مغربی بنگال میں ہندومت

ہندو مت بھارتی ریاست مغربی بنگال کا سب سے بڑا مذہب ہے، ریاست کی 70.54 % آبادی اپنی مذہبی شناخت ہندو ظاہر کرتی ہے (2011ء کے مطابق)۔ مغربی بنگال میں ہندوؤں کی اکثریت زیادہ تر ویشنوی، شکتی اور شیوی فرقوں سے تعلق رکھتی ہے۔ مغربی بنگال میں ہندوؤں کی اکثریت بنگالی ہندو ہے، لیکن غیر بنگالی ہندوؤں کا ایک قابل ذکر حصہ بھی موجود ہے، خاص طور پر مارواڑی، بہاری، اوڈیشی، گورکھے اور اور مختلف قبائلی برادریوں سے ہیں۔

مغربی بنگال میں ہندومت

کل آبادی
64,385,550 ملین (2011) 70.54 % آبادی کا
گنجان آبادی والے علاقے
مغربی بنگال کے تمام اضلاع میں اکثریت سوائے مرشد آباد اور مالدا اضلاع کے۔
زبانیں
بنگلہ، سنتالی، ہندی، نیپالی

ہندومت بنگال میں سولہویں صدی ق م سے قبل کا موجود ہے جب کہ تیسری صدی عیسوی میں، بدھ مت اور جین مت بھی مقبول تھے۔ گودا، بنگال میں پہلی خود مختار ہندو ریاست تھی جس کا دار الحکومت کرناسبرن آج کا ضلع مرشدآباد تھا، ریاست کا بنیاد ششہانکا نے رکھی، جو ایک شیوتی بادشاہ تھا جس نے 600 تا 625 عیسوی تک حکومت کی۔ جدید بنگالی ہندو معاشرے کی نشو و نما بارہویں صدی عیسوی کے سینا سلطنت کے دور میں ہوئی۔ مغربی بنگال کئی مشہور مذہبی رہنماؤں کا مسکن رہا ہے، بشمول شری چٹانیا، رام کرشن، رام موہن رائے، سوامی ویویکانند، اے۔ سی۔ بھکتیوتاٹا سوامی پرشاد اور پارامہان یوگنڈا جنھوں نے دقیانوسی رسوم جیسے ستی، کنیا دان (جہیز کی قسم) اور ذات کی بنیاد پر امتیازی سلوک یا اچُھوت پن جو قرون وسطی کے دوران میں ہندو معاشرے میں شامل ہوئیں، ان رسوم کو ختم کرنے میں تعاون کیا۔ لیکن انھوں نے بنگال میں دوبارہ ہندو قوم پرستی میں بھی کردار ادا کیا۔ یہ موروثی ہندو تشخص میں اہم عنصر تھا جس نے بنگالی ہندو وطن تحریک کو تقویت دی جس سے متحدہ بنگال کے منصوبے کو کامیابی سے ہمکنار کیا اور 1947ء میں متحدہ ہندوستان کی تقسیم کے موقع پر مغربی بنگال کی ایک علاحدہ ریاست کے قیام کے لیے بھی مہم چلائی گئی۔

اہنسا کے قانون سے مراد ساری دنیا میں بڑے گوشت (بیف) سے کلی اجتناب کرنا لیا جاتا ہے۔ بنگال کے تمام ہندو سبزی خور ہیں لیکن یہ بڑے گوشت کے علاوہ بھی دیگر تمام طرح کا گوشت نہ کھانا بہت بڑی پرہیزگاری مانتے ہیں۔ بنگال کے براہمن یا اونچی ذات کے ہندو، جنوبی ایشیا کے دوسرے اونچی ذات کے ہندوؤں کے برعکس، یہاں مرغی، مچھلی، انڈے اور بکری وغیرہ کا گوشت کھاتے ہیں۔ یہ ریاست مغربی بنگال کے پڑوس میں بنگلہ دیش کی طرح کا ماحول ہے، جہاں بنگلہ دیش میں اونچی ذات کے ہندو عام طور پر مچھلی اور مرغی گوشت کھاتے ہیں۔ مغبربی بنگال کے ہندوؤں کی زبان بنگلہ ہے۔ کالی اور چنڈی مغربی بنگال کی سب سے زیادہ پوجی جانے والی ہندو دیویاں ہیں۔ درگا، کالی، شیو، کرشن اور دیگر دیوتا اور دیوؤں کی بھی پوجا کرنا عام ہے۔ درگا پوجا مغربی بنگال میں ہندوؤں کا سب سے اہم اور عمومی تہوار ہے، اس کے بعد دوسرا بڑا تہوار دیوالی کے موقع پر کالی پوجا ہے۔ دیگر تہواروں میں ہولی، مکر سنکرانتی وغیرہ شامل ہیں۔

آبادی

آبادی بلحاظ ضلع

مغربی بنگل میں ہندو بلحاظ ضلع (2011)

#	ضلع	کل آبادی	ہندو آبادی	%
1	شمالی 24 پرگنہ ضلع	10,009,781	7,352,769	73.46%
2	ضلع بردھامن	7,717,563	6,008,472	77.85%
3	جنوبی 24 پرگنہ ضلع	8,161,961	5,155,545	63.17%
4	مغربی مدناپور	5,913,457	5,056,953	85.52%
5	ضلع ہوگلی	5,519,145	4,574,569	82.89%
6	مشرقی مدناپور ضلع	5,095,875	4,343,972	85.24%
7	ضلع ندیا	5,167,600	3,728,482	72.15%
8	ضلع ہاوڑہ	4,850,029	3,535,844	72.90%
9	کولکاتا ضلع	4,496,694	3,440,290	76.51%
10	جلپائیگڑی ضلع	3,872,846	3,156,781	81.51%
11	بانکڑا ضلع	3,596,674	3,033,581	84.34%
12	پورولیا ضلع	2,930,115	2,373,120	80.99%
13	مرشدآباد ضلع	7,103,807	2,359,061	33.21%
14	بیربھوم ضلع	3,502,404	2,181,515	62.29%
15	ضلع کوچ بہار	2,819,086	2,087,766	74.06%
16	ضلع مالدا	3,988,845	1,914,352	47.99%
17	شمالی دیناج پور ضلع	3,007,134	1,482,943	49.31%
18	دارجلنگ ضلع	1,846,823	1,366,681	74.00%
19	جنوبی دیناج پور ضلع	1,676,276	1,232,850	73.55%
	مغربی بنگال (کل)	91,276,115	64,385,546	70.54%

اتار چڑھاؤ

مغربی بنگال میں ہندو آباد میں اتار چڑھاؤ

Census year	کل آبادی کا %	بلحاظ دہائی
1951	78.45%	32.63%
1961	76.22%	25.75%
1971	74.34%	21.37%
1981	73.72%	21.09%
2001	72.47%	14.23%
2011	70.54%	10.80%

مزید دیکھیے

• بھارت میں ہندومت
• بنگلہ دیش میں ہندومت