ویکیپیڈیا

رکن الدین حسین چشتی

(خواجہ رکن الدین سے رجوع مکرر)

ولادت 545 ہجری اور وفات 635 ہجری خواجہ رکن الدین حسین خواجہ نجم الدین احمد مشتاق ( 492ہجری  577 ہجری) کے فرزند تھے اور خواجہ نجم الدین احمد مشتاق خواجہ قطب الدین مودود چشتی رحمت اللہ علیہ (430ہجری  527 ہجری) کے فرزند تھے

مضامین بسلسلہ

تصوف

عقائد و عبادات
صوفی شخصیات
تصوف کی معروف کتابیں
صوفی مکاتب فکر
سلاسلِ طریقت
علم تصوف کی اصطلاحات
مساجد
تصوف کی نسبت سے معروف علاقے
دیگر اصطلاحات

تاریخ ترمیم

حضرت خواجہ نجم الدین احمد مشتاق رحمت اللہ علیہ کے  تین بیٹے تھے،  جن کے  نام  خواجہ بہاو الدین محمود   خواجہ نظام الدین علی  اور خواجہ رکن الدین حسین تھے، حضرت خواجہ نجم الدین احمد مشتاق رحمت اللہ علیہ نے ان تینوں میں سے  کسی کو اپنا جانشین نہیں بنایا، خواجہ محمود بڑے صاحبزادے تھے اور سمجھتے تھے کہ یہ حق انکا ہے اور خواجہ نظام الدین علی اپنی اعلٰی علمی حیثیت کی وجہ سے  سمجھتے تھے کہ ان کو یہ رتبہ ملنا چايے،  جبکہ خواجہ رکن الدین سب سے  چھوٹے اور خاموش تھے اور مریدین کی خاطر مدارات میں لگے رہتے تھے،    خواجہ نجم الدین احمد مشتاق رحمت اللہ علیہ کے  انتقال کے  بعد آخر کار خواجہ رکن الدین حسین  رحمت اللہ علیہ کو اتفاق رائے سے  جانشین مقرر کیا گیا، اسی دور میں تاتاریوں کا فتنہ اپنے عروج پر تھا خواجہ رکن الدین حسین  رحمت اللہ علیہ  نے اپنے والد محترم کو خواب میں دیکھا جو ان سے  فرما رہے تھے کہ تاتاریوں کا لشکر پہنچ رہا ہے  علاقہ بدری کی بشارت پاتے ہی  آپ علاقہ غور کی طرف روانہ ہو گئے اور اپنے دونوں صاحب زادوں خواجہ محی الدین علی رحمت اللہ علی اور شیخ الاسلام قد و دین خواجہ محمد رحمت اللہ علیہ کو  سات لیا، اس طرح منازل طے کرتے ہوئے علاقہ ساغر پہنچے  جہاں کا والی قطب الدین حسن تھا   جو خواجہ صاحب قدس اللہ سرہ عزیز کا معتقد تھا، انھوں نے خواجہ صاحب کا بڑے اعزاز و اکرام سے    استقبال کیا اور اپنے ساتھ تعظیم و تکریم سے  رکھا،  تاتاریوں کا لشکر اس قلعہ تک بھی پہنچا اور قلعہ کا چھ ماہ تک محاصرہ کیا  جبکہ قلعہ کے  اندر راشن پانی وغیرہ سب ختم ہو گیا اور حالات انتہائی تکلیف دہ ہو گئے  ایک دن ملک قطب الدین حسن نے صرف ایک لوٹہ پانی کے  ساتھ وضو کیا اور پانی کی کمیابی کی وجہ سے  وضو کے  پانی کو ایک برتن میں جمع کرکے  خواجہ رکن الدین کے  گھوڑے کو پلایا اس صورت حال سے  مجبور ہوکر لوگ آپ کے  پاس جمع ہوئے اور بارش کے  لیے اللہ سے  دعا کی التجاء کی آپ نے دست نیاز بلند کی اور دعا کے  ختم ہوتے ہی باران رحمت شروع ہو گئی اور لوگ سیر آب ہو گئے حالانکہ یہ موسم بارش کا نہیں تھا یہ دیکھ کر تاتاری لشکر کو مایوسی ہوئی اور وہ محاصرہ ختم کرکے واپس چلے گئے، کچھ مدت قیام کے  بعد خواجہ رکن الدین حسین رحمت اللہ علیہ واپس بطرف چست روانہ ہو گئے اور جب  آپ تولک کے  مقام پر پہنچے تو آپ نے اپنے صاحب زادوں کو قلعہ سے  کچھ میوہ جات لانے کے  لیے روانہ کیا جب صاحبزادے قلعہ کے  قریب پہنچے تو اچانک وہاں تاتاری سپاہی آگئے ، حضرت  قدودین خواجہ محمد رحمت اللہ علیہ درختوں کے  پیچھے چھپ گئے اور حضرت خواجہ محی الدین علی رحمت اللہ علیہ گرفتار ہو گئے اور سپاہی ان کو اپنے حاکم کے  پاس لے گئے وہاں دربار میں ان کے  ایک جدی معتقد خواجہ نصر الدین طوسی  رحمت اللہ علیہ موجود تھے جن کا تاتاری حکمران بڑی عزت کرتے تھے، جب  خواجہ نصر الدین طوسی  رحمت اللہ علیہ نے خواجہ محی الدین علی رحمت اللہ علیہ کو دیکھا تو بہت پریشان ہوئے اور ان کو رہا کروانے کی ترکیب سوچنے لگے خواجہ نصر الدین طوسی  رحمت اللہ علیہ نے تاتاری حاکم کے  سامنے آپ کے کرامات اور خاندان کے  بارے میں کچھ نہیں بتایا صرف حاکم سے  یہ کہا کہ یہ لو گوں کو کھانا کہلاتے ہیں تاتاری حاکم نے سوال کیا اپنے لوگوں کو کھانا کہلاتے ہیں  خواجہ نصر الدین طوسی  رحمت اللہ علیہ نے جواب دیا نہیں یہ سب کو کھانا کہلاتے ہیں جو بھی جاوئے  یہ سن کر کہا ایسا کوئی تو ہے جو بیگانوں کو بھی کھانا کہلاتے ہیں ، اس طرح تاتاری حاکم نے خواجہ محی الدین علی رحمت اللہ علیہ کو رہا کر دیا ، افغانستان میں موجود ہزارہ جات اپنے آپ کو انہی سپاہیوں کی نسل بتا تے ہیں اور انہی کی نسل  پاکستان کے  شہر کوئٹہ کے  مقام مری آباد اور بمقام کرانی بڑی تعداد میں آباد ہیں یہ عجیب بات ہے کہ یہی لوگ خاندان سادات  مو دودیہ کے  طفیل مشرف بہ اسلام ہوئے  اور انہی کی نسل جب افغانستان پر روسی جارحیت کے  وقت ہجرت کر کے  پاکستان آئی تو ان کو پناہ بھی حضرت خواجہ ولی رحمت اللہ علیہ  کے  دامن میں بمقام کرانی ملی حضرت خواجہ ولیؒ جو حضرت  خواجہ مودود چشت رحمت اللہ علیہ کے  پسری اولاد ہیں، ان خواجگان چشت کو خواجگان کل بھی کہتے ہیں  یعنی انھوں نے عوام الناس کی خدمت قبول کرلی اور اپنے خط کے  ساتھ (خادم خلائق اجمعین ) لکھتے تھے، جب خواجہ رکن الدین رحمت اللہ علیہ  مزارات  متبرکہ چشت شریف پہنچے تو پایا کہ اکثر عزیزو اقارب تاتاری فوج کے  ہاتھوں شہید ہو چکے تھے اور جو بچ گئے تھے وہ نہایت پریشان حال تھے، آپ نے سب کو یکجا کیا اور تسلی دی، منقول ہے لشکر کفار جب بھی مزارات مبارکہ  کے  پاس سے  گزرتی تو ان میں سے  اکثر خواجہ رکن الدین رحمت اللہ علیہ  کے  ہاتھوں اسلام لاتے اس طرح ہزاروں  فو جی مشرف بہ اسلام ہوئے اور یہ سلسلہ جاری رہا، منقول ہے کہ ایک وقت ایسا بھی آیا کی ظالم تاتاری خواجہ گان چشت کے  گھوڑوں کے  سموں پہ بوسہ دیتے ہوئے پائے گئے، خواجہ محی الدین علی رحمت اللہ علیہ تاتاری قید سے رہا ہو کر جب چشت پہنچے تو خواجہ رکن الدین رحمت اللہ علیہ نے ان کو ہندوستان جانے کا حکم دیا اور خواجہ محی الدین علی رحمت اللہ علیہ  ہندوستان روانہ ہو گئے اور قد و دین خواجہ محمد رحمت اللہ علیہ  خواجہ رکن الدین رحمت اللہ علیہ کے  حیات ہی میں سن 624ھ  کو اس جہان فانی سے  کوچ کر گئے، حضرت  قد و دین خواجہ محمد رحمت اللہ علیہ کے  پس ماندگان میں ایک بیٹا جن کا نام حضرت خواجہ قطب الدین ابن خواجہ محمد تھا رہا، چنانچہ خواجہ رکن الدین رحمت اللہ علیہ کو ہمیشہ اپنے جگر گوشوں کی جدائی کا غم رہا اور  635ھ رمضان المبارک میں  90 برس کی عمر میں  اس دنیا سے  رحلت فرما گئے-[1]

