مستنصر حسين تارڑ
مستنصر حسین تارڑ پاکستان کے مشہور سفر نامہ نگار ہیں۔ اب تک پچاس سے زیادہ کتابیں لکھ چکے ہیں۔ ان کی وجہ شہرت سفر نامے اور ناول نگاری ہے۔ اس کے علاوہ ڈراما نگاری، افسانہ نگاری اور فن اداکاری سے بھی وابستہ رہے۔ مستنصر حسین تارڑ پاکستان کے سب سے زیادہ پڑھے جانے والے ادیب ہیں۔[1]
| ادیب ، دانشور | |
|---|---|
| مستنصر حسین تارڑ | |
 |
|
| معلومات شخصیت | |
| پیدائش | 1 مارچ 1939 لاہور، پاکستان |
| رہائش | لاہور |
| قومیت |  پاکستانی |
| مذہب | اسلام |
| عملی زندگی | |
| تعليم | گریجویٹ |
| مادر علمی | گورنمنٹ کالج لاہور |
| پیشہ | مصنف |
| پیشہ ورانہ زبان | پنجابی ، اردو |
| وجہ شہرت | سفرنامہ، ناول، افسانہ، کالم |
| اعزازات | |
| دستخط | |
 | |
| ویب سائٹ | |
| ویب سائٹ | www |
درستی - ترمیم  | |
.gif){kind=small}
حالات زندگی
ترمیممستنصر کا آبائی تعلق گجرات سے ہے لیکن اس وقت لاہور میں رہتے ہیں۔ بچپن میں قیام پاکستان کو دیکھنے کا موقع ملا ۔
مستنصر حسین تارڑ کے والد رحمت خان تارڑ گجرات کے ایک کاشت کار گھرانے سے تعلق رکھتے تھے۔ مستنصر صاحب نے اپنے والد سے گہرا اثر قبول کیا۔
ابتدائی حالات
ترمیممستنصر حسین تارڑ 1 مارچ 1939ء کو لاہور میں پیدا ہوئے۔ بیڈن روڈ پر واقع لکشمی مینشن میں اُن کا بچپن گذرا جہاں سعادت حسن منٹو پڑوس میں رہتے تھے۔ اُنھوں نے مشن ہائی اسکول، رنگ محل اور مسلم ماڈل ہائی اسکول میں تعلیم حاصل ک۔ میٹرک کے بعد گورنمنٹ کالج میں داخلہ لیا۔ ایف اے کے بعد برطانیہ اور یورپ کے دوسرے ممالک کا رخ کیا، جہاں فلم، تھیٹر اور ادب کو نئے زاویے سے سمجھنے، پرکھنے اور برتنے کا موقع ملا۔ پانچ برس وہاں گزارے اور ٹیکسٹائل انجنئیرنگ کی تعلیم حاصل کرکے وطن واپس لوٹے۔
ادبی و فنّی خدمات
ترمیمٹی وی ڈراموں میں کام کیا ہے۔ متعدد سفر کیے۔ آج کل اخبار جہاں میں ہفتہ وار کالم لکھتے ہیں۔ اس کے علاوہ ناول کے حوالے سے بھی وہ ایک اہم نام ہے۔ انھوں نے بہاؤ، راکھ (ناول)، خس و خاشاک زمانے اور اے غزال شب جیسے شہرہ آفاق ناول تخلیق کیے۔ اس کے علاوہ آپ نے ٹی وی پروگراموں کی میزبانی بھی کرتے رہے ہیں۔ پی ٹی وی نے جب پہلی مرتبہ 1988ء میں صبح کی نشریات صبح بخیر کے نام سے شروع کیں تو مستنصر حسین تارڑ نے ان نشریات کی کئی سال تک میزبانی کے فرائض سر انجام دیے۔ ریڈیو پروگرام کی بھی میزبانی کی ۔
1957ء میں شوقِ آوارگی انھیں ماسکو، روس میں ہونے والے یوتھ فیسٹول لے گئی۔ (اُس سفر کی روداد 1959 میں ہفت روزہ قندیل میں شایع ہوئی۔)۔ اس سفر کی روداد پر ناولٹ "فاختہ" لکھی۔ یہ قلمی سفر کا باقاعدہ آغاز تھا۔
