے حلف اُٹھایا۔

26 مئی: سپریم کورٹ پاکستان نے قومی اسمبلی اور وزیر اعظم پاکستان نواز شریف کو دوبارہ بحال کر دیا۔

18 جولائی: سربراہ پاک فوج عبدالوحید کاکڑ سے بات چیت کے بعد صدر پاکستان غلام اسحاق خان اور وزیر اعظم پاکستان نواز شریف نے استعفا دے دیا۔
- صدر پاکستان غلام اسحاق خان نے استعفا دے دیا۔ وسیم سجاد نگران صدر مقرر ہوئے۔
20 جولائی: امریکا نے دھمکی دی کہ اگر چین بین الاقوامی معاہدے کی خلاف ورزی کرتے ہوئے پاکستان کو میزائلوں کی فراہمی جاری رکھی تو چین پر پابندیاں عائد کردی جائیں گی۔

4 نومبر: پولیس نے مرتضی بھٹو کو وطن واپسی پر ائیرپورٹ پر گرفتار کر لیا۔
9 نومبر: قومی اسمبلی کی عمارت میں آتشزدگی۔ وجہ آتشزدگی الیکٹرک شارٹ سرکٹ بتائی گئی۔
13 نومبر: فاروق احمد خان لغاری نے بحیثیتِ صدر پاکستان حلف اُٹھایا۔
24 نومبر: حکومت پاکستان اور بھارت مسئلہ کشمیر پر مذاکرات پر دوبارہ آمادہ ہو گئے۔