کاجول دیوگن مکھرجی

کاجول (بنگلہ زبان : কাজল দেবগন Kajol Debgon)، ہندی فلموں کی ایک مشہور اداکارہ ہیں، کاجول پانچ اگست 1974 کو ہندوستانی ریاست مہارشٹرا کے شہر ممبئی میں پیدا ہوئیں، ان کی والدہ اداکار تنوجا مراٹھی تھیں اور نانی شوبھنا سمرتھ بھی اداکارہ تھیں۔ کاجول کے والد شومُو مکھرجی - جو دل کے عارضے میں گرفتارہونے کے بعد سن 2008 میں انتقال کر گئے تھے ، ایک فلم ہدایتکار اور فلمساز تھے۔ ان کی چھوٹی بہن تنشا بھی اب فلموں میں کام کر رہی ہیں ۔کاجل کی پھوپھو ، جوہی مکھرجی اور دیب مکھرجی ، فلمساز ہیں، جبکہ ان کے پھوپھو اور دادا ، بالترتیب ، ششادھر مکھرجی اور کمارسن سمرت ، فلمساز تھے ۔ کاجول کی کزنز رانی لمکھرجی ، شربنی مکھرجی اور موہنیش بہل بھی بالی ووڈ اداکار ہیں جبکہ ایان مکھرجی ایک ہدایتکار ہیں۔ سنہ 2019 میں ایک انٹرویو کے دوران ، کاجل نے بتایا کہ وہ انگریزی ، ہندی اور مراٹھی بولتی ہیں اور "بنگالی زبان کو سمجھ سکتی ہیں"۔

کاجول
(انگریزی میں: Kajol)
کاجول کرن جوہر کی 40ویں سالگرہ بیش تاج لیندز اینڈ پر، 25 مئی 2012۔
معلومات شخصیت
پیدائش	(1974-08-05) 5 اگست 1974 ممبئی، مہاراشٹر، بھارت
شہریت	بھارت
آنکھوں کا رنگ	بنفشی
بالوں کا رنگ	سیاہ
قد	1.61 میٹر
وزن	57 کلو گرام
شریک حیات	اجے دیوگن (شادی۔1999–تاحال)
اولاد	2
تعداد اولاد	2
والدین	شومو مکھرجی تنوجا
والد	شومو مکھرجی
والدہ	تنوجہ
بہن/بھائی	تنیشا مکھرجی
عملی زندگی
مادر علمی	متھی بائی کالج
پیشہ	فلمی اداکارہ
پیشہ ورانہ زبان	ہندی
دور فعالیت	1992–2001, 2006–2010
کارہائے نمایاں	دل والے دلہنیا لے جائیں گے ،  کچھ کچھ ہوتا ہے ،  کبھی خوشی کبھی غم ،  دیوی ،  فنا ،  مائی نیم اِز خان ،  عشق (1997ء فلم)
اعزازات
فنون میں پدم شری   (2011) فلم فیئر اعزاز برائے بہترین اداکارہ (برائے:مائی نیم اِز خان ) (2011) فلم فیئر اعزاز برائے بہترین اداکارہ (برائے:فنا ) (2007) فلم فیئر اعزاز برائے بہترین اداکارہ (برائے:کبھی خوشی کبھی غم ) (2002) فلم فیئر اعزاز برائے بہترین اداکارہ (برائے:کچھ کچھ ہوتا ہے ) (1999) فلم فئیر اعزاز برائے بہترین منفی اداکاری (برائے:Gupt: The Hidden Truth ) (1998) فلم فیئر اعزاز برائے بہترین اداکارہ (برائے:دل والے دلہنیا لے جائیں گے ) (1996)
دستخط
	IMDB پر صفحہ

ابتدائی زندگی اور تعلیم

کاجول خود کو بچپن میں "انتہائی شرارتی" بیان کرتی ہیں، وہ بہت چھوٹی عمر سے ہی بہت ضدی اور دلکش تھیں ۔ جب وہ جوان ہوئیں تو ان کے والدین الگ ہو گئے تھے لیکن تنوجا کے مطابق کاجول اس تقسیم سے متاثر نہیں ہوئی تھیں کیونکہ "ہم نے [اس کے] سامنے کبھی بھی بحث نہیں کی" ۔ کاجول کی دیکھ بھال ان کی دادی کی نانی کرتی تھی ، جنھوں نے

"مجھے کبھی یہ محسوس نہیں ہونے دیا کہ میری والدہ مجھ سے دور رہ کر کام کر رہی ہیں ۔"

کاجول کے مطابق ، اس کی والدہ نے بہت چھوٹی عمر میں ہی اس میں آزادی کا جذبہ پیدا کر دیا تھا۔ دو الگ الگ ثقافتوں کے مابین پرورش پزیر ہونے پر ، اسے اپنی والدہ سے "مہاراشٹری عملیت پسندی" اور اپنے والد سے "بنگالی مزاج" ورثہ میں ملا ۔ کاجول کی تعلیم بورڈنگ اسکول میں ہوئی جس کا نام سینٹ جوزف کانونٹ اسکول ، پانچگانی ہے۔ اپنی تعلیم کے علاوہ ، اس نے غیر نصابی سرگرمیوں ، جیسے رقص میں بھی حصہ لیا ۔

کیریئر

کاجول نے اپنے فلمی سفر کا آغاز 1992 میں فلم 'بے خودی' سے کیا، جس میں انھوں نے رادھا کا کردار اداکیا تھا، اس فلم کو باکس آفس پر کوئی خاص کامیابی نہ مل سکی، اس فلم کو باکس آفس پر کوئی خاص کامیابی نہ مل سکی لیکن اس فلم نے انھیں شہرت کی بلندیوں پر پہنچا دیا۔ جبکہ 1993 میں فلم بازیگر میں انھوں نے پہلی بار بولی وڈ کنگ شاہ رخ خان کے ساتھ اپنی بے ساختہ اداکاری کے جوہر دکھائے اور فلم کو باکس آفس پر شاندار کامیابی حاصل ہوئی۔ بازیگر، یہ دل لگی، دل والے دلہنیا لے جائیں گے، عشق، دشمن، پیار کیا توڈرنا کیا، کچھ کچھ ہوتا ہے، کبھی خوشی کبھی غم، فنا، یو می اور ہم، وی آر فیملی اور مائی نیم از خان کاجول کی مشہور فلمیں ہیں۔

24 فروری 1999میں کاجول نے اداکار اجے دیوگن کو زندگی کا ساتھی بنا لیا۔ ان کی ایک چھوٹی بیٹی ہے جس کا نام نيسا ہے اور ایک بیٹا جس کا نام یُگ ہے۔ وہ اجے دیو گن اور اپنے 2 بچوں کے ساتھ خوش وخرم زندگی گزار رہی ہیں۔

کاجول کے نام کل 6 فلم فیئر ہیں، جن میں سے 5 بہترین اداکارہ کے ایوارڈ ہیں جو خود ایک ریکارڈ ہے، یہ ریکارڈ اداکارہ نوتن کو بھی حاصل ہے جو کاجول کی سگی خالہ ہیں۔ کاجول نے منفی کردار بھی بخوبی نبھائے جن میں فلم 'گپت' بھی شامل ہے جس کے لیے انھیں بہترین منفی کردار (ویلن) کے فلم فئیر ایوارڈ سے بھی نوازا گیا۔ کاجول کو2011 میں ہندوستان کے سب سے بڑے سویلین اعزاز پدما شری سے بھی نوازا گیا۔