صدور پاکستان کی فہرست

1956ء میں پاکستان کے جمہوریہ بننے تک، پاکستان کا سربراہ برطانوی بادشاہ ہوا کرتا تھا۔ 1947ء تا 1956ء تک برطانوی بادشاہ کے نمائندے کے طور پر جو گورنر جنرل رہے ان کے لیے دیکھیے ; گورنر جنرل پاکستان۔

صدر پاکستان اسلامی جمہوریہ پاکستان کا سربراہ ہوتا ہے۔ پاکستانی آئین کے مطابق صدر کے پاس (عدالت عظمیٰ پاکستان کے منظور یا مسترد کرنے فیصلوں پر پابند، قومی اسمبلی کوتحلیل کرنے، نئے اتخابات کروانے اور وزیر اعظم کو معطل کرنے) جیسے اختیارات دئے گئے ہیں۔^[1] ان اختیارات کو فوجی بغاوتوں اور حکومتوں کے بدلنے پر با رہا مواقع پر تبدیل اور بحال کیا گیا۔ لیکن 2010ء کے آئین میں اٹھارویں ترمیم کے ذریعہ پاکستان کو نیم صدارٹی نظام سے دوبارہ پارلیمانی نظام، جمہوری ریاست کی جانب پلٹا گیا۔^[2] اس ترمیم کے تحت صدر کے اختیارات میں واضح کمی کرکے اسے صرف رسمی حکومتی محفلوں تک محدود کیا گیا جبکہ وزیر اعظم کے اختیارات میں اضافہ کیا گیا۔ صدر کو پاکستانی سینٹ، قومی اسمبلی اور صوبائی اسمبلیوں کی پاکستان کی جماعت انتخاب کنندگان منتخب کرتی ہے۔^[3]

1956ء میں جب اس عہدے کو تخلیق کیا گیا تب سے اب تک اس عہدے پر 13 صدور فائز ہو چکے ہیں۔^[4] 1956ء کے قانون میں جب اس عہدے کو تخلیق کیا گیا تو اسکندر مرزا ملک کے پہلے صدر منتخب ہوئے۔^[5]^[6] ان تیرہ صدور کے علاوہ دو نگران صدر بھی مختصر عرصے کے لیے اس کرسی پر کام کرتے رہے ہیں۔ ان میں سے ایک وسیم سجاد تھے جو ایک دفعہ 1993ء میں اور 1997ء-1998ء میں صدر رہے۔^[7] صدر کا عہدہ پانچ سال پر مبنی ہوتا ہے۔ صدر کے عہدے کی میعاد ختم ہونے پر یا ان کی غیر موجودگی میں چیئرمین سینٹ یہ عہدہ سنبھالتا ہے۔^[3]

چھ صدور کا تعلق کسی نا کسی سیاسی جماعت سے تھا جن میں سے چار کا تعلق پاکستان پیپلز پارٹی سے تھا۔ پاکستانی صدور کی تاریخ میں ایک صدر ریٹائرڈ فوجی تھے جبکہ چار حاضر سروس صدر تھے ان میں سے تین حضرات کامیاب فوجی بغاوت سے حکومت میں داخل ہوئے جن کی ترتیب یوں ہے -ایوب خان 1958ء میں، محمد ضیاءالحق 1977ء میں اور پرویز مشرف 1999ء میں۔^[4]^[8] صدر محمد ضیاء الحق دوران میں صدرات ہی 17 اگست، 1988ء کو بہاولپور سے اسلام آباد آتے ہوئے جہاز حادثے میں ہلاک ہوئے^[9]^[10]۔ ایوب خان کی مدت صدارت دس سال اور پانچ ماہ پر محیط ہے جو بطور صدر پاکستانی تاریخ میں سب سے بڑی مدت ملازمت ہے۔^{[n 1]}^[11] ممنون حسین جن کا تعلق پاکستان مسلم لیگ سے ہے انھیں 30 جولائی 2013ء کو صدر منتخب کیا گیا، انھوں نے 702 ووٹوں میں سے 432 ووٹ حاصل کر کے اکثریت حاصل کی اور عہدے کا حلف 9 ستمبر 2013ء کو اٹھایا^[12]^[13] اور 8 ستمبر 2018ء کو ان کی مدت ختم ہو گئی۔^[14]