ٹی وی
ترمیمپاکستان لوٹنے کے بعد جب ان کے اندر کا اداکار جاگا، تو انھوں نے پی ٹی وی کا رخ کیا۔ پہلی بار بہ طور اداکار ”پرانی باتیں“ نامی ڈرامے میں نظر آئے۔ ”آدھی رات کا سورج“ بہ طور مصنف پہلا ڈراما تھا، جو 74ءمیں نشر ہوا۔ آنے والے برسوں میں مختلف حیثیتوں سے ٹی وی سے منسلک رہے۔ جہاں کئی یادگار ڈرامے لکھے، وہیں سیکڑوں بار بہ طور اداکار کیمرے کا سامنا کیا۔ بچوں کے چاچا جی کے طور پر معروف ہوئے۔ 2014ء میں ایکسپریس ٹی وی پر "سفر ہے شرط" کے نام سے سفر نامہ پروگرام بھی کر رہے ہیں ۔جیو ٹی وی پر شادی کے حوالے سے ایک پروگرام بھی کیا ۔
صبح بخیر
ترمیمپی ٹی وی نے صبح کی نشریات (صبح بخیر)کا آغاز 16 جنوری 1988 سے کیا اور اس صبح کی نشریات کے پہلےمیزبان مستنصر حسین تارڑ المعروف چاچا جی تھے۔
ڈرامے
ترمیمناول اور سفرناموں کے علاوہ مستنصر صاحب نے ڈرامے بھی تحریر کیے جن میں قابل ذکر یہ ہیں :
- شہپر
- ہزاروں راستے
- پرندے
- سورج کے ساتھ ساتھ
- ایک حقیقت ایک افسانہ
- کیلاش
- فریب
سفر نامے
ترمیم1969ء میں وہ یورپی ممالک کی سیاحت پر روانہ ہوئے، واپسی پر ”نکلے تری تلاش میں“ کے نام سے سفرنامہ لکھا۔ یہ 71ءمیں شائع ہوا۔ قارئین اور ناقدین دونوں ہی نے اسے ہاتھوں ہاتھ لیا۔ اِس کتاب کو ملنے والی پزیرائی کے بعد انھوں نے پیچھے مڑ کر نہیں دیکھا۔ اگلا سفر نامہ"اندلس میں اجنبی" تھا ۔ 42 برسوں میں 30 سفرنامے شائع ہوئے۔ 12 صرف پاکستان کے شمالی علاقوں کے بارے میں ہیں۔ پاکستان کی بلند ترین چوٹی "کے ٹو" پر ان کا سفرنامہ اس قدر مقبول ہوا کہ دو ہفتے میں پہلا ایڈیشن ختم ہو گیا۔ اِس علاقے سے اُن کے گہرے تعلق کی بنا پر وہاں کی ایک جھیل کو "تارڑ جھیل" کا نام دیا گیا۔ ان کے چند نمایاں سفرناموں کے نام یہ ہیں:
- نکلے تری تلاش میں - (سفرنامہ ۔۔افغانستان ترکی ایران یورپ فرانس ) - سفر جون جولائی -اشاعت۔۔۔1971
- اندلس میں اجنبی - (سفر۔سپین ) - سفر 1968 - اشاعت 1972
- خانہ بدوش - (سفر۔سپین، لبنان ،یورپ ) - سفر1975 - اشاعت 1983
- نانگا پربت - (بلتستان داستان) - سفر 86۔۔89 -اشاعت 1991
- نیپال نگری - سفر مارچ۔۔ 1998 -اشاعت 1999
- سفرشمال کے -سفر1988 - اشاعت 1991
- سنولیک - ( بیافو ہسپر دنیا کے طویل ترین برفانی راستے پر سفر کی داستان ) -سفر1996 - اشاعت 2000
- کالاش - (وادی کافرستان کا ڈرامائی سفر نامہ)
- پتلی پیکنگ کی
- شمشال بے مثال - (سوات وخنجراب) - سفر1998 - اشاعت2002