شجرہ جات ترمیم

شجرہ ترمیم

اولاد ترمیم

حوالہ جات بیرون ترمیم

  1. ↑ [1] تذكار يكپاسى
  2. ↑ شجرہ موروثی سادات کرانی

حوالہ جات کتب ترمیم

 
Referenced from Book Khwaajah Maudood Chisti
  • [2] Chishti Tariqa
  • [3]آرکائیو شدہ (Date missing) بذریعہ soofie.org.za (Error: unknown archive URL) Soofie(Sufi)
  • [4] Chishti Order
  • [5]آرکائیو شدہ (Date missing) بذریعہ iranibook.com (Error: unknown archive URL) خواجگان چشت سيرالاقطاب: زندگينامه هاي مشايخ چشتيه
  • [6] طريقۀ چشتيه در هند و پاكستان و خدمات پيرواناين طريقه به فرهنگهاى اسلامى و ايرانى‎
  • ( خزینہ الاصفیاء: مفتی غلام سرور لاہوری )
  • تذکرہ سید مودودی ادارہ معارف اسلامی لاہور
  • سیر ال اولیاء
  • مرا تہ الاسرار
  • تاریخ مشائخ چشت
  • سفینہ ال عارفین
  • تذکرہ غوث و قطب
  • شجرہ موروثی سادات کرانی
اخذ کردہ از «https://ur.wikipedia.org/w/index.php?title=رکن_الدین_حسین_چشتی&oldid=6054862»