پاکستانی صدور کی فہرست

کلید برائے صدور فہرست
	جماعت کا نام
	ریپبلکن پارٹی (پاکستان)
	کنونشن مسلم لیگ
	عسکریہ پاکستان
	آزاد
	پاکستان مسلم لیگ (ق)
	پاکستان پیپلز پارٹی
	پاکستان مسلم لیگ (ن)
	پاکستان تحریک انصاف

نمبر.	نام (پیدائش - وفات)	منتخب	آغاز	اختتام	سیاسی جماعت
1	اسکندر مرزا (1899ء–1969ء)	1956ء	23 مارچ 1956ء	27 اکتوبر 1958ء	ریپبلکن پارٹی (پاکستان)
2	ایوب خان (1907ء–1974ء)	مارشل لا	27 اکتوبر 1958ء	25 مارچ 1969ء	مارشل لا
3	یحییٰ خان (1917ء–1980ء)	مارشل لا	25 مارچ 1969ء	1 جولائی 1969ء	مارشل لا
3	یحییٰ خان (1917ء–1980ء)	مارشل لا	1 جولائی 1969ء	20 دسمبر 1971ء	مارشل لا
4	ذوالفقار علی بھٹو (1928ء–1979ء)	1971ء	20 دسمبر 1971ء	14 اگست 1973ء	پاکستان پیپلز پارٹی
5	فضل الہی چوہدری (1904ء–1982ء)	1973ء	14 اگست 1973ء	16 ستمبر 1978ء	پاکستان پیپلز پارٹی
6	محمد ضیاء الحق (1924ء–1988ء)	مارشل لا	16 ستمبر 1978ء	17 اگست 1988ء	مارشل لا
7	غلام اسحاق خان (1915ء–2006ء)	1988ء	17 اگست 1988ء	18 جولائی 1993ء	آزاد
—	وسیم سجاد (پیدا‏ئش 1941ء) قائم مقام		18 جولائی 1993ء	14 نومبر 1993ء	پاکستان مسلم لیگ (ن)
8	فاروق لغاری (1940ء–2010ء)	1993ء	14 نومبر 1993ء	2 دسمبر 1997ء	پاکستان پیپلز پارٹی
—	وسیم سجاد (پیدا‏ئش 1941) قائم مقام		2 دسمبر 1997ء	1 جنوری 1998ء	پاکستان مسلم لیگ (ن)
9	محمد رفیق تارڑ (1929–2022)	1997	1 جنوری 1998ء	20 جون 2001ء	پاکستان مسلم لیگ (ن)
10	پرویز مشرف (1943–2023)	2004ء	20 جون 2001ء	18 اگست 2008ء	مارشل لا
—	محمد میاں سومرو (پیدا‏ئش 1950) قائم مقام		18 اگست 2008ء	9 ستمبر 2008ء	پاکستان مسلم لیگ (ق)
11	آصف علی زرداری (پیدا‏ئش 1955ء)	2008ء	9 ستمبر 2008ء	9 ستمبر 2013ء	پاکستان پیپلز پارٹی
12	ممنون حسین (1941–2021)	2013ء	9 ستمبر 2013ء	9 ستمبر 2018ء	پاکستان مسلم لیگ (ن)
13	عارف علوی (پیدا‏ئش 1949ء)	2018ء	9 ستمبر 2018ء	10 مارچ 2024ء	پاکستان تحریک انصاف
11	آصف علی زرداری (پیدا‏ئش 1955ء)	2024ء	10 مارچ 2024ء	برسر منصب	پاکستان پیپلز پارٹی