ریکھا

بھنوریکھا گنیسان (ولادت: 10 اکتوبر 1954) ایک بالی وڈ فلمی اداکارہ ہیں۔ وہ اپنی استقامت کے لیے مشہور ہیں اور ان کو ہندوستانی سنیما کی بہترین اداکاراؤں میں سے ایک مانا جاتا ہے۔ انہوں نے 180 سے زیادہ ہندی فلموں میں کام کیا ہے اور قومی فلم ایوارڈ اور تین فلم فیئر ایوارڈز جیت چکی ہیں۔

ریکھا
(ہندی میں: रेखा)
معلومات شخصیت
پیدائش	10 اکتوبر 1954ء چنئی
رہائش	حیدر آباد
شہریت	بھارت
نسل	بھارتی شہری
قد
جماعت	آزاد سیاست دان
شریک حیات	مکیش اگروال (شادی. 1990; وفات. 1990)
والد	جیمنی گنیشن
والدہ	پشپ دیوی
رشتے دار	ساویتری (سوتیلی ماں) کملا سیلوراج (سوتیلی بہن) شبھا (کزن) ویدنتم راگھوایہ (چاچا)
عملی زندگی
پیشہ	سیاست دان،  پس پردہ گلوکار،  موسیقار،  ادکارہ،  فلم اداکارہ
پیشہ ورانہ زبان	ہندی،  تمل،  تیلگو
کارہائے نمایاں	خوبصورت،  خون بھری مانگ،  امراؤ جان
اعزازات
ایفا حاصل زیست اعزاز (2012)  فنون میں پدم شری  (2010) بولی ووڈ فلم اعزاز-بہترین معاون اداکارہ (برائے:کوئی۔۔۔ مل گیا) (2004) فلم فیئر حاصل زیست اعزاز (2003) فلم فیئر اعزاز برائے بہترین معاون اداکارہ (برائے:کھلاڑیوں کا کھلاڑی) (1997) فلم فیئر اعزاز برائے بہترین اداکارہ (برائے:خون بھری مانگ) (1989) قومی فلم اعزاز برائے بہترین اداکارہ (برائے:امراؤ جان) (1982) فلم فیئر اعزاز برائے بہترین اداکارہ (برائے:خوبصورت) (1981) زی ساین حاصل زیست اعزاز سکرین اعزاز برائے بہترین ولن  پدم شری اعزاز
دستخط
	IMDB پر صفحہ

ابتدائی زندگی

ریکھا 10 اکتوبر 1954 کو تمل ناڈو کے شہر مدراس میں پیدا ہوئیں۔ وہ تیلگو اداکارہ پشپاویلی اور تمل اداکار جیمنی گنیسن کی اولاد ہیں جب ریکھا پیدا ہوئیں تھیں تو یہ جوڑا غیر شادی شدہ تھا۔ریکھا کی ایک چھوٹی بہن ، رادھا (ولادت 1956) ہے۔

ریکھانے 15 سال کی عمر میں تیلگو فلموں سے اپنا فلمی سفر شروع کیا۔ حالانکہ انہیں اپنی فلمی زندگی میں بے حد جدوجہد کرنی پڑی۔

امراؤ جان

یوں تو ریکھا نے ہندی کی متعدد کامیاب فلموں میں کام کیا۔ لیکن ان کی فلمی زندگی میں سنہ 1981 میں بڑا موڑ آیا۔ جب انہوں نے فلم ‘ امراﺅ جان ’ میں طوائف کا کردار ادا کیا اور اس کردار کو ناقابل فراموش بنا دیا۔ ریکھا نے اس فلم میں ادا کاری کے لیے باقاعدہ اردو زبان سیکھی تھی۔ اسی لیے اشعار و مکالموں کی ادائیگی میں زبردست برجستگی ہے۔ یہ فلم ان کی زندگی میں بہت بڑا موڑ ثابت ہوئی کیونکہ اس کے بعد ان کی کامیابی کو پر لگ گئے۔

دیگر کامیاب فلمیں

ریکھا کی کامیاب فلموں میں ساون بھادو، رام پور کا لکشمن، گورا کالا، کہانی قسمت کی، نمک حرام، دھرم کرم، دھرماتما، اتسو، مقدر کا سکندر، سلسلہ، پیار کی جیت، پھول بنے انگارے، زبیدہ، کوئی مل گیا اور اوم شانتی اوم کے بھی نام لیے جاتے ہیں

خانگی زندگی

ان کی خانگی زندگی بہت ناکام رہی ہے۔ کبھی ان کا معاشقہ فلم اداکار ونود مہرا کے ساتھ تھا اور کبھی امیتابھ بچن کے ساتھ ان کا نام لیا جاتا تھا لیکن شادی انہوں نے دہلی کے ایک بڑے تاجر مکیش اگروال سے سنہ 1990 میں کی تھی لیکن ایک سال بعد ہی مکیش نے خودکشی کر لی۔

اعزازات

بے شمار فلمی ایوارڈز کے ساتھ ساتھ ریکھا کو 2010 میں اعلیٰ ترین شہری اعزاز پدم شری سے نوازاگیا۔

گزشتہ 33 سال سے وہ ہر موقع پر ایک دوسرے سے آنکھیں چراتے ہوئے ملے، لیکن 14 جنوری کو ممبئی میں ا سکرین ایورڈس تقریب کے دوران یہ ’سلسلہ‘ ٹوٹ گیا۔ امیتابھ اور ریکھا اتنے طویل عرصہ بعد پہلی مرتبہ گرمجوشی سے ملتے ہوئے نظر آئے کہ ذرائع ابلاغ خبرجاری کرنے پر مجبور ہو گئے۔ کہتے ہیں کہ’ ہیلو‘ ہوئی ادھر امیتابھ مسکراے تو ادھر ریکھا نے بھی شرماتے ہوئے جوابی تبسم رسید کیا۔ امیتابھ کے ساتھ موجود جیہ نے بھی ریکھا کے ہاتھ پکڑ لیے۔ یہ منظر ہے ممبئی میں منگل کی رات کا جب اسکرین ایورڈس کے دوران میں بچن کنبہ اور ریکھامیں قربت محسوس کی گئی جو سابقہ ملاقاتوں سے قطعی مختلف تھا۔ امیتابھ ابھی تک ریکھا کو دیکھتے ہی آنکھیں چرا لیا کرتے تھے لیکن اس بار ملاقات میں گرمجوشی تھی‘ امیتابھ نے ہیلو کیا تو ریکھا نے بھی جواب کچھ ایسے ہی کہا۔ جیہ اور ریکھا کو گزشتہ کچھ برسوں کے دوران میں اس طرح ملتے ہوئے شاید ہی کبھی دیکھا گیا ہوگا۔ دونوں نے ایک دوسرے کے ہاتھ تھامے ہوئے تھے۔ 80 کی دہائی میں ریکھا اور امیتابھ کے معاشقوں کی خبریں جب منظر عام پر آئی تھیں تو برصغیرمیں جاری ’سوتن‘رقابت کی روایت کے تحت ریکھا اور جیہ کے رشتوں میں تلخی آ گئی تھی۔ حتی کہ 1981 میں فلم سلسلہ کے بعد ریکھا اور امیتابھ کا رشتہ بھی وہیں ختم ہو گیا۔ اس کے بعد ایک دوسرے سے بچ کرچلنے کا نیا سلسلہ شروع ہوا جو اس رات ختم سا محسوس ہوا۔ کہنے والے آج بھی کہتے ہیں کہ امیتابھ کی کامیابی میں جہاں راجیو گاندھی کی قربت کی بدولت اندراگاندھی کے اس تعارفی خط کا دخل ہے جو انھوں نے بالی وووڈ کی اہم شخصیات کو تحریر کیا تھا وہیں یہ بھی کہا جاتا ہے کہ اگر فلم کے پردے پر ریکھا جیسی منجھی ہوئی اداکارہ کا ساتھ امیتابھ کو نہ ملا ہوتا تو شاید وہ اتنی بلندی تک نہیں پہنچ پاتے جہاں سے انھیں خود ریکھا دکھائی دینی بند ہو گئی۔

کتابیات

• Bumiller، Elisabeth (1 June 1991). May You Be the Mother of a Hundred Sons. Penguin Books India. صفحہ 185. ISBN 978-0-14-015671-3. 
• Chaudhuri، Diptakirti (2014). Bollybook: The Big Book of Hindi Movie Trivia (بزبان انگریزی). Penguin UK. ISBN 978-93-5118-799-8. 
• Dasgupta، Rohit K.؛ Datta، Sangeeta (2018). 100 Essential Indian Films (بزبان انگریزی). Rowman & Littlefield. ISBN 978-1-4422-7799-1. 
• Dwyer، Rachel (2005). 100 Bollywood Films (بزبان انگریزی). Lotus Collection, Roli Books. ISBN 978-81-7436-433-3. 
• Gahlot، Deepa (2015). Sheroes: 25 Daring Women of Bollywood (بزبان انگریزی). Westland Limited. صفحات 29–34. ISBN 978-93-85152-74-0. 
• Ganti, Tejaswini (2004). Bollywood: A Guidebook to Popular Hindi Cinema. Routledge. ISBN 978-0-415-28853-8. 
• Gulzar؛ Nihalani، Govind؛ Chatterjee، Saibal (2003). Encyclopaedia of Hindi Cinema (بزبان انگریزی). Popular Prakashan, Encyclopaedia Britannica (India) Pvt. Limited. ISBN 978-81-7991-066-5. 
• K. Jha، Subhash؛ Bachchan، Amitabh (2005). The Essential Guide to Bollywood (بزبان انگریزی). Lustre Press. ISBN 978-81-7436-378-7. 
• Rajadhyaksha، Ashish؛ Willemen، Paul (1999). Encyclopedia of Indian Cinema (بزبان انگریزی). Routledge. ISBN 978-1-135-94325-7. 
• Ray، Bibekananda (2005). Conscience of The Race (بزبان انگریزی). Publications Division Ministry of Information & Broadcasting. ISBN 978-81-230-2661-9. 
• Usman، Yasser (24 August 2016). Rekha: The Untold Story (بزبان انگریزی) (ایڈیشن illustrated). Juggernaut Books. ISBN 9788193284186. 

مزید پڑھیے

• Simi Garewal, Rekha. (3 June 2004). Rendezvous With Simi Garewal. [Television production]. India: STAR World. 
• Raheja, Dinesh (17 May 2003). "Rekha: The divine diva". ریڈف ڈاٹ کوم. اخذ شدہ بتاریخ 27 فروری 2011. 
• Verma, Sukanya (10 October 2001). "An enigma called Rekha". Rediff.com. اخذ شدہ بتاریخ 20 جولا‎ئی 2007. .
• Joshi, Meera (25 June 2002). "The One and only... Rekha". دی ٹائمز آف انڈیا. 05 نومبر 2012 میں اصل سے آرکائیو شدہ. اخذ شدہ بتاریخ 20 جولا‎ئی 2001. 
• Raheja, Dinesh (18 October 2009). "Enigma at 55". میڈ ڈے. 08 مارچ 2012 میں اصل سے آرکائیو شدہ. اخذ شدہ بتاریخ 14 جنوری 2011. 
• "At 55, Rekha still an engima, an icon". دکن ہیرالڈ. Indo-Asian News Service. 9 October 2009. اخذ شدہ بتاریخ 27 فروری 2011. 
• Das Gupta, Ranjan (6 October 2010). "Ever gorgeous". دی ہندو. Chennai, India. 29 جون 2011 میں اصل سے آرکائیو شدہ. اخذ شدہ بتاریخ 27 فروری 2011. 
• Gangadhar, V. (24 April 2004). "Queen bee – The legend of Rekha". دی ٹریبیون; Spectrum. اخذ شدہ بتاریخ 08 ستمبر 2011. 
• Sharma, Amit (10 Oct 2006). "Rekha: The Journey of a Woman". اخذ شدہ بتاریخ 10 اکتوبر 2007.