بھاٹہ

بھاٹہ، تحصیل گوجرخان ضلع راولپنڈی، پنجاب، پاکستان میں مندرہ بھاٹہ روڈ کے وسط میں واقع ہے۔ گاؤں بھاٹہ تحصیل گوجر خان اور تحصیل کلرسیداں کو تقسیم کرتا ہے۔ گاؤں بھاٹہ موضع بھاٹہ میں آتا ہے۔ یہ گاؤں جی ٹی روڈ، مندرہ سے 8 کلومیٹر کے فاصلے پر ہے۔ بھاٹہ میں لڑکوں اور لڑکیوں کی تعلیم کے لیے پرائمری اور ہائی مدارس موجود ہیں۔ بنیادی مرکز صحت، بجلی، ٹیلی فون، واٹر سپلائی کی سہولت دستیاب ہے۔  تمام گلیاں پختہ ہیں۔ بھاٹہ میں پانچ مساجد اور دینی مدارس بھی موجود ہیں۔  زیادہ تر لوگ سرکاری ملازمین ہیں جیسے اساتذہ، پنجاب پولیس (پاکستان)، پاکستان آرمی، پاکستان نیوی، پاکستان ایئر فورس، پٹواری، ٹریفک پولیس وغیرہ۔

بھاٹہ Bhata
گاؤں اور ڈاک خانہ
متناسقات: 33°25′7″N 73°18′5″E
ملک	پاکستان
صوبہ	پنجاب، پاکستان
ضلع	راولپنڈی
تحصیل	گوجرخان
یونین کونسل	نور دولال
تھانہ	مندرہ
آبادی (2022)
• کل	4,202
زبانیں
• مقامی زبان سرکاری زبان	پوٹھوہاری اردو
منطقۂ وقت	PST (UTC+5)
ڈاکخانہ ضابطہ	47670
ٹیلی فون کوڈ	0513

خطہ پوٹھوہار کا نقشہ

تاریخ

بھاٹہ ایک تاریخی گاؤں ہے۔ بھاٹہ کو 1380ء یا 1400ء کے درمیان آباد کیا گیا۔ یہاں پر چھ سو سال پرانا قبرستان اور مسجد موجود ہے۔ بھاٹہ کے مغرب کی جانب کچھ فاصلے پر تاریخی قبرستان سرداران گکھڑاں ہے جس کا مکمل رقبہ تقریباً اسی کنال تھا سلطان زاہدی گکھڑ بن سلطان ملک فرنسیہ گکھڑ کی قبر کالی خانقاہ کے قبرستان سے مشہور ہے اور ان کے دو بہادر سپوت بھائیوں شیر خان گکھڑ و فتح خان گکھڑ کی قبور قلعہ نما چار دیواری میں ہیں جو یہاں اسودہ خاک ہیں۔ قبرستان کی چاردیواری کی مغربی اندرونی دیوار پر تین محرابیں ہیں درمیانی محراب بڑی اور دائیں بائیں والی قدرے چھوٹی ہیں چاروں کونوں پر گول برج ہیں۔ چار دیواری مشرق کی جانب سے مکمل طور پر گر چکی ہے اور شمال اور جنوب کے اطراف سے نصف گری ہوئی ہے۔ 1580ء میں سلیمان خان نے بھاٹہ کو صحیح معنوں میں آباد کیا۔ سلیمان خان کی آمد کے بعد یہاں پر جنجوعہ راجپوت خاندان آباد ہیں۔

نقل و حمل

شاہراہیں

گاؤں بھاٹہ مندرہ بھاٹہ روڈ پر واقع ہے۔ جو گوجر خان شہر سے تقریباً 18 کلومیٹر، راولپنڈی - اسلام آباد سے تقریباً 45 کلومیٹر، جی ٹی روڈ (قومی شاہراہ 5) مندرہ سے 8 کلومیٹر، روات سے 22 کلومیٹر، کلر سیداں اور کہوٹہ سے تقریباً 16 کلومیٹر دور ہے۔

عوامی ٹرانسپورٹ

بھاٹہ میں گھومنے پھرنے کے بہت سے طریقے ہیں، جن میں پبلک ٹرانسپورٹ، بسیں، مختلف قسم کی نجی کرائے کی گاڑیاں بشمول وین، کاریں، ٹیکسیاں اور آٹو رکشہ، موٹر سائیکلیں اور ٹریکٹر شامل ہیں۔

ریلوے

مندرہ جنکشن ریلوے اسٹیشن اور گوجرخان ریلوے اسٹیشن نزدیک ترین ریلوے اسٹیشن ہیں۔

ہوائی اڈا

نیو اسلام آباد بین الاقوامی ہوائی اڈا بھاٹہ سے70 کلومیٹر کی دوری پر واقع ہے۔

موٹر وے

بھاٹہ کو چکوال اور راولپنڈی والی سائیڈ سے ایم 2 موٹروے (پاکستان) اسلام آباد اور لاہور براستہ مندرہ چکوال روڈ سے بلکسر انٹرچینج اور کلر کہارانٹرچینج سے ملاتی ہے۔ موٹروے چھ لینوں پر مشتمل ہیں۔

