پاکستان میں 1947ء

صدیاں:	; ; ; ; ;
دہائیاں:	; ; ; ; ;
مزید دیکھیے:	ہندوستان میں 1947ء; دیگر واقعات 1947ء; پاکستان میں سال

حکومتی عہدے دارترميم

15 اگست - محمد علی جناح نے پاکستان کے پہلے گورنر جنرل کا حلف اٹھایا۔ یہ حلف لاہور ہائی کورٹ کے چیف جسٹس عبد الرشید نے لیا۔ لیاقت علی خان نے پاکستان کے پہلے وزیر اعظم کا حلف اٹھایا۔
16 اگست - مغربی پنجاب میں خان افتخار حسین ممدوٹ، سندھ میں محمد ایوب کھوڑو، مشرقی بنگال میں خواجہ ناظم الدین نے وزرائے اعلیٰ کا حلف اٹھایا اور کابینہ بنائی۔
23 اگست - خان عبد القیوم خان نے صوبہ سرحد کے وزیر اعلیٰ کے عہدے کا حلف اٹھایا۔

16 جون: پاکستان کے معاشی مسائل سے نپٹنے کے لیے قائداعظم محمد علی جناح نے پاکستان فنڈ قائم کیا۔

14 اگست - پاکستان کا قیام عمل میں آیا۔ کراچی میں علامہ شبیر احمد عثمانی اور ڈھاکہ میں مولانا ظفر احمد عثمانی نے پاکستان کا پرچم لہرانے کی رسم انجام دی۔
14 اگست: پاکستان دولت مشترکہ کا رکن بنا۔
15 اگست - پاکستان کا پہلا گزٹ شائع ہوا۔ یہ گزٹ پاکستان کے پہلے سیکریٹری جنرل چوہدری محمد علی نے جاری کیا تھا اور اس میں قائد اعظم محمد علی جناح کو ہزمجسٹی کی جانب سے پاکستان کا گورنر جنرل مقرر کرنے کا اعلان جاری کیا گیا۔ پاکستان اور بھارت کے مابین مشترکہ دفاع کونسل کا قیام عمل میں آیا۔ پاکستان کے انگریزی اخبار روزنامہ ڈان کراچی سے شائع ہونا شروع ہوا۔
18 اگست: بروز پیر، عید الفطر 1366ھ، تقسیم ہند کے بعد پاکستان میں پہلی عید منائی گئی۔
25 اگست - کراچی میونسپل کارپوریشن نے محمد علی جناح کے اعزاز میں استقبالیہ دیا۔

15 ستمبر: ریاست جوناگڑھ کے حکمران نواب مہابت خانجی نے پاکستان کے ساتھ ریاست کے الحاق کا اعلان کیا۔
17 ستمبر: ریاست مناودار نے پاکستان کے ساتھ الحاق کرنے کی درخواست کی۔
23 ستمبر: پاکستان نے ریاست مناودر کو پاکستان میں شامل کرنے کا اعلان کیا۔
25 ستمبر: بھارت نے جوناگڑھ میں ریفرنڈم کروانے کی تجویز پیش کی۔
30 ستمبر: پاکستان اقوام متحدہ کا رکن بنا۔