مکی اور مدنی سورتیں

مکہ اور مدینہ وحی اور آیات الہی کے نزول کا مہبط ہیں۔ اسی بنا ان دو مقامات پر نازل ہونے والی آیات کی شناخت اسلام کی پہلی صدیوں کے مسلمانوں کی توجہ کا مرکز تھی اور ظاہر ہے کہ ہمارے زمانے تک ـ تمام تر نشیب و فراز طے کرنے کے بعد ـ یہ موضوع پھر بھی مسلمانوں کی توجہ کو اپنی جانب مبذول کرا رہا ہے۔ یہ کہ مکی اور مدنی آیات اور سورتیں کون سی ہیں، ان دو ادوار کی شناخت کا معیار اور ان دو کی تشخیص کے پیمانے کیا ہیں اور مکی اور مدنی آیات کی خصوصیات کیا ہیں؟ اور مکی اور مدنی آیات تک کی شناخت و تشخیص تک پہنچنے کے راستے کیا ہیں؟، "علم المکی والمدنی" [=مکی اور مدنی کی شناخت کے علم] کے اہم ترین موضوعات و مباحث ہے اس مہم کو سر کرنے کی دانش علوم قرآن کی شریف ترین اور مفید ترین شاخوں میں سے ہے۔

سب نے کہا ہے کہ مدنی سورتوں کی تعداد 20 ہے، 12 سورتوں کے مدنی اور مکی ہونے میں اختلاف ہے اور باقی سورتیں (جن کی تعداد 72 ہے) مکی ہیں۔

مدنی سورتوں کی تعداد جس پر سب کا اتفاق ہے:

1. سورہ بقرہ،
2. سورہ مائدہ،
3. سورہ نور،
4. سورہ فتح،
5. سورہ مجادلہ،
6. سورہ جمعہ،
7. سورہ تحریم،
8. سورہ آل عمران،
9. سورہ انفال،
10. سورہ احزاب،
11. سورہ حجرات،
12. سورہ حشر،
13. سورہ منافقون،
14. سورہ نصر،
15. سورہ نساء،
16. سورہ توبہ،
17. سورہ محمد،
18. سورہ حدید،
19. سورہ ممتحنہ،
20. سورہ طلاق.

وہ سورتیں جن کے مکی اور مدنی ہونے میں اختلاف ہے [جن میں سے بعض کے بارے میں کہا گیا ہے کہ دو بار نازل ہوئی ہیں]:

1. سورہ فاتحہ،
2. سورہ صف،
3. سورہ رعد،
4. سورہ تغابن،
5. سورہ رحمن،
6. سورہ مطففین،
7. سورہ قدر،
8. سورہ بینہ،
9. سورہ زلزال،
10. سورہ اخلاص،
11. سورہ فلق،
12. سورہ ناس۔

اس حساب سےقرآن کی باقی ماندہ سورتیں مکی محسوب ہوتی ہیں جن کی تعداد 82 ہے۔

مکی اور مدنی کی شناخت کے معیارات

اس سلسلے میں علما کو تین زمروں میں تقسیم کیا جاتا ہے جنھوں نے اس مہم کے لیے اپنا خاص معیار مشعل راہ قرار دیا ہے:

1. وقت کا معیار: بعض نے کہا ہے کہ جو کچھ بھی ہجرت سے قبل نازل ہوا ہے وہ مکی ہے اور جو کچھ ہجرت کے بعد نازل ہوا ہے وہ مدنی ہے۔
2. مقام کا معیار: بعض نے کہا ہے کہ جو کچھ بھی مکہ میں نازل ہوا ہے وہ مکی ہے اور جو کچھ بھی مدینہ میں نازل ہوا ہے وہ مدنی ہے؛ جو کچھ مکہ کے نواحی علاقوں میں نازل ہوا ہے وہ مکی ہے اور جو کچھ مدنیہ کے نواحی علاقوں میں نازل ہوا ہے وہ مدنی ہے۔
3. مخاطَب کا معیار بعض نے ان لوگوں کو مورد توجہ ٹہرایا ہے جن کو وحی میں مورد خطاب ٹہرایا گیا ہے اور کہا ہے کہ وہ سب کچھ جس کا خطاب اہلیان مکہ سے ہے وہ مکی ہے اور وہ سب کچھ جس کا خطاب اہلیان مدینہ سے ہے وہ مدنی ہے۔ اس خطاب کی تشخیص کا معیار یہ ہے کہ جہاں عبارت "یا ایہا الناس" آئی ہے وہاں خطاب اہلیان مکہ سے ہے اور جہاں عبارت "یا ایہا الذین آمنوا" آئی ہے وہاں خطاب اہلیان مدینہ سے ہے۔