محل وقوع اور جغرافیہ

بھاٹہ پوٹھوہار گوجر خان کے دل کے قریب سطح مرتفع پوٹھوہار میں واقع ہے۔

آس پاس کے مقامات سے فاصلہ
ترتیب	نام	فاصلہ (کلومیٹر)	سڑک کا نام	سفر کا وقت
1	راولپنڈی	45	چوک پنڈوری	1 گھنٹہ 10 منٹ
2	راولپنڈی	50	مندرہ جی ٹی روڈ	1 گھنٹہ 23 منٹ
3	اسلام آباد	50	اسلام آباد ہائی وے	1 گھنٹے 07 منٹ
4	گوجر خان	23	مندرہ جی ٹی روڈ	36 منٹ
5	نیو اسلام آباد بین الاقوامی ہوائی اڈا	70	صدر، راولپنڈی	1 گھنٹے 40 منٹ
6	کلر سیداں	15	چوک پنڈوری	22 منٹ
7	کہوٹہ	24	چوک پنڈوری	44 منٹ

تعلیمی ادارے

• شہید امجد عنایت جنجوعہ گورنمنٹ بوائز ہائی اسکول بھاٹہ
• گورنمنٹ گرلز ہائی اسکول بھاٹہ
• گورنمنٹ پرائمری اسکول بھاٹہ(غیر فعال)
• مدرسہ جامع مسجد غوثیہ چشتیہ، بھاٹہ

ذرائع ابلاغ

پی ٹی سی ایل لینڈ لائن ٹیلی فون کا مرکزی نیٹ ورک فراہم کرتا ہے۔ بہت سے آئی ایس پیز اور پاکستان میں کام کرنے والی تمام بڑی موبائل فون اور وائرلیس کمپنیاں بھاٹہ میں خدمات فراہم کرتی ہیں۔

ڈاک خانہ

• بھاٹہ میں ڈاک خانہ موجود ہے۔

شہر/قصبہ	رمزِ ڈاک	تحصیل / تحصیل ڈاک خانہ	ضلع/صدر ڈاک خانہ	صوبہ/عملداری
مندرہ/ بھاٹہ	47670	گوجرخان	راولپنڈی	پنجاب

زبانیں

پوٹھوہاری بھاٹہ کی اہم اور سب سے زیادہ بولی جانے والی زبان ہے۔ دیگر زبانیں جو بولی جاتی ہیں ان میں اردو، پنجابی، پشتو اور انگریزی شامل ہیں۔

مذہب

بھاٹہ کی تمام آبادی مسلمان ہے۔ اور یہاں پر کوئی غیر مسلم آباد نہیں ہیں۔

مذہب
مذہب
اسلام			100%

مساجد

• مرکزی جامع مسجدغوثیہ چشتیہ بھاٹہ
• مدنی جامع مسجد بھاٹہ
• اولیاء اللہ مسجد بھاٹہ
• مسجد خاتم النبیین بھاٹہ
• بوائز ہائی اسکول والی مسجد بھاٹہ

کھیل

کرکٹ, والی بال، فٹ بال اور گھڑ دوڑ بھاٹہ کے نوجوانوں میں خاصے مقبول کھیل ہیں۔

ہسپتال

• بنیادی مرکز صحت کوری دولال جو مندرہ کی جانب غوثیہ چوک جوڑ میں واقع ہے۔ جو بھاٹہ سے 2.5 کلومیٹر دور ہے۔

اہم شخصیات

• حافظ محمود عبد اللہ شاہ کرخی (عربی شاہ قلندر)
• حضرت میاں حاجی صاحب
• میاں ابراہیم صاحب
• میاں محمد اسماعیل شہید
• سید معصوم بادشاہ
• سائیں زرداد خان
• سائیں اللہ دتہ
• ملا محمد
• مولوی دین محمد
• حافظ امام بخش
• چوہدری نور احمد خاں
• منشی محمد اسماعیل
• مولوی محمد حسین
• مولوی محمد عالم
• قاضی منصفدار
• علامہ مشتاق احمد چشتی
• علامہ غلام سرور نورانی
• رانا محمد صادق عارفی
• قاری مشرف حسین
• راجا سلیمان جنجوعہ
• حکیم روشن دین قادری
• چوہدری نور محمد
• نمبردار محمد ایوب
• راجا بہادر خان
• حاجی فضل غفور
• صوفی جہانگیر خان نقشبندی
• ڈاکٹر محمد الیاس جنجوعہ
• حاجی محمد منیر جنجوعہ
• چوہدری عبد الکریم
• ٹھیکیدار امام دین
• بریگیڈئیر طارق محمود جنجوعہ
• حاجی بہادر علی قادری
• قاضی محمد امین
• ماسٹر محمد یوسف
• ماسٹر لیاقت علی
• ڈاکٹر محمد فاروق جنجوعہ
• ماسٹر محمد نواز جنجوعہ
• ماسٹر ظفر محمود چشتی
• ذیلدار محمد بخش
• نائب صوبیدار گلاب خان
• حاجی عبدالرئوف
• چوہدری محمد مہربان
• چوہدری اشتیاق حسین
• میجر محبوب حسین
• میجر لال حسین
• ڈاکٹر محمد عمران
• عامر الیاس جنجوعہ
• قمر عبد اللہ
• چوہدری محمد نثار
• قاضی محمد یوسف
• ڈاکٹر مشرف حسین

قریبی علاقے

• کورزادہ سواں
• موہڑہ نوجو
• موہڑہ دھمیال
• عزیز پور گجراں
• بسنتہ
• جھیڑیں
• نور دولال
• گمٹی
• بشندوٹ
• کوری دولال
• اراضی حسنال
• پھلینہ

حوالہ جات

https://en.wikipedia.org/wiki/Bhata