- سنہری اُلو کا شہر
- کیلاش داستان
- ماسکو کی سفید راتیں
- یاک سرائے
- نیو یارک کے سو رنگ
- ہیلو ہالینڈ
- الاسکا ہائی وے
- لاہور سے یارقند
- امریکا کے سورنگ
- آسٹریلیا آوارگی
- راکاپوشی نگر
- اور سندھ بہتا رہا
- برفیلی بلندیاں - ( تلتر جھیل،پگوڈا ٹریک، درۂ گندگورو،لیلیٰ پیک ٹریک -اشاعت2001
- چترال داستان - (گلگت،وادی گوپس،وادی بھنڈر،درۂ شندور،چترال،کافرستان) -اشاعت 2004
- دیوسائی - سفر1997 - اشاعت 2003
- ہنزہ داستان - سفر 1984 - اشاعت
- کے ٹو کہانی - سفر 1993 - اشاعت 1994
- یاک سرائے - سفر 87۔۔95 - اشاعت 1997
- پتلی پیکنگ کی - سفر2003 - اشاعت 2009
- سنہری الو کا شہر - (سفرنامہ ہندوستان) - سفر 1965. 2004
- رتی گلی - سفر۔۔1963،1956 ،2003 - اشاعت 2005
- منہ ول کعبہ شریف - سفر 2003 -اشاعت 2006
- غارِحرا میں ایک رات - سفر ستمبر 2004 - اشاعت 2006
- نیویارک کے سو رنگ - سفر 2005 - اشاعت2013
- الاسکا ہائی وے - سفر ستمبر 2006 - اشاعت 2011
- ماسکو کی سفید راتیں - سفر 1957، مئی 2007 - اشاعت2009
- ہیلو ہالینڈ - ہالینڈ کی سفرِداستان - نومبر،1956،1969،2010 -اشاعت2011
- لاہور سے یارقند تک -سفر2013 - اشاعت 2014
- امریکا کے سو رنگ - سفر 2012
- آخری صفحہ ،آخری لفظ ۔۔25 نومبر - اشاعت اگست 2015
- آسٹریلیا آوارگی - سفرروانگی اپریل 2014 - ۔اشاعت اگست 2015
- راکاپوشی نگر - سفر 2014 - اشاعت اگست 2015
- اور سندھ بہتا رہا - سفر 2015 - اشاعت جولائی 2016
- لاہور آوارگی - اشاعت جنوری 2017
- پیار کا پہلا پنجاب(نو دن پنجاب کے)- اشاعت جنوری 2017
اوائلِ عمر میں سوویت یونین کے سفرنامے "لنڈن سے ماسکو تک"سے انھوں نے سفر ناموں کی ابتدا کی۔ اس کے بعد "نکلے تیری تلاش میں" سے انھوں نے اردو ادب میں سفرنامہ لکھنے کے لیے ایک ایسا انداز متعارف کروایا جس کی اقتدا میں کئی سفرنامے لکھے گئے۔ انھوں نے سفرنامہ کو دلچسب، پُر مزاح، آسان اور سلیس تحریر سے ادب میں سفرناموں کے قارئین کی ایک کثیر تعداد پیدا کی۔ منظر نگاری کرتے ہوئے وہ الفاظ کی ایسی جادوئی بنت کرتے ہیں کے پڑھنے والا اس مقام و منظر سے بھرپور واقفیت حاصل کرلیتا ہے۔"نکلے تیری تلاش کے بعد انھوں نے مڑ کر نہیں دیکھا اور اندلس میں اجنبی، خانہ بدوش، کے ٹو کہانی،نانگا پربت، یاک سرائے، رتی گلی،سنو لیک، چترال داستان، ہنزہ داستان، شما ل کے سفرناموں سے ایسے سفرنامے تحریر کیے جن کو پڑھ کر کئی لوگ آوارہ گرد بن کر ان مقاموں کو دیکھنے ان جگہوں تک جا پہنچے۔"غار حرا میں ایک رات اور منہ ول کعبہ شریف" ان کے وہ سفر نامے ہیں جوحجاز مقدس کے بارے میں تحریر کیے گئے ہیں۔"نیو یارک کے سو رنگ،ماسکو کی سفید راتیں،پتلی پیکنگ کی،سنہری الو کا شہر بھی یادگارسفر نامے کہے جا سکتے ہیں ۔
ناول نگاری
ترمیمسفرنامے کے میدان میں اپنا سکہ جما کر ناول نگاری کی جانب آ گئے۔ اولین ناول "پیار کا پہلا شہر" ہی بیسٹ سیلر ثابت ہوا۔ اب تک اِس کے پچاس سے زائد ایڈیشن شائع ہو چکے ہیں۔ یوں تو ہر ناول مقبول ٹھہرا، البتہ راکھ اور “بہاؤ” کا معاملہ مختلف ہے۔ خصوصاً “بہاؤ” میں اُن کا فن اپنے اوج پر نظر آتا ہے، پڑھنے والوں نے خود کو حیرت کے دریا میں بہتا محسوس کرتا ہے۔ اِس ناول میں تارڑ صاحب نے تخیل کے زور پر ایک قدیم تہذیب میں نئی روح پھونک دی۔ “بہاؤ” وادی سندھ کے ایک شہر کا احوال ہے جو ایک قدیم دریا سرسوتی کے معدوم اور خشک ہوجانے کا بیان ہے، جس سے پوری تہذیب فنا کے گھاٹ اتر جاتی ہے۔ ناول کی زبان انتہائی منفرد ہے اس میں سندھی، سنسکرت، براہوی اور سرائیکی زبان کے الفاظ جا بجا ملتے ہیں جس سے ناول کا طرزِ تحریر اور اسلوب منفرد ہو جاتا ہے۔ “بہاؤ” کی طرزِ تحریرو زبان کی مثال ملنا مشکل ہے، یہ ایک انوکھی تخلیق ہے بقول مصنف یہ ایک(Myth )متھ ہے۔ “بہاؤ” میں مستنصر حسین تارڑ ماہر بشریات Anthropoligist نظر آتے ہیں۔ محمد عثمان ہوچہ نے ان کے ناول 'بہاؤ کا تحقیقی و تنقیدی جاٸزہ ' لے کر ایم اے کی ڈگری ایجو کیشن یونی ورسٹی فیصل آباد کیمپس سے ٢٠١٥ میں حاصل کی۔بہاؤ پر محمد عثمان ہوچہ کی تحقیق مستند اور حوالہ کا درجہ رکھتی ہے جسس کے بارے میں خود مستنصر حسین تارڑ نے لکھا 'محمد عثمان کے لیے محبت کاایک بہاؤ '
راکھ کو 1999ء میں بہترین ناول کے زمرے میں وزیر اعظم ادبی ایوارڈ کا مستحق گردانا گیا، جس کا بنیادی موضوع سقوط ڈھاکا اور بعد کے برسوں میں کراچی میں جنم لینے والے حالات ہیں۔ ”قلعہ جنگی“ نائن الیون کے بعد افغانستان پر امریکی حملے کے پس منظر میں لکھا گیا۔ اردو کے ساتھ پنجابی میں بھی ناول نگاری کا کام یاب تجربہ کیا۔ اس سفر میں افسانے بھی لکھے۔ ان کی شناخت کا ایک حوالہ کالم نگاری بھی ہے، جس میں ان کا اسلوب سب سے جداگانہ ہے۔ ’خس و خاشاک زمانے‘ ضخیم ناول ہے جس میں دو خاندانوں کی کئی نسلوں پر پھیلی داستان بیان کی گئی ہے۔
"اے غزال شب" سوویت یونین کے زوال کے بعد، پھیکے پڑچکے سرخ رنگ کی کہانی ہے جس میں لینن کے مجسمے پگھلا کر صلیبیں بنائی جا رہی ہیں اور کرداروں میں اُکتاہٹ بڑھ رہے ہے۔ اکتاہٹ، جو ان میں واپس اپنے وطن آنے کی خواہش جگاتی ہے، وہاں قیام کرنے کی غرض سے نہیں کہ اب وہاں اُن کا اپنا کوئی نہیں، فقط نامعلوم میں جھانکنے کے لیے۔ اور جب وہ یہ فیصلہ کرتے ہیں، تو شوکی جھوٹا سامنے آتا ہے۔ ایک عجیب و غریب کردار جس کا تخیل گم شدہ چیذوں تک پہنچ جاتا ہے۔ اور قا رئیں ناول کے چار کرداروں ہی کے زمرے میں آتے ہیں، اُس کی زبان سے سنتے ہیں۔ راکھ اور خس و خاشاک زمانے کی طرح یہ ناول بھی پاکستان کی مٹی سے جڑا ناول ہے جس کے کردار جاندار لیکن ماضی گزیدہ ہیں۔ خس و خاشاک زمانے بلا شبہ عظیم ناولوں کی فہرست میں شامل کرنے کے قابل ہے لیکن اے غزال شب بھی اگرچہ ضخامت میں قدرے مختصر ہے لیکن اسے بھی ایک ماسٹر پیس کہا جائے تو بے جا نہ ہو گا۔ جو قاری تارڑ کے اسلوب سے آشنا ہیں انھیں اس ناول میں ان کا فن اپنے عروج پر نظر آئے گا۔ تارڑ نے ماسکو میں اپنے قیام کے دوران میں جن حالات و واقعات کا مشاہدہ کیا اور ماسکو کی سفید راتیں میں تحریر کیا اس کا عکس اگر چہ جا بجا نظر آتا ہے لیکن اس ناول میں انداز بیاں، گہرائی و گیرائی کا جواب نہیں ہے۔ یوں محسوس ہوتا ہے کہ اب آکے تارڑ کا فن اپنے کمال تک پہنچا ہے۔ اس ناول میں تارڑ کے کردار ماضی کے خوابوں کے اسیر اور زندگی کی لایعنیت سے تنگ آئے لوگ ہیں ۔
- جپسی(سفری ناول) 1987
- بہاؤ (1990)
- راکھ (ایوارڈ 1997)
- پیار کا پہلا شہر - آخری صفحے کے آخری لفظ :یکم مارچ 1972 -پہلی اشاعت 1975 -اگلی اشاعت1983
- بہاؤ
- خس و خاشاک زمانے
- اے غزال شب آخری صفحہ آخری لفظ:20مارچ 2010
- خس و خاشاک زمانے (2010)
- قربت مرگ میں محبت (2008)
- بے عزتی خراب
- ڈاکیا اور جولاہا (2012)
- راکھ
- قلعہ جنگی- 2008
- منطق الطیر جدید
- دیس ہوئے پردیس
- پرندے 1984 ( دو ناولٹ) 1) پکھیرو۔ اردو ترجمہ ، 2) فاختہ )
- پکھیرو(پنجابی ناول)
کالم نگاری
ترمیماس کے علاوہ تارڑ صاحب کالم نگاری بھی کرتے رہے ہیں۔ ان کے کالموں کے مجموعہ مندرجہ ذیل ہیں:
- گزارا نہیں ہوتا (روزنامہ مشرق میں شائع ہونے والے فکاہیہ کالمز کا مجموعہ۔۔ 1987)
- چِک چُک(2003)
- الو ہمارے بھائی ہیں(2007)
- ہزاروں ہیں شکوے (1998)
- کارواں سرائے (1998)
- تارڑ نامہ۔۔۔۔2009
- تارڑ نامہ(1)َ۔۔۔۔۔2010
- تارڑ نامہ (2)۔۔۔۔2012
- تارڑ نامہ(3)۔۔۔۔2012
- تارڑ نامہ(4)۔۔۔۔2014
- تارڑ نامہ(5)
- گدھے ہمارے بھائی ہیں
- بے عزتی خراب (2014)
- شترمرغ ریاست (2007)
- خطوط( شفیق الرحمٰن،کرنل محمد خان،محمد خالداختر)2012
آج کل روزنامہ نئی بات اور ہفتہ وار اخبار جہاں میں بھی باقاعدگی سے کالم نگاری جاری رکھے ہوئے ہیں۔.
تخلیقات
ترمیم- خانہ بدوش
- جپسی (ناول)
- اندلس ميں اجنبی
- پیار کا پہلا شہر
- نانگا پربت
- ہنزہ داستان
- شمشال بے مثال
- کے ٹو کہانی
- برفیلی بلندیاں
- سفر شمال کے
- گدھے ہمارے بھائی ہیں
- کالاش
- یاک سرائے
- دیو سائی
- چترال داستان
- کاروان سرائے
- الّو ہمارے بھائی ہیں
- نکلے تيری تلاش میں
- بہاؤ (ناول)
- راکھ (ناول)
- پکھیرو (ناول)
- سنو لیک
- نیپال نگری
- پتلی پیکنگ کی
- یاک سرائے
- دیس ہوئے پردیس (ناول)
- سیاہ آنکھ میں تصویر (کہانہاں)
- خس و خاشاک زمانے (ناول)
- اے غزال شب(ناول)
- الاسکا ہائی وے
- ہیلو ہالینڈ
- ماسکوکی سفید راتیں
- لاہور سے یارقند تک
٭خطوط (شفیق الرحمٰن،کرنل محمد خان،محمد خالداختر)۔
- نیویارک کے سو رنگ
- امریکا کے سو رنگ
- آسٹریلیا آوارگی
- راکا پوشی نگر
- اور سندھ بہتا رہا
- 15 کہانیاں
- تارڑ نامہ (1)
- تارڑ نامہ (2)
- تارڑ نامہ(3)
- تارڑ نامہ(4)
- تارڑ نامہ(5)
اعزازات
ترمیممستنصر حسین تارڑ کی ادبی خدمات کے بدلے صدارتی تمغا حسن کارکردگی[2] اوران کے ناول "راکھ" کو 1999 میں بہترین ناول کے زمرے میں وزیر اعظم ادبی ایوارڈ کا مستحق گردانا گیا[3] اور آپ کو 2002ء میں دوحہ قطر میں لائف ٹائم اچیومنٹ ایوارڈ دیا گیا۔
متاثر کرنے والے لوگ
ترمیممطالعے کی عادت جتنی پختہ ہے، اتنی ہی پرانی۔اردو میں قرۃالعین حیدر ان کی پسندیدہ لکھاری ہیں۔ اُن کا ناول "آخری شب کے ہمسفر" اچھا لگا۔ ٹالسٹائی اور دوستوفسکی کے مداح ہیں۔ "برادرز کرامازوف" کو دنیا کا سب سے بڑا ناول خیال کرتے ہیں۔ شفیق الرحمن کی کتاب "برساتی کوے" کو اپنے سفرنامے ”نکلے تری تلاش میں“ کی ماں قرار دیتے ہیں۔ کرنل محمد خان کی "بجنگ آمد" کو اردو کا بہترین نثری سرمایہ سمجھتے ہیں۔ غیر ملکی ادیبوں میں رسول حمزہ توف کی "میرا داغستان" اور آندرے ژید کی خودنوشت اچھی لگیں۔ کافکا اور سارتر بھی پسند ہیں۔ ترک ادیب یاشر کمال اور اورحان پامک کے مداح ہیں۔ مارکیز اور ہوسے سارا ماگو کو بھی ڈوب کر پڑھا۔ ممتاز ادیب محمد سلیم الرحمن کی تنقیدی بصیرت کے قائل ہیں۔ اپنی تخلیقات کے تعلق سے ان سے مشورہ ضرور کرتے ہیں۔
تارڑ کہتے ہیں’’دوستوفسکی سے مَیں نے صبر سیکھا کہ کیسے لکھا جاتا ہے، کیسے کردار نگاری کی جاتی ہے۔ مَیں کوئی اوریجنل شخص نہیں ہوں بلکہ میرے اندر اُن بہت سے ادیبوں کی جھلک نظر آتی ہے، جنہیں مَیں نے پڑھا ہے اور جو آہستہ آہستہ مجھ میں سرایت کرتے گئے ہیں۔ آیا میرا اپنا کوئی اَنگ بھی بنا ہے یا نہیں، یہ مَیں نہیں کہہ سکتا۔ دوستوفسکی، چیخوف اور ٹالسٹائی کے بعد مَیں نے کافکا، کامیو اور کئی فرانسیسی ادیبوں کے ساتھ ساتھ جرمن ادیب ہرمن ہیسے کو بھی پڑھا، جن کے ناول "سدھارتھ" کو تو ایک بائبل کی طرح پڑھا جاتا ہے‘‘ ۔
تاثرات و تبصرے
ترمیمان کے ناول جنھوں نے سب سے زیادہ ادبی حلقوں میں پزیرائی حاصل کی ان میں سرفہرست "بہاؤ"کا نام آتا ہے جو وادئ سندھ کے معاشرتی طرز اور اطوار کو واضح کرتا ہے۔
اردو ادب کے مشہور ناول نگار عبداللہ حسین بہاؤ کے بارے میں لکھتے ہیں "اس تحریر کی پشت پر جس قدر تخیلاتی ریسرچ پائی جاتی ہے اس کا اندازہ کر کے حیرت ہوتی ہے۔ رسمی لحاظ سے سوچتا ہوں تو خیال آتا ہے کے اگر یہ ناول کسی ترقی یافتہ ملک میں لکھا جاتا تو چند سال کے اندر مصنف کو کسی یونیورسٹی کی جانب سے علم بشریات کی اعزازی ڈگری پیش کی جاتی"۔ عبد اللہ حسین کے ان الفاظ سے بہاؤ کی ادبی حیثیت کا اندازہ کیا جا سکتا ہے۔
"نکلے تری تلاش میں" سفرنامہ 71ء میں شائع ہوا۔ قارئین اور ناقدین دونوں ہی نے اسے ہاتھوں ہاتھ لیا۔ اِسے پڑھنے کے بعد محمد خالد اختر نے لکھا تھا: "اس نے مروجہ ترکیب کے تاروپود بکھیر ڈالے ہیں!"
"اندلس میں اجنبی" پڑھ کر شفیق الرحمن نے کہا: "تارڑ کے سفرنامے قدیم اور جدید سفرناموں کا سنگم ہیں!"
اس کے علاوہ "راکھ اورخس و خاشاک زمانے کو بھی شاہکار نہ کہنا نہ انصافی ہوگی۔تقسیم برصغیر کے بارے میں لکھے گئے یہ ناول ان تاریخی حقائق کو بیان کرتے ہیں جن پر اب تک بات کرنا پسند نہیں کی جاتی ہے،"خس و خاشاک زمانے " کو تو پاکستان کی ایک ایسی دستاویز کہا جا سکتا ہے جو پاکستانی معاشرے کی اخلاقی اور تہذیبی اقدار اور اس کے بدلتے رویوں کو بیان کرتی ہے۔ جب کہ "پیار کا پہلا شہر" اور قربت مرگ میں محبت" مقبول عام ہیں۔ ادب سے لگاؤ رکھنے والا شاید ہی کوئی ایسا ہوگا جس نے پیار کا پہلا شہر پڑھ نہ رکھا ہو۔ اس کے علاوہ ڈاکیا اور جولاہا، سیاہ آنکھ میں تصویر،جپسی،قلعہ جنگی ،فاختہ اور، اے غزال شب کے نام بھی ان کے ناولوں میں شمار ہوتے ہیں، بقول عبداللہ حسین اے غزال شب اُن کا پسندیدہ ترین ناول ہے۔