چنانچہ زیادہ تر معاصر قرآنی محققین نے کہا ہے کہ بہترین اور باضابطہ ترین تقسیم اول الذکر تقسیم ہے۔

مکی اور مدنی تک پہنچنے کی روشیں اور راہیں

1. ان آیات کی شناخت کا اہم ترین راستہ رسول اللہ(ص)، ائمۂ معصومین(ع) کور صحابہ کی منقول سنت ہے۔ اس سلسلے میں معتبر احادیث اور روایات کی شناخت بہت اہم اور ضروری ہے اور وہ یوں کے علم درایۃ الحدیث کے مطابق ہوں۔
2. چونکہ اول الذکر روش (یعنی نقلی و روائی روش) کافی نہ تھی لہذا محققین نے قیاسی ـ اجتہادی [= اجتہادی اور عقلی] روشوں کا سہارا لیا ہے۔ محقق کو اس سلسلے میں سب کے نزدیک قابل قبول مکی اور مدنی آیات کا جائزہ لینا پڑتا ہے؛ بعد ازاں ان آیات کے بارے میں اجتہاد کی راہ پر گامزن ہونا پڑتا ہے جن کے مکی اور مدنی ہونے میں اختلاف ہے اور مذکورہ آیات کے قیاس سے اختلافی آیات کو مکی یا مدنی قرار دینا پڑتا ہے۔

مکی و مدنی کے ضوابطِ تسمیہ

بعض سورتوں کی تمام آیتیں (اول الذکر معیار کے مطابق) مکی اور ان میں بعض کی تمام آیتیں مدنی ہیں؛ تاہم بعض سورتوں کی ابتدائی آیات مکہ میں اور باقی آیات مدینہ میں نازل ہوئی ہیں۔ اس صورت میں غالب آیات (یعنی آیات کی تعداد کی اکثریت) کو مد نظر رکھا جاتا ہے۔ البتہ بعض محققین نے صرف ابتدائی آیات کو مد نظر رکھا ہے اور اسی اساس پر مکی اور مدنی سورتوں کا نام رکھا ہے۔

مکی اور مدنی سورتوں خصوصیات

مکی سورتوں کی خصوصیات

1. آیات سجدہ ان سورتوں میں مندرج ہیں؛
2. جس سورت میں لفظ "کلّا [=ہرگز]" آیا ہے وہ مکی ہے؛
3. جن سورتوں کا آغاز حروف مقطعہ/ حروف تہجی ـ جیسے: الم، الر، طسم، حم، "ق" اور "‌ن" وغیرہ، ـ سے ہوتا ہے وہ مکی ہیں؛
4. مکی سورتیں چھوٹی ہیں؛
5. مکی آیات کی تاکید زیادہ تر توحید اور یکتا پرستی اور معاشرے کے بت پرستی اور شرک سے پاک کرنے جیسے موضوعات پر ہے؛
6. ان آیات میں کم ہی کوئی قانون سازی ہوئی ہے اور کم ہی شرعی احکام وضع ہوئے ہیں؛
7. ان آیات میں انبیاء کے حالات زندگی اور ان کے قصص کو زیادہ توجہ دی گئی ہے؛
8. اس دور کی آیات حیرت انگیز اعجاز و بلاغت سے بہرہ ور ہیں؛
9. ان سورتوں میں خاص قسم کے خطابات ـ جیسے "‌یا بنی آدم" اور "یا ایہا الناس‌" ـ پائے جاتے ہیں۔

مدنی سورتوں کی خصوصیات

1. فرائض اور حدود کو ان سورتوں میں بیان کیا گیا ہے؛
2. مدنی سورتیں طویل ہیں؛
3. بڑی اور طویل آیتوں کی حامل ہیں؛
4. شہری، عدلی، معاشرتی اور حکومتی قوانین نیز جنگ و صلح کے قوانین مدنی آیات کی اہم ترین خصوصیت سمجھے جاتے ہیں؛
5. یہ آیات "‌یا ایہا الذین آمنوا" جیسے خطاب کی حامل ہیں؛
6. ان آیات میںاہل کتاب کے فاسد عقائد کی تشریح ہوئی ہے اور ان کو اسلام کی دعوت کے مسئلے پر تاکید ہوئی ہے؛
7. منافقین کے حالات اور اقدامات کا بیان اور ان کے سامنے مسلمانوں اور پیغمبر اسلام(ص) کا موقف بھی ان آیات کی خصوصیات میں سے ہے۔

