پرنیتا سبھاش

پرنیتا سبھاش (انگریزی: Pranitha Subhash کنڑا : ಪ್ರಣಿತ ಸುಭಾಷ್ ؛ پیدائش :17 اکتوبر 1992ء)، ایک بھارتی فلمی داکارہکو کنڑا، تیلگو اور تمل میں اداکاری کرچکی ہیں۔ وہ سب سے پہلے 2010ء میں پوری جگن ناتھ کی تیلگو فلم پوکیری اور سلمان خان کی ہندی فلم وانٹیڈ ،کے کنڑا زبان کے ری میک پوکری میں نظر آئیں، ان کی یہ پہلی فلم ہٹ رہی۔ اس کے بعد وہ سدھارتھ نارائن کے ساتھ تیلگو فلم باوا میں اداکاری کی جس کی کامیابی سے انھوں نے تیلگو فلموں میں مقام بنایا۔ ان کی دیگر مشہو رفلموں میں پون کلیان اور سامنتھا روتھ پربھو کے ساتھ اٹرنٹکی دریدی، این ٹی آر جونئیر اور سامنتھا روتھ پربھو کے ساتھ رابھسا شامل ہے۔

پرنیتا سبھاش
معلومات شخصیت
پیدائش	17 اکتوبر 1992ء (32 سال)  بنگلور
رہائش	بنگلور
شہریت	بھارت
عملی زندگی
پیشہ	ادکارہ ،  ماڈل
	IMDB پر صفحہ

ابتدائی زندگی

پرانیتا سبھاش 17 اکتوبر 1992ء کو بھارتی ریاست کرناٹک کے شہر بینگلور میں پیدا ہوئیں۔ ان کے والد وشواناتھم نائر ایک ڈاکٹر ہیں اور والدہ اوشا نائر بھی گائنالوجسٹ ہیں۔ جو بینگلور میں ایک اسپتال چلاتے ہیں۔ پرانیتا اپنے والدین کی اکلوتی اولاد ہیں۔ پرانیتا کی مادری زبان ہندی ہے۔ مگر وہ تیلگواور کنڑا زبان میں بھی عبور رکھتی ہیں۔ پرانیتا نے ابتدائی تعلیم آرین پیریزیڈنٹی اسکول سے حاصل کی اور پھر بینگلور یونیورسٹی سے ڈگری حاصل کی ۔

کیرئیر

پرانیتا سیلیبریٹی کرکٹ لیگ میں کرناٹک بلڈوزر کے میچ کے موقع پر

ماڈلنگ

پرانیتا ابھی یونیورسٹی میں زیر تعلیم ہی تھیں کہ انھیں مختلف اشتہارات میں ماڈلنگ کے آفر آنے لگے، جلد ہی وہ کئی مشہور کمپنیوں کی برانڈ ایمبیسڈر بن گئیں جن میں الوکاز جیولری، آر کے ایس گرینڈ شاپنگ مال، ایس وی بی سِلک، بمبئی جیولرز، شری لکشمی جیولرز شامل ہیں۔ اس کے علاوہ وہ سیلیبریٹی کرکٹ لیگ سیزن 3 کی ٹیم کرناٹک بلڈوزر کی بھی برانڈ ایمبیسڈر رہیں۔

فلمیں

ماڈلنگ کے دوران ہی پرانیتا کو مختلف فلموں کی آفر آئیں، جن میں ان کی پہلی فلم 2010 ء میں پوری جگن ناتھ کی تیلگو فلم پوکری اور سلمان خان کی ہندی فلم وانٹیڈ ،کے کنڑا زبان کے ری میک ’’پوکری ‘‘میں نظر آئیں، ان کی یہ پہلی فلم زبردست ہٹ رہی۔ پوکری کی کامیابی کے بعد انھیں کئی کنڑا فلموں کی آفر آئی مگر انھوں نے سب کو چھوڑ کر تیلگو فلم انڈسٹری کی طرف قدم بڑھایا جہاں ان کی پہلی فلم ’’ایم پللو ایم پلادو‘‘ کامیاب تو نہ ہوپائی مگر اسی سال ریلیز ہونے والی سدھارتھ نارائن کے ساتھ دوسری تیلگوفلم باوا کافی کامیاب رہی۔ جس کی کامیابی سے انھوں نے تیلگو فلموں میں ایک مقام بنالیا۔ اس کے بعد انھوں نے تمل فلموں میں قسمت آزمائی جہاں ان کی پہلی فلم اُدھیان اوسط درجے کی رہی۔ چنانچہ پرانیتا دوبارہ کنڑا فلموں کی طرف لوٹی اور دھُنیا وجے کے ساتھ دو فلموں ’’جراسندھا‘‘ اور ’’بھیما تھراڈللی‘‘ میں کام کیا۔ بھیما تھراڈللی فلم بھارت کے وسطی اور مشرقی علاقوں کے کمیونسٹ باغی تحریک نیکسیلائٹ قبائل پر مبنی تھی، اس فلم میں پرانیتا کو فلم فئیر ایوارڈ اور سییما ایوارٖڈ میں بہترین اداکارہ کے لیے نامزد گی بھی ملی ۔ ان کی اگلی تمل فلم اداکار کارتھی کے ساتھ سگوتی تھی جو ہٹ ہوئی یوں وہ تمل انڈسٹری میں بھی مقبول ہوگئیں۔ اس کے بعد انھوں تین کنڑا فلموں میں کامکیا جس میں ملٹی اسٹارر فلم ’’سنیہیتارو‘‘ اور تمل فلم پیزا کے ریمیک ’’وِسل‘‘ کی کارکردگی اچھی رہی جبکہ ’’مسٹر 420‘‘ خاص اثر نہ دکھاسکی۔

2013ء کے اواخر میں پرانیتا سبھاش کے کیرئیر کو ایک اہم موڑ ملا، جب انھیں بڑے بجٹ کی فلم ’’اٹرنٹکی دریدی‘‘ میں پون کلیان، سامنتھ روتھ پربھو اور بومن ایرانی کے ساتھ کام کرنے کا موقع ملا۔ یہ فلم اس وقت کی تیلگو کی سب سے زیادہ کمائی کرنے والی فلم رہی، جس کا ریکارڈ 2015ء میں فلم باہوبلی نے توڑا۔

فلموگرافی

کلید

†	فلم ابھی زیر تکمیل ہے

سال	فلم	کردار	زبان	ساتھی فنکار	ماخوذ از / ری میک /ہندی ڈب	ایوارڈ / تبصرہ
2010ء	پوکری	انجلی	کنڑا	درشن، اشیش ودھیارتھی	ماخوذ از تیلگو پوکری (مہیش بابو) ہندی ڈب: میں ہوں وانٹیڈ
2010ء	اِم پللو اِم پلادو	بدرم	تیلگو	تنش، آہوتی پرساد
2010ء	باوا	ورالکشمی	تیلگو	سدھارتھ نارائین، راجیندر پرساد، برہمانندم	ہندی ڈب: میویر دا فائیٹر
2011ء	اُدھیان	پریا	تمل	ارُولنتھی، اشیش ودھیارتھی، سنتھنم	ہندی ڈب: جو جیتا وہی ارجن
2011ء	جراسندھا	سامنتھا	کنڑا	دُھنیا وجے، رنگیانا رگھو،	ہندی ڈب: جراسندھا
2012ء	بھیما تھیراڈللی	بھیماوا	کنڑا	دُھنیا وجے، اُوماشری،		نامزد: فلم فئیر ایوارڈ، بہترین اداکارہ۔ کنڑا نامزد: سییما ایوارڈ، بہترین اداکارہ
2012ء	سگُونی	سری دیوی	تمل	کارتھی، سنتھنم، پرکاش راج ،	ہندی ڈب: لیڈر
2012ء	سنیہی تارو	انجلی	کنڑا	وجے رگھوویندر، ترون چندرا
2012ء	مسٹر 420	رُکمنی	کنڑا	گنیش، رنگیانا رگھو
2013ء	وِسل	انو	کنڑا	چرن جیوی سرجا، گُروپرساد	ماخوذ از تیلگو پیزا	نامزد: سییما ایوارڈ، بہترین اداکارہ
2013ء	اٹرنٹکی دریدی	پرامیلا	تیلگو	پون کلیان، سامنتھا روتھ پربھو، بومن ایرانی	ہندی ڈب: ڈیرنگ باز	سنتوشم جیوری ایوارڈ سییما ایوارڈ، سال کا بہترین چہرہ نامزد: فلم فئیر ایوارڈ، بہترین معاون اداکارہ۔ تیلگو
2014ء	انگارکا	پریا	کنڑا	پراجوال دیوراج، اویناش، جے جگدیش
2014ء	پانڈاوولو پانڈاوولو تھومیدا	کُچلا کماری/کوکو	تیلگو	موہن بابو، وشنو منچو، روینہ ٹنڈن، ہنسیکا موٹوانی	ماخوذ از : گول مال 3 (اجے دیوگن)
2014ء	برہما	پرانیتا	کنڑا	اُپیندرا، نصر، شیاجی شنڈے	ہندی ڈب: میدی رئیل لیڈر برہما	نامزد: سییما ایوارڈ، بہترین اداکارہ
2014ء	رابھسا	بھاگیم	تیلگو	این ٹی آر جونئیر، سامنتھا روتھ پربھو، پرکاش راج
2015ء	ماس	انورادھا	تمل	سوریا، نین تارا،
2015ء	ڈائنامائٹ	انامیکا	تیلگو	وشنو مانچو، جے ڈی چکررورتی
2015ء	آ سیکنڈ ہینڈ لور		کنڑا	اجے راؤ، راماکرشنا، انیش امبروز
2015ء	†چُوٹالابھائی		تیلگو			زیر تکمیل
2015ء	†برہموتسوم (عظیم خوشی)		تیلگو	مہیش بابو، سامنتھا روتھ پربھو، تمنا بھاٹیہ ،		زیر تکمیل

مزید دیکھیے

• بھارتی فلمی اداکارا ؤں کی فہرست

فہرست جنوبی بھارتی فلم اداکارائیں

• انوشکا شیٹی
• کاجل اگروال
• ترشا کرشنن
• تمنا بھاٹیہ
• شریا سرن

• شروتی ہاسن
• الیانا ڈی کروز
• سامنتھا روتھ پربھو
• تاپسی پنوں
• نین تارا

• امالا پال
• آسین
• ہنسیکا موٹوانی
• چارمی کور
• کاویری جھا

• ایمی جیکسن
• جینیلیا ڈی سوزا
• انجانا سکھانی
• پریامنی
• آرتی اگروال

• انجلی (اداکارہ)
• پرانیتا سبھاش
• دکشا سیٹھ
• ممتا موہنداس
• ریچا گنگوپادھیائے

بیرونی روابط

• انٹرنیٹ مووی ڈیٹابیس (IMDb) پر پرنیتا سبھاش
• پرنیتا سبھاش فیس بک پر  
• پرنیتا سبھاش ٹویٹر پر 

حوالہ جات

 یہ ایک نامکمل مضمون ہے۔ آپ اس میں اضافہ کر کے ویکیپیڈیا کی مدد کر سکتے ہیں۔