یہ خصوصیات کی نوعیت قطعی اور 100 فیصد نہیں ہے اور ہر خصوصیت کے لیے ایک استثناء کا پایا جانا بھی ممکن ہے۔ مثال کے طور پر سورہ بقرہ میں حضرت آدم(ع) کا قصہ بیان ہوا لیکن یہ سورت مکی نہیں ہے؛ حالانکہ مندرجہ بالا قواعد کے مطابق اس کو مکی ہونا چاہیے تھا؛ اور سورہ نصر با وجود اس کے مجموعی طور پر بھی چھوٹی ہے اور اس کی آیتیں بھی چھوٹی ہیں اور مکی آیات سے بہت زیادہ مشابہت رکھتی ہے لیکن مکی نہیں ہے بلکہ مدینہ میں نازل ہوئی ہے۔

مکی اور مدنی سورتوں کی شناخت کے فوائد

1. تفسیر قرآن کے لیے مدد: چونکہ آیات کے ظرائف و اشارات کی فہم اور ادراک کا مقام نزول سے قریبی تعلق ہے چنانچہ مکی اور مدنی آیات کی شناخت ہر مفسر کے لیے ضروری ہے۔
2. ناسخ و منسوخ کی شناخت: چونکہ ناسخ و منسوخ کی شناخت ـ جو قابل بحث ترین اور حساس ترین علوم قرآنی میں شمار ہوتی ہے ـ آیات سابقہ [=پہلے نازل ہونے والی آیات] اور آیات مسبوقہ [= بعد میں نازل ہونے والی آیات] کی شناخت کی محتاج ہے، لہذا مکی اور مدنی آیات کی شناخت ناسخ و منسوخ کی شناخت کے لیے مقدمہ اور تمہید سمجھی جاتی ہے؛
3. تشریع اور قانون سازی کے ارتقائی سفر کی شناخت؛
4. نزول قرآن کی کیفیت سے آگہی نیز اسباب نزول کی شناخت اور دانش ـ جو بذات خود علوم قرآنی میں سے ایک ہے ـ میں مدد؛
5. سیرت نبوی سے متعلق اختلافات کا خاتمہ۔

ایک غیر بنیادی مگر ضروری بحث ان آیات کی شناخت ہے جو مکہ میں نازل ہوئی ہیں لیکن ان میں مندرجہ احکام مدینہ میں نافذ العمل ہیں یا اس کے برعکس وہ آیات جو مدینہ میں نازل ہوئی ہیں لیکن ان میں متذکرہ حکم مکہ میں نافذ العمل ہے۔ نیز ان آیات کی شناخت جو سفر میں یا پھر حضر میں نازل ہوئی ہیں؛ اور وہ آیات جو سردیوں میں یا پھر گرمیوں میں نازل ہوئی ہیں؛ اور وہ آیات جو راتوں کو نازل ہوئی ہیں یا جو دنوں کو نازل ہوئی ہیں؛ اور ان مکی آیات کی شناخت جو مدنی آیات سے شباہت رکھتی ہیں اور وہ جو مدنی ہیں ہیں لیکن مکی آیات کے شبیہ ہیں؛ بھی اس علم کے موضوعات و مباحث میں سے ہیں۔

منابع

• دانشنامه قرآن و قرآن پژوهی، ج2، به کوشش بهاء الدین خرمشاهی، تهران: دوستان-ناهید، 1377ہجری شمسی۔

سورتوں کی فہرست

نمبرشمار	الفبائی ترتیب	نام	آیات کی تعداد	ترتیب نزول	مکی/مدنی
1	63	فاتحہ	7	5	مکی
2	16	بقرہ	286	87	مدنی
3	1	آل عمران	200	89	مدنی
4	104	نساء	176	92	مدنی
5	84	مائدہ	120	112	مدنی
6	12	انعام	165	55	مکی
7	7	اعراف	206	39	مکی
8	13	انفال	75	88	مدنی
9	23	توبہ	129	113	مدنی
10	114	یونس	109	51	مکی
11	110	ہود	123	52	مکی
12	113	یوسف	111	53	مکی
13	37	رعد	43	96	مدنی
14	2	ابراہیم	52	72	مکی
15	30	حِجر	99	54	مکی
16	103	نحل	128	70	مکی
17	6	اسراء	111	50	مکی
18	80	کہف	110	69	مکی
19	90	مریم	98	44	مکی
20	54	طہ	135	45	مکی
21	9	انبیاء	112	73	مکی
22	29	حج	78	103	مدنی
23	98	مؤمنون	118	74	مکی
24	108	نور	64	102	مدنی
25	67	فرقان	77	42	مکی
26	45	شعراء	227	47	مکی
27	106	نمل	93	48	مکی
28	75	قصص	88	49	مکی
29	60	عنکبوت	69	85	مکی
30	38	روم	60	84	مکی
31	82	لقمان	34	57	مکی
32	43	سجدہ	30	75	مکی
33	3	احزاب	73	90	مدنی
34	42	سبأ	54	58	مکی
35	64	فاطر	45	43	مکی
36	112	یس	83	41	مکی
37	49	صافات	182	56	مکی
38	48	ص	88	38	مکی
39	41	زمر	75	59	مکی
40	62	غافر	85	60	مکی
41	68	فصّلت	54	61	مکی
42	47	شوری	53	62	مکی
43	39	زخرف	89	63	مکی
44	34	دخان	59	64	مکی
45	25	جاثیہ	37	65	مکی
46	4	احقاف	35	66	مکی
47	87	محمد	38	95	مدنی
48	65	فتح	29	111	مدنی
49	31	حجرات	18	106	مدنی
50	71	ق	45	34	مکی
51	35	ذاریات	60	67	مکی
52	55	طور	49	76	مکی
53	102	نجم	62	23	مکی
54	77	قمر	55	37	مکی
55	36	الرحمن	78	97	مدنی
56	111	واقعہ	96	46	مکی
57	32	حدید	29	94	مدنی
58	86	مجادلہ	22	105	مدنی
59	33	حشر	24	101	مدنی
60	96	ممتحنہ	13	91	مدنی
61	50	صف	14	109	مدنی
62	26	جمعہ	11	110	مدنی
63	97	منافقون	11	104	مدنی
64	20	تغابن	18	108	مدنی
65	53	طلاق	12	99	مدنی
66	19	تحریم	12	107	مدنی
67	95	مُلک	30	77	مکی
68	76	قلم	52	2	مکی
69	28	حاقہ	52	78	مکی
70	94	معارج	44	79	مکی
71	107	نوح	28	71	مکی
72	27	جن	28	40	مکی
73	91	مزّمّل	20	3	مکی
74	88	مدثر	56	4	مکی
75	78	قیامہ	40	31	مکی
76	10	انسان	31	98	مدنی
77	89	مرسلات	50	33	مکی
78	101	نبأ	40	80	مکی
79	99	نازعات	46	81	مکی
80	57	عبس	42	24	مکی
81	22	تکویر	29	7	مکی
82	14	انفطار	19	82	مکی
83	93	مطففین	36	86	مکی
84	11	انشقاق	25	83	مکی
85	15	بروج	22	27	مکی
86	52	طارق	17	36	مکی
87	8	اعلی	19	8	مکی
88	61	غاشیہ	26	68	مکی
89	66	فجر	30	10	مکی
90	17	بلد	20	35	مکی
91	46	شمس	15	26	مکی
92	83	لیل	21	9	مکی
93	51	ضحی	11	11	مکی
94	44	شرح	8	12	مکی
95	24	تین	8	28	مکی
96	59	علق	19	1	مکی
97	73	قدر	5	25	مکی
98	18	بینہ	8	100	مدنی
99	40	زلزلہ	8	93	مدنی
100	56	عادیات	11	14	مکی
101	72	قارعہ	11	30	مکی
102	21	تکاثر	8	16	مکی
103	58	عصر	3	13	مکی
104	109	ہمزہ	9	32	مکی
105	70	فیل	5	19	مکی
106	74	قریش	4	29	مکی
107	85	ماعون	7	17	مکی
108	81	کوثر	3	15	مکی
109	79	کافرون	6	18	مکی
110	105	نصر	3	114	مدنی
111	92	مسد	5	6	مکی
112	5	اخلاص	4	22	مکی
113	69	فلق	5	20	مکی
114	100	ناس	6	21